تجميل الذقن وتحديد الحنك

[meesh]

ابي اسال كيف يسوون تجميل الذقن وتحديد الحنك

ومين مجرب مسويهم وكيف النتيجه



اللي يعرف عنهم اي شي يفيدني ضروري الله يعافيكم اللي تدخل ترد علي باللي تعرفه وبدعي لها ب هالشهر الفضيل

 

[nanosa78]

للرفع نفس السؤال بس يقولون أنها بسيطه وتتسوى بالعياده يا ليت اللي عندها فكره تفيدنا

 

[amertalwrd24]

تجميل الذقن شريحه تبرزه او حقنه بس الشريحه اجمل : )

وتحديد ياشفط ياليزر ..

/

 

[meesh]

الشفط سهل والا فيه جراحه ؟

 

[شذر44]

اااب

 

[r1ksa]

انا كنت شوي وبسوي شفط اللغلوغ بس تراجعت لان كان وراي عملية التحوير


ودي اعرف هل يقدرون يحقنون الذقن المتراجعه بالفيلر؟؟ وهل يبان طبيعي

لان عندي راجعه بشكل غير مرضي

الله لا يعاقبني بس كثير مضايقتني

 

[همسه قطريه]

وانا عندي زياده من اللغلوغ من تحت الطبيعي الي عند كل الناس بس حابه احدد الوجهه من تحت يكون اضعف احلا وانا من قطر ياريت تساعدوني وتشورون علي

 

[مملوحه الفال]

همسه روحي حق فادي الجيز في مديكال سنتر هاليومين قبل لا يسافر

 

[رَوْنَـق ْ]

شوفوا هذا

https://www.youtube.com/watch?v=5PYygojafAo

https://www.youtube.com/watch?v=NsRFBi2hbpk

https://www.youtube.com/watch?v=Lqxj96Twb4o

 

[meesh]

الاخيره تحولت كثيرررررر
المستشفى نظيف واهتمو فيها بس احسها متعبه العمليه

 

[meesh]

طريقة شفط الذقن نفس اللي بالفيديو لازم يشقون ورا الاذن والا غير ؟

 

[احلا قمر]

انا حابه اسويها بس مدري وين

 

[meesh]

اول ابي اعرف الطريقه بالبضبط وشكلي بروح للدكتور كشف وبشوفه وش يقول اذا تخدير موضعي وطريقتها سهله بسويها
اللي سوتها ابيلز تشرح لنا

 

[خيال دبي]

معقووووله مافي حد سواها للحين

 

[Esraa.a]

فيه عملية اسمها جراحة الفك وهذي يسوونها للي عندهم مشاكل بالفك >> والحالات اللي بالفيديو جراحة فك
طبعا هالعمليه يسويها استشاري أو اختصاصي جراحة وجه وفكين

وفيه عمليه تحديد الفك عن طريق استخدام الحشوات التجميليه Jaw augmentation وهذي يعملها أي دكتور تجميل مختص


وفيه عملية تجميل الذقن Chin augmentation >> تتم هالعمليه إما عن طريق عظم الذقن نفسه أو عن طريق الاستعاره بالحشوات التجميليه


عن طريق العظم نفسه >> تتم من خلال كسر جزء من طرف الذقن وتقديمه ( لحالات تراجع الذقن) أو برده وتقصيره ( لحالات تقدم الذقن)

أو يتم تقديمه باستخدام حشوات



هذا فيديو توضيحي
Large Chin Augmentation with Dr. Barry Eppley - YouTube

بالدقيقه 2:20
الصوره اللي عاليمين شكل الذقن عن طريق كسر العظم والصوره اللي عاليسار شكل الذقن عن طريق الحشوه


والحشوات تنقسم إلى نوعين : إما سيلكون أو ميدبور ( سواء للفك أو للذقن)



السيلكون حشوه تتثبت بالذقن وتقدرين تشيلينها فيه حال ما عجبتج النتيجه أو فيه حال مليتي منها أو التهبت لا سمح الله بعد فتره من الزمن
وبالملمس لما تضغطين عالمنطقه تحسين فيه شي مو طبيعي موجود

أما الميديور هي ماده شبيهه جدا للعظم الطبيعي ومع الوقت تلتئم مع العظم الطبيعي وبالملس يكون كأنه عظم طبيعي .. لكن صعب جدا تنشال بعد مرور الوقت لأنها مثل ما قلت تلتئم مع العظم الطبيعي

