تجميل الانف في ايران ؟؟

[مهناز]

السلام عليكم حبايب قلبي


بسألكم انا يمكن بالصيف اروح ايران اسوي عمليه


تعرفون دكتور زين هناك وبشكل عام شرايكم بنتايج عملياتهم ؟ ووين احسن عياده او مستشفى

عندكم من اهلكم او صديقاتكم وحده مجربه مسويه عمليه هناك ؟؟ وشلون كانت


بلييزز ضروري ناطره ردكم

 

[أم منصور]

الكل يسأل بخصوص عمليات تجميل الأنف


الشائع والمتداول في الكلام بين اخصائي التجميل وعموم الناس

خشمها موحلو مسوته في إيران هذا كلام الناس
والأطباء يقولون مبين شغل ايران


سألي ليش هذا الكلام متداول مع إن أول مابدت العمليات وشاعت وانتشرت للذاهبين إلى أيران

أولا :
يرفعون الأنف بدرجة كبيرة
ينحتون العظم وايد
قصة الأنف السفلية واضحة كأن قطعتين مركبين على بعض غلط

وأخيرا حسب ما شفته

جوانب فتحات الأنف قص ولصق

والنتيجة بتصيرين شبيهة المطرب مايكل جاكسون

امانه

العمليات في ايران ما أصبح مرغوب فيها
الأفضل بدرجة أولى لبنان
ثانيا الكويت فيها بس انتي وحظك
في بالإمارات واحد بس سمعت انه ممتاز
وبالسعودية كذلك لكن اسفة بدون اسماء

لا تجازفين بأي أحد ترى الأنف يامعنوياتك تكون فوق النخل
او ما تشتهين تكلمين أحد من العقد إلي بتصير فيج إذا خربوه
وتعالي صلحي محد يصلح والكل يبي فلوس من وراج ويخرب زيادة
وابسط شئ يقولونه الدكاترة

انتي يايتني خشمج خربان حدة زين مني طلعته جذي ونفسيات الدكاترة بعد العملية
مو جنة إلي كان يضحك ويتغشمر وياج قبل ما تسوين العملية عنده


اتمنى لك التوفيق وخشم جميل



أم منصوووووووووور

 

[ام الفهد712]

حبيبتي انا خوااتي ثنتين مسوين بايران
عند دكتووور (بور صادق) وااايد ممتاز والخشم روعه واذا تبين تشوفين بعينج اعطيج رقم اختي وكلميهااا وحده منهم صارلهااا 5سنين مسويه والثانيه من شهر 4 اللي طاف والله والله والله ولا جنج مسويه عميله ولا مكان الغرز يبين واظن مكانه بمشهد اذا ما خاب ضني

 

[مهناز]

مشكورة ام منصور حدي اخترعت

حبيبتي ام الفهد لما قريت ردج شوي راحت الخرعه صار فيه امل .. زين ممكن اكلمج بالخاص تعطيني عنوان الدكتور وعيادته ورقمها لانه انا رايحه هناك بالصيف ان شالله بس ماعرف شي عن الدكاتره والعيادات

ومشكوره ياعمري ماقصرتي


وناطره اسمع ردود الاخوات ورايهم ..

 

[سعوودية]

انشالله تطحين علي دكتور زين

بالتوفيق

 

[مهناز]

مشكوره ياعمري

 

[أم منصور]

والله ما أبي اخرعج حبيبتي
الدكتور الشاطر إلي بتروحين له يضبط لج ويمكن ما يضبط حق غيرج أعيد واكد السالفة حظوظ
ونفس الشي يكون العكس دايما شوفو شنو مشكلتكم هل هي كبيرة معناها النتيجة ماراح تبين من اول مرة محتاجة عمليتين
إذا انفك ما فيه مشاكل واضحة ثقي النتيجة حلوة عند اي دكتور
بس لا تقارنون نفسكم بغيركم راح ترضون بالنتيجة

الله يعين الدكتور محد راضي بنتيجته
والله يعين المريض إلي بينطر نتيجة العملية

الله يوفقج بما فيه الخير وسوي استخارة

 

[مهناز]

مشكوره يا ام منصور على ردج واهتمامج الله يكثر من امثالج

حبيبه والله

 

[dalprincess]

