تجهيزي من الرياض (؛

[فزًولــها]

مرحبااا عرايس اخباركم مع حوسه العرس 

بنات مالي بالمقدمات بما انه اول موضوع بمنتدى لي خخخخخخخ
فلحد ينصدم بطب بالموضوع دايركت

انا مفكره اروح الوياض ع شهر واحد << بالعطله يعني
بس المشكله ي عروساتنا اني ماقد رحت لها فماعرف وش اجهز من هناك ومابي ارد وانا ماستفدت شي ):
ف بليز همتكم معاي )؛

يعني قولولي شنو احلا شي من هناك
ووين مكانه واذا في فتره عروضات بنات ابي شي راقي وكشخه وماركه وذوق
وواثقه بذوق خواتي العرايس


انطلقوووووو*

 

[فزًولــها]

ان شاااء الله احد يرد يعني 

 

[هيبتي في نظرتي]

اب
اب
اب

 

[شاهي بالحليب]

تبين أسامي الاسواق والا اغراض محدده بتشترينها
ووش نوع الاسواق واللي تبينها

 

[فدوووو]

عندك غرناطه موول روعه

في محل فوق اسمه توب تاتو روعه اللبس فيه وفي الدهام بالسوق نفسه الساعات رووووعه

عندك بعد سوق الاندلس الشنط والجزم وانتي بكرامه روعه عندهم والاقمشه عندهم عذااااب

عندك سوق المارينا مول الدور العلوي عندهم فساتين رووعه

في سوق الاشيقر والتعمير هذولا عندهم الشنط تقليد ماركه رخيصه والموديلات جديدة

عندك الحياه مول الاقمشه واللانجري والبس عندهم رووعه

هذا الي ببالي الحين

 

[شذونه]

اب اب

 

[بحر الوفاء]

غرناطه وااايد حلوو

وفيه جاليري وصحارى كلهم حلوين

 

[رآآحٺ آيآمڪْـ]

آب آب ،
لعيونج َ يُ آلآميررَةه َ ..َ

 

[غزال