تجهيزي لـ *ريــم* شيخة البناآت..وتجهيزي وعنايتي لنفاسي،،بالتفصييل

[om MaRyooM]

السلااااااااام


اول شي عسى الله يتمم علينا كللللللللللنا ونولد بالسلامة

والله يرزق كل وحدة تبي تحمل قولو آمين



حبيت اعرضلكم تجهيز البيبي وتجهيزي وعنايتي بنفاسي باذن الله


(بس على فكرة الاغراظ كل شي بمكان مصورة شي بغرفتي وشي بغرفة بنتي وشي عند الوالدة
لووول .. فالموضوع شوي مرقع عادي)

والحين رح نبدي

سموووو بالله






نبلش بسرير البيبي





خذيت الصغير اللي يكفي بو جم شهر .. عشان عقبها اشتري السرير الكبير

شريته من محل أنار بالسالمية مع التلبيسة ..كامل طلع بحدود ال50 دينار

شكله وايد حلو بس لأن الصورة من التلفون فطالعه مو شي:eh_s(1):

هذيلة ماخذتهم من سنتربوينت يوم كان مسوي سيل قبل رمضان

وهذي بعد من سنتربوينت
كانت ب11 خذيتها بـ 9دنانير
انصحكم فيها حلوة وآمنة للبيبي








وهذيلة شوية غريضات خذيتهم يوم سافرت تايلند .. كنت بالخامس
اييي ومانصح اي وحدة تسافر واهي حامل ..
لأن بتلوع جبدها وبتلوع جبد ريلها معاها لوووووول

و هالجم شغلة طالبتهم من النت

اغلبهم من موقع amazon.com

اللي عاليمين يجي طقم كامل على كب كيك .. المهاد اللزق مع الداخلي والافرول والكبوس
حبيته وقلت اخذه معاي المستشفى لأن حده كيييوت وقياسه حيل صغير









اللي فوق كلش هذيلة مهادات لزق اييون مع بعض
حيل عمليين ومريحين

اللي تبي مثلهم موجودين عند التاجرة ام يويو .. وعند اطياب ام عبدالله

هذا بعد عندي ياه بس لأن بالجيس للحين ،، فماصورته

يهبل عجييييييييب ..
واللي تبي مثله الاخت ام يويو بعد توفره:
http://www.q8yat.com/t922030.html








هالبدلتين ماركة mud pie
حدهم عجبوني .. قلت اطقم بنتي مريوم ويا البيبي
والجيس يايبته من زماان من سنتربوينت








^
^
افرولات مذركير قياس tiny baby يعني اصغر من النيوبورن
مع الكبابيس همن قياسهم اكسترا سمول








متفرقااات








يتـــــــــــــــــبعـــ ..
لاتردووون الحين plz

 

[om MaRyooM]

نكمــــــــــل،،،







طاولة تبديل للطفــل من ايكيــــــا

ماصورت مالتي لأن للحين بالكرتونة مافجيتها

بس وايد مريحة وعملية .. خصوصا لأني قيصري فقعدتي تصير صعبة حق تبديل البيبي

في انواع من ايكيا .. انا خذيت اللي ب14دينــار .. رخيصة وحلوة










جناط اغراض البيبي



اللي عاليمين خذيتها من تايلند .. عملية وصغيرونة شوي
والوردية ماركة جـربر من النت












من سنتربوينت
شفاطة الحليب نوع مديلا .. احسن نووووع على الاطلاق طبعا
وجهاز مراقبة البيبي ماركة chicco احسن نوع بعد ..