والحشوات عموما تعتبر جسم غريب واحتمال يرفضها الجسم >> ورفض الجسم لها بين خلال أول شهر تقريبا من العمليه .. وطبعا إذا رفضها الجسم راح يضطر الدكتور إنه يشيلها بعمليه ثانيه



هذا فيديو لنتائج عمليه تقديم الذقن
Learn About Chin Augmentation in San Francisco - YouTube
NT Vol. 4 Ch. 8 - Chin Augmentation - YouTube
Rhinoplasty chin augmentation cheek lift. Extreme makeover by Dr Philippe Chout - YouTube




وهذي طريقة عمليه بشكل مباشر من غرفة العمليات >> اللي ما تقدر تشوف لا تدخل
What Is A Chin Implant? - YouTube

ملاحظه: اللي بالفيديو استخدم لها حشوةسيلكون وكان الشق خارجي .. ممكن يعملونها ويكون الشق داخلي من صوب اللثه




بالنسبة لفيديوهات تعريض وتحديد الفك >> كان فيه فيديو وايد حلو بس بصراحه ماني لاقيته .. الظاهر حذفوه من اليوتيوب








للافاده:
بناء على خبرتي الطويله بهالمجال وفرارتي من دكتور لدكتور >> أفضل لدكتور بهالعمليه وبجداااااااره
د.هيثم مراد .. بعيادة بسمة كلينيك

 

[Esraa.a]

هذي صج تغيرت تغييييير جذري


FACE LIFT RHINOPLASTY LIPS REDUCTION COSMETIC SURGERY DR PHILIPPE CHOUT LIFTING - YouTube

 

[مـهـــابــــه]

انا رحت للدكتور و شرح لي كل شي و قالي شفط اللغلوغ بنج موضعي و ضبابه تحطينها مدة 10 ايام و شقه بسيطه تحت الحنج راح تروح بسرعه
وعقب هذا بسوي لج تفخ بسيط نص سانتي للحنج عشان تبين النتيجه احلى
المهم اني عقب ماحددت العملية ملجت و نويت اسويها قبل عرسي ان شاء الله بشهر او شهرين مو الحين
اتمنى افدتكم يا بنات

دكتوري عاطف بوحمرا كلينك
تكلفة العملية مع التفخ 500

 

[فدوووش]

انا ابغى اركب الميدبور للفك وجهي طويل وفكي من الجانبين ضعيف حييل واحسه داخل

الي تعرف دكتور ممتاز بالرياض تخبرني بلييييييييييييييييييييييييييز

 

[سـما]

يا بنات الله يجزاكم خير
هذا الدكتور فيليب كوتش عندي موعد معاه
تنصحوني فيه !؟

والا الفيديوات باليوتيوب تمثيل وفوتوشوب
وحركات تصوير سنمائي ؟
مزيف يعني او حقيقه ؟

احلفكم بالله اللي تعرف عنه شي تكتبه
الله يرضى عليها ويرزقها من حيث لا تحتسب

هو احسن او الدكتور فيليب روس ؟

 

[Esraa.a]

يا بنات الله يجزاكم خير
هذا الدكتور فيليب كوتش عندي موعد معاه
تنصحوني فيه !؟

والا الفيديوات باليوتيوب تمثيل وفوتوشوب
وحركات تصوير سنمائي ؟
مزيف يعني او حقيقه ؟

احلفكم بالله اللي تعرف عنه شي تكتبه
الله يرضى عليها ويرزقها من حيث لا تحتسب

هو احسن او الدكتور فيليب روس ؟

لا طبعا .. شكو تمثيل وتصوير سينمائي

هذي نتائج واقعيه >> و الدكاتره كثير بهالمجال ممكن يعطونج نفس النتيجه لأنها مجرد حشوة تتركب ما يبيلها فن

بس هو الحلو فيه إنه قاعد يعرض شغله عاليوتيوب .. احنا مجتمعنا العربي محافظ نوعا ما وأغلب المرضى ما يرضون تنعرض صورهم قبل وبعد !!


بس واضح ما شاء الله إنه شغله ممتاز :rerrerek:


صلي استخاره وروحي
الله يوفقج ان شاء الله و طمنينا شيصير معاج




ننتظر تجربتج ياقلبي :eh_s(7):