هلا و الله فالبدايه الله يوفقج يارب و يسهل عليج
و اهم شي شكر الله و حمده على هنعمه
انا اعتقد ان الانسان لمن يوصل لحلمه يعني حقق هدفه بالحياه و عليه اني يشكر ربه دائما و لاتنسين هذا فضل كبر خاصه و انج راح تأدين رساله شبيه برسالة الرسول عليه افضل الصلاة و السلام
وكاد المعلم ان يكون رسولا
(وسيجزى الله الشاكرين) سورة آل عمران ١٤٤
(إن هذا كان لكم جزاء وكان سعيكم مشكورا) سورة الانسان
حبيت احطلج مقدمه معطره بآيات قرآنيه نعطر فيها افواهنا
انا انصحج بالمواضيع الي حطتهم اختي Q8Buying يعطيها الف عافيه
لانه فعلن فيها اهم الشغلات الضروريه
و انصحج في متابعة موضوعي المثبت و موجود الرابط في توقيعي هلموضوع متروس افكار و شغلات مهمه و لابلات العربي نصيب كبير فيه
بنسبه لدفتر التحضير الحين لا تشترين و لا شي لانه كل توجيه و كل مدرسه لها طريقتها في مدارس يبون دفتر و في يبون ملف فلا تشترين من الحين نطري لمن تقعد معاكم رئيسة القسم و الموجه و تحدد المطلوب
بنسبه حق الاغراض لو حابه تشترين الحين
اشتري الشغلات الاساسيه مثل اقلام السبوره و اخذي ماركه اصليه مو التقليد الي يبيعونهم عند بو 100 يقولولج اصلي بس لمن تكتبين عسبوره ماينمسح و يأذيج فديري بالج من هشغله
اخذي المغناطيس عند بو 100 وايد مفيد انا عن نفسي اجيل منه لانه بسرعه يخلص وراح تحتاجينه فلا تتوهقين
اخذي الفلين الملون حق الوسايل ترى وايد مهم و انصحج خذي من طيور الجنه لانه ارخص وايد من المكاتب
حق تزيين دفتر التحضير اخذي الاحرف الي تكون على فلين من ضمن العاب اليهال احس حلوه حق تزيين دفتر اتلحضير
مثل الي بصوره و تلقينهم عند رامز و طيور الجنه و هلمحلات
اهم شي يكون عندج برينت و انصحج اخذي برينت اج بي العادي مو الليزر العادي لانه كد و مد و اسعار الحبر رخيصه و ممكن تشترين التعبئه ب 4 دنانير الاثنين الاسود و الملون ارخصلج و كويس و بنفس الوقت ترى كد و مد ماانصحج بالبرينتات الغاليه لانها تكلف حبر و انتي الحين في مرحلة ميداني و ماعندج معاش و انتي مطلوب منج تحضير يرومي يعني كل يوم طباعه فديري بالج من هنقطه
اوراق طباعه اي فور اخذي ابيض و اخذي ملون الملون وايد راح تستفيدين منه
اخذي بطاقات ملونه راح تحتاجينهم
انصحج حق القواعد خصصي كل وسيله لقاعده
ترا راح توفر عليج تعب وايد
او خصصي كل قاعده بعرض بوربوينت وايد حلو و مفيد و بنفس الوقت شيق بنسبه للطلبه
بنسبه حق الطالبات حرصي على ان يكون اسلوبج في التدريس مناسب لانج راح تدرسين مراحل مختلفه
سادس يعتبرون يهال و يبون طريقة اللعب و الوسايل الي فيها الووان و حركات و ممكن حتى تحطين لهم انشوده راح يستانسون
بس ديري بالج تستخدمين هلاسلوب وي سابع و صاعد لانهم اهمه عند نفسهم كبار و راح يضحكون و يقلبون الحصه مصخره فخلي وسايلج مناسبه للمرحله العمريه
دبابيس و دباسه و خرامه هذي اهم الشغلات لا تنسينهم
هذا الي يحضرني الحين و لي عوده انشالله