لأن ببجري شريت نوع ثاني يلوع الجبد والصوت كلش مو واظح.. فهذي احسن:rerrerek:











مميات بيجون...
وحافظة الحرارة من ايكيــا خذيتها وايد زينة

ومرطب سيباميد .. عشان بعد ما الياهل يشرب حليب انظف حلجه طبعا

ومميات د.بــراون
أحسن نووووووووووع :rerrerek:،، مايدخلون هوا .. والبيبي مايتأذى وايد
ممتازين انصحكم فيهم


ماحصلت الصغار دورت شكثر فطلبتهم من امازون
وانشالله الاسبوع الياي يوصلون










ادوات السباحة من اسفنجة وفوطة وشامبو وصابونة من سيباميد








^
^
خذيت هذيلة من الجمعية

وبالنسبة لماي النعنع .. عشان لي كبر شوي الياهل احط بس جم نقطة بالممية
يطلع كل الغازات اللي فيه


*وماي غريب ماشريته من الحين لأن مااخذه من الصيدلية
أخذه من المستوصف .. لأن يسوونه فرش ومو ثقيل كلش
مالت الصيدلية يلوع الجبد ويمغص الياهل اكثر :eh_s(2):









^
^
وبطولة الماي هذيلة اليوم خلصتهم واخيييرا :ggdw:

قلت اخذهم للمستشفى

الديزاين ريلي بعدعمري سواه لي .. وشرالي الشريطة وانا سويتهم وظبطتهم

ترا فكرتهم بسيطة بس حلوة وايد .. اذا تعرفين تتعبثين بالفوتوشب سويه
وفي ديزاينات جاهزة بس غيري الاسم .. من قووقل طبعا

،،،،،،،،،













يتبــــــــــــــــعــ

نطروو

 

[om MaRyooM]

يلا نكمل

جاهزييين ؟

:ggdw:
،،،،،،،،،،






هالكمبل خذيته للمستشفى
لونه افوايت

خامته عجيبة وايد حلو

احلى من الخبة والحركات .. احس شخباري :eh_s(10):








والحين دراريعي








^^^^^^^^^^

هالثنتين من محل بمجمع بيروت بحــولي

كنت قاعدة افتر جان الاقيهم .. وايد عمليين وحلويييين














^^^^^^^^^^^^

وهالثنتين تفصال من محل كارت بلانش
بمجمع الايوب بحـــولي










^
^
هذيل داشين شوي عرض لووول
لزوم الاناقة بالنفاس،،اشتقت للصبغ وااايد لوول

واللزقات خذيتهم من الاخت بشــورة
متوفرين عندها وعند الاخت قطوووة








لزقات كرست للتبييض من مركز سلطان
بس هذيل اخف نوع .. حسافة كانو يبيعون الاقوى بس الحين مو متوفرين

انا مجربتهم من سنتين .. يهبلوون والله
والحين اتوقع تبيعهم الاخت tulips و الاخت فلبينية عبدة


والمناديل المرطبة حق المستشفى
والعلبة الوردية pads للصدر من مذركير .. فيهم 100حبة









^^^^

من بدي شوب بودرة المسك .. تينننن
وسنفرة الشيـــا<<<<خبركم الجسم صار زيــبرا:eh_s(11):


ومن العطار سنفرة العروسة .. وصابونة الببايا

والشامبو من الصيدلية للتساقط. ماركة دكــراي. . انا جربت حبوب هالماركة يهبلوووووووون
بس قطعوهم من الكويت







^
^
من الصيدلية: تونر لوريال .. يهبل يطلع كل الوصخ
وكريم الليل

وكريم joy الصيدلانية مدحتلي ياه قالتلي ممتاز ويعطي نضارة ويوحد بنفس الوقت
خذيته ب15


اما لوشن الشيا خذيته مع خلطة الرموش من الاخت مريوومة لأن لقيت مدح عليهم:
http://www.q8yat.com/t889753.html





وبالنسبة للاعشاب ..

