تجهيزاتي بالتفصيل حق مثلجات الشهر الفضيل وتقبل الله طاعتكم مقدما

[GAP^^الكبيرة]

السلام عليكم

شلونكم بنات وشخباركم

مثل ما تعرفون رمضان ان شاء الله ما بقى عليه شي وبدا العد التنازلي.. وبعطيكم كل التفاصيل اللي سويتها عشان اللي للحين ما جهزت تستفيد منها... وترا هذا جهد شخصي وكل اللي بقوله مجرب


انا براويكم 3 اجزاء من تجهيزي لهالشهر مع الوصفات باذن الله
اول شي السمبوسه والسبرنغ رول والذي منه
الجزء الثاني الكبب والذي منه
الثالث والاخير العرايس مع البفتيك وسكالوبات




السمبوسه جزئين
جزء انا مسويه حشواته وبذكرهم
وجزء شريته من فرع جمعيه المنصوريه... اخذهم منه فرش واجمدهم وحزه القلي اقليهم وصراحه ما تسحب دهن وايد ومقرمشه.. ال60 حبه منه بدينار وانا اشوف سعره مناسب جدا

بالنسبه لحشوات السمبوسه ابي اشكر حبيبه قلبي جروح الليالي ما قصرت عطتني جم وصفه و الغاليه ماكو اسامي استفدت من ملفها وايد
http://q8yat.net/showthread.php?t=193299


http://q8yat.net/showthread.php?p=4609490

طريقه لف السمبوسه انا منزلتها بموضوع منفصل
http://www.q8yat.net/showthread.php?t=184552

الحشوات اللي جربتها

حشوه الهوت دوغ مع البطاط وتلقونها بهالرابط

http://q8yat.net/showthread.php?t=180675

والحشوه الثانيه استخدمت حشوه الجبن

وهي عباره عن جبن فونك مع شوي زعتر للنكهه

وسويت حشوه فونك ساده... وشريت من المراعي قالب جبن تشيدر وهم حلو باللف وطعمه حلو مقارب للفونك

حشوه اللحم المفروم

بصل احمسه مع ثوم شوي واحلم عليه لحم مفروم والبهارات (( انا استخدم بهارات اسناد مالت السمبوسه وايد حلوه للحم))... و احط معاها شوي كركم للون وملح و اذا سكرت الجوله احط اي نوع خضره احبها.. تقدرون تضيفون جزر وبقدونس او اي شي تحبونه

حشوه الخضار

بصل وثوم تحمسونه على النار مع حبوب كمون و زنجبيل بودر وكاري وملح شوي لاني احط معاه ماجي .. وبعدين اكون مقصصه خضار اللي احبها مثل ( فلفل اخضر وجزر و بطاط و زهره) مربعات وسالقتها شوي واحمسها مع البصل واسكر الجوله واحط كزبره

حشوه السبانخ واللبنه

سبانخ مثلجه معصوره عدل عشان تتاكدين ماكو ماي واخلطها مع سماق ولبنه حامضه وشوي زيت زيتون وملح وثوم بودر وكمون وطماط شرايح او طماط مجفف حسب الرغبه

حشوه السلق

بصل وبهارات وماجي وسلق وملح وطماط مفروم شويه بس كلهم على النار لين يستوي السلق

حشوه البطاط

بصل وثوم وزنجبيل مع كزبره بودر و كمون وكاري و ملح و ماجي وبطاط مسلوق وشوي فلفل احمر واذا سكرت الجوله احط شبنت مفروم

حشوه الخضار العاديه وسمبوسه الجبن الابيض اخذهم من المنصوريه مثل ما قلت لكم

الحين الصراحه احسن عجينه عجبتني مالت الخالديه... انا كنت اخذ من الدعيه واخذت هالسنه كميه بس مو بمستوى كل سنه


طريقه التثليج عاديه... افرشهم بصينيه واذا جمدو احطهم بعلب او بجياس



السبرنغ رول



انا اخذت وصفه من الغاليه جورية كويتيه وصفه سبرنغ رول بالشعريه وصج طلعت لذيذه بس انا ما حطيت الشعريه
وهذا الرابط
http://www.q8yat.net/showthread.php?t=75512&page=4




وسويت سبرنغ رول بالربيان

اول شي سلقت الربيان

وبعدين حمست بصل وثوم مع لهانه و فلفل اخضر و بيبي كورن مقصص و مشروم بري تايلندي معلب ( يهبل هالمشروم وايد حلو ويعطي نكهه)
وحطيت عليه فش صوص ومكعب ماجي و صلصه ماجي السائله

حشوه اللحم
كان عندي زايد لحم مفروم من حشوه زدتها لهانه وبصل اخضر وبصل اخضر طويل ( ليك) وشوي من صلصه سويت اند ساور

حشوه الجبن
هم حشيت شوي جبن تشيدرساده

حشوة الخضار

بصل وثوم وزنجبيل مع فلفل ملون ولهانه و جزر و مشروم تايلندي وبيبي كورن مع شوي كاري وملح وماجي وصلصه ماجي السائله ويشستر صوص.. طبعا اذا نزلت الخضار سوائل اثقلها بشوي نشا عشان لا تاذيني بالحشو


واي :cxxxp: تعبت اكمل لكم يوم الاحد اذا الله سهل

 

[جارة القمر]

مشكووووره


غاب



وتسلم ايدج

 

[الضحى]

يعطيج العافية جاب ...عسى الله يبلغنا رمضان

ناطرينج

 

[برونزيه شقرا]

يعطيج العافيه عالموضوع المشوق

 

[*مــــســــك*]

شنو فونك

وماشالله عليج ماقصرتي

 

[اشواق2008]

الله يعطيج العافيه والله يبلغنا الشهر

 

[84 Miss Chocolate]

تسلم ايدج و يا حظ ريلج فييج طباخه شاطره

 

[الوردة المكنونة]

تسلم ايدج

 

[جكورة]

ماشاء الله سنعه عيني عليج بادرة

وكل عام وإنتي بخير مقدمــــا

وبالعافيه عليكــــــم

 

[غلاي غير]

تبارك الرحمن قولوا ماشاء الله لا تنسون

 

[زوزو كمنوزو]

يعطيج العافية ما تبيعين حقي انا عجازة بهسوالف

 

[أحلى^حياه]

ماشاء الله
احنا محتاجين هذي السوالف
يعطيج الف عافية

 

[فرح العجرف]

يعطيج العافيه عز الله ظفره والله@@

 

[%عـجـمـيـه صـريـحـه%]

ما شاء الله
يعطيج ألف عافيه

 

[الزين نجدي والدلع شرقاوي]

ننتظرالباااااااااااااقي

ويسلموو

 

[A7la 7la]

يعطييييييييج الف عااافيه

 

[chocolate cake]

ماشالله يعطيج العافية خوووش موضوع

 

[دنيا رديه]

ماشالله علييج
ومشكووره

 

[ضحكة الدنيا]

يعطيج العافيه حبيبتى غاب
وماقصرتى

 

[ماكو اسامي]

ما شاء الله تبارك الرحمن
مداخيل العافيه والله يحميج