اكثر الدكاتره الي بايران شغلهم بايخ بس انتي باي منطقه بتسوين ... انا اختي سوت بشيراز وراحت عند احسن دكتور بشيراز يعني ضلت سنه تسأل ومواعيده بالغصب تحصلينها .. وسوت عنده وماشالله مو جنه مسويته بايران وااايد حلووو وانا اعرف جم دكتور شاطر بايران اذا تبين راسليني عالخاص بس ديري بالج لاتجازفين وتروحين عند اي دكتور ترى في بعضهم اي شي والخشم يطلع عوي ومادري شنو :/ وموفقه حبيبتي

 

[@راسي مرفوع@]

مهناز ديري بالج كلام البنات صح لا تستعجلين وتسوين العمليه عند اي واحد مو عجبج كلامه وعلى اول موعد تسوينه اخذي هالوقت وسئلي عن الدكتور اللي يضبط خشمج مو يلعب بويهج وخلاص وتاليها تنصدمين
وبصراحه انا انصحج بلبنان رفيجاتي مسوياته عند الدكتور اللي مسوي خشم هيفا ( مساكين يحسبون بيطلعن بحلاتها) والله خشومهم تينن
ومن كل قلبي ادعيلج بخشم جمييييييييييل يغير ملامحج وتصيرين احلى من نانسي وهيفا

 

[مهناز]

dalprincess

راسي مرفوع


بعد عمري فديييييتكم والله وينكم عني من زمان هههههههههههههههههههههههه

والله الكل يقول عني حلوه بس العظمه اللي بالنص مخرب شكليييييي واااااااااااي متى افتك من هالهم

ابيكم عالخاص ضروري

 

[أم منصور]

اخت مهناز
والبنات الحلوين إلي ردوا عليها
إلي قالت في لبنان شنو اسم الدكتور وإلي قالت في إيران شنو اسمه بعد حتى الكل يستفيد
ومشكورين عطو مهناز فرصة تتعرف وتسآل
والبنات إلي حابين يعرفون بعد أكثر يعرفون

لأن سؤال عمليات الأنف وايد ينسآل
وكل مرة يركزون على دكتور أو أثنين

وممكن يكون شغلهم عادي مو مستوى الطموح

مهناز إذا انتي حلوة
ركزي عالموضوع أكثر
العظمة إذا شلتيها قوليله يشيل لك الجزأ إلي كانت العظمة رافعته
حتى لا ينزل الأنف وتشوفين كتلة من اللحم
لآن ناس سووها وقالوا ما عندي مشكلة إلا العظم لا تعدل شي
بالأخير اكتشفوا إن العظمة كانت رافعة جلد الأنف وبدونها أصبح متضخم

والدكتور علميه انج فاهمة واقري في مواقع تتكلم عن عمليات تصليح الأنف


وموفقة من قلب


أم منصوووووووووووووور
:lolo:

 

[ام الفهد712]

حبايبي الدكتووور اللي بايران اسمه***(بور صادق)***
انا عندي صووورة اختي بس خل استاذن منها واضبطهااا علشان امسح العين مع الشفايف واخلي بس الخشم واحطلكم اياها علشان تشوووفووون شلووون حلوووو شغله

 

[أم منصور]

يالله أم اللفهد شوقتينا

وعشان مهناز اهي ناوية تروح ايران


مشكووورة وكل عام وانتي بخير وكل إلي بالمنتدى بخير

أم منصوووووووور

 

[ام الفهد712]

بنات حااولت احط الصوووره بالمرفقاات بس ما صار حجم الصوووره كبير
فخل احاااول اصغرر الصوووره وحطلكم ياها

 

[ma3soma]

بنات ابي اسم الدكتور اللي في لبنان ضروري عشان بروح نهاية يناير لبنان

 

[supermarket]

دكاترة لبنان اللي اعرفهم

بول عودة ( جنة اسمه جذي )

ومادري الثاني شسمة شي عبد النور مو ذاكرة

 

[مهناز]

يعطيكم العافيه يارب


ناطرين نسمع راي باقي البنات

 

[ma3soma]

بول عوده شفته في المستقبل يوم يسويها بتصوير في برنامج زفين
ويعطيكم العافيه

 

[ام الفهد712]

ياريت تطلع الصوووره