هذي الاعشاب اللي جهزتها :










عشبة عباءة السيدة يقولون تضيق !:eh_s(10): (اغليها بالماي وكل يوم اشربها لمدة20يوم)
مرة (اخلطها مع الديتول الاخضر كغسول)
حلبة (احطها كماسك حق الويه ... تحطين قفشة نيدو وقفشة روب وشوية حلبة ) تعطي نضارة وامتلاء

اما الباجين بسويهم جاي اعشاب مكوناته
قشر رمان مطحون ... قشر قهوة(يظعف) .. كمون .. ينسون .. زعتر .. جاي اخضر .. مرمية..بابونج



]ورح اتبع هالطريقة انشالله
هذي خلطة ودي اجربها .. لتنظيف الرحم (لأن بنفاسي الاول كلش ماخذيت هالسوالف!!)

http://www.q8yat.com/t109823.html








والحين الخلطات اللي مجهزتها


^
^
خلطة الارجل الناعمة <<<لوول خوش اسم

تخلطين ليمون وشوي ماي ورد مع الجليسوليد وحطيهم بغرشة
ياهي نعوووووووماااااااااا ... ياهي نظااااافاااااااا

هذي خلطتي اليومية .. عجيبة:rerrerek: واكيد بحتاجها بنفاسي








وهذي خلطة تبييض للشسمونه :



كريم سودو ، كريم الراعي تلاقونه بالعطار ، وزيت اللوز المر شوية

كل يوم بدهن منه المنطقة .. لأن تدرون مع الحمال شيصير :eh_s(11):
فمحتاجين جذي خلطات




،،،،،،،،،،،،،،،،،،،،،،،،،،،،





ووووووبس سلامتكم



انشالله يكون عجبكم الموضوع
او افدتكم ولو بالقليل ..


دعواااتكمـــــــــــــــ ،،




[/COLOR][/COLOR]

 

[توكلت على الله 22]

ماشاء الله تبارك الله

تجهيييزج وايد حلووو

الله يسهل عليج وتشوفين البيبي بحظنج ياااارب

 

[مس لوتس]

حبيبتي الله يسهل عليج ويقومج بالسلامه اغراضج تشوق تتهنين

 

[miss.rosy]

ياحلاااااه ااغراض البيبي

يجننووون ماشاءالله

وشغلج بعد حلووو

تولدين بالسسسسسلامه اختييي

والله يحفظ لج مريوووم وريوووم

موفقه حبيبتي

 

[@سيدة نفسي@]

ماشاءالله تهنين فيهم ان شاءالله ,, والله يقومج انتي وريووومة

بالسلاااااامة ياارب

 

[om MaRyooM]

بعد عمري مشكورييين

نورتو

 

[j.style]

الله يقومج بالسلامه ويسهل ولادتج
وعليج بالعافيه.
صراحه شغلج مرتب وحلو*

 

[بربيره]

عليج بستين الف عافيه بالنسبه للمهاد اللصق توا انا و البنات نتكلم عنهم اشرايج فيهم انتي مجربتهم من قبل انا شفتهم سنتربوينت بس ما ادري احس يمكن القياس مالهم ما يضبط او شي

والبنسبه لبطول الماي هذي اشلون طافتني خوووش فكره انا اعرف للفوتوشوب بس للحين ما استقرينا على اسم البيبي فشكلي بكتب بيت شعر او شي و وايد مشكوره لانج فدتينا حيل الله يقومج بالسلامه و يقر عينج بشوفة النونو

اي و بغيت اسالج الاسفنجه انا اول مره اشوفها و ببنتي كنت اعاني وقت الغسيل حيييل وخاصة انها صغيره كنت اخاف تطيح من وين خذيتيها و بجم و تشكراتي

 

[ابدا يالغالي مانساك]

ربي يبارك فيج ويقومج بالسلامه وماشاله ربي مبارك فيج وبتجهيزج ان شالله
رخيص وحلو وذرررررب
وان شالله تيسر ولادتج وتسهل يالغلا
وتقر عينج بشوفة ضنااااااااج يارب

 

[ام عفاف الكويت]

الله يسهلج يارب ويخليج لريوم ومريوم

واي حبيته هالطقم



وبناتج بيحلونه


وبزعجج جم مقاس الورقه حطيتوا واي نوع ورق



وكرست بجم ياقلبي واي مركز سلطان واي ناحيه القاهم



وبعطيج معلومه رجل الاسد ماتنطبخ راح تتطاير
تحطينها بقلاص وكبي عليها ماي حار
انا احطها بمطاره
وانتبهي تري القحطاني نبهه لج فيها 20 يوم بعدين تضر سبحان الله
بس ال 20 يوم روووووووووعه مو عن تضيق حتي بطنج بيروح



احب مواضيعج وراح اشتاق لها لولدتي
احبج في الله

 

[ايمان80]

خوش موضوع

الله يسهل عليج وتولدين بالسلامة

 

[noo7a]

عليج بالعاااافيه
و الله يقومج بالسلامه

 

[๓ίşś зśŏłả..!]

ياحياتي الله يقومج بالسلامه ويهوون عليج
وبصراحه اهنيج على اختيار اسم بنتج احلى اسم

 

[انثى الكويت]

عليج بالعافيه انتي وبنتج شالحركات ام مريوم

الافرول الاسود المنقط مع طقم بنتج شريت مثله ينن

صراحه تجهيزج حلوووو عليج بالعافيه

وتولدين بالسلامة وانا معاج

 

[om MaRyooM]

عليج بستين الف عافيه بالنسبه للمهاد اللصق توا انا و البنات نتكلم عنهم اشرايج فيهم انتي مجربتهم من قبل انا شفتهم سنتربوينت بس ما ادري احس يمكن القياس مالهم ما يضبط او شي

والبنسبه لبطول الماي هذي اشلون طافتني خوووش فكره انا اعرف للفوتوشوب بس للحين ما استقرينا على اسم البيبي فشكلي بكتب بيت شعر او شي و وايد مشكوره لانج فدتينا حيل الله يقومج بالسلامه و يقر عينج بشوفة النونو

اي و بغيت اسالج الاسفنجه انا اول مره اشوفها و ببنتي كنت اعاني وقت الغسيل حيييل وخاصة انها صغيره كنت اخاف تطيح من وين خذيتيها و بجم و تشكراتي

الله يعافيج حياتي تسلمين


المهادات تهبل وايد مريحة .. واحب امهد فيها الياهل لأن شكلها ذرب..طفارتي الخيط والربط لوول

بس حق اول جم يوم كبيرة تصير عالياهل

انا كنت اربط بنتي بالمهاد العادي وفوقه مهاد اللصق .. يصير شلها كيووت
وماتقدر تطلع ايدينها لوول



وبالنسبة للاسفنجة وايد أأمن للبيبي .. تلاقينها بسنتربوينت او الصيدليات او اي مكان شعبي نفس محاميد وهالاماكن

 

[om MaRyooM]

الله يسهلج يارب ويخليج لريوم ومريوم

واي حبيته هالطقم



وبناتج بيحلونه


وبزعجج جم مقاس الورقه حطيتوا واي نوع ورق



وكرست بجم ياقلبي واي مركز سلطان واي ناحيه القاهم



وبعطيج معلومه رجل الاسد ماتنطبخ راح تتطاير
تحطينها بقلاص وكبي عليها ماي حار
انا احطها بمطاره
وانتبهي تري القحطاني نبهه لج فيها 20 يوم بعدين تضر سبحان الله
بس ال 20 يوم روووووووووعه مو عن تضيق حتي بطنج بيروح



احب مواضيعج وراح اشتاق لها لولدتي
احبج في الله

هلا ام عفوووف

بعد عمري نورتي الموضوع والله:eh_s(7):

بالنسبة للزقة بطل الماي قصيت لزقة بطل ماي ابراج ووديتها لمركز الطالب قتله ابي بالظبط نفس قياسها
وطبعتها على ورق عادي وانا قصصت الورقة ولزقتها على البطل

وبالنسبة للزقة كرست خذيتها من فرع سلوى .. بس اكيد بالسالمية موجودة
تلاقينهم عند معاجين الاسنان


ومشكووووورة على معلومة عشبة عباءة السيدة ..
صراحة ماكنت ادري

 

[om MaRyooM]

تسلمووون حبايبي كلكم

نورتو والله

 

[LeeMa q8]

عسى الله يقومج بالسلامه وتفرحين بشوفه ريوووم الشيخه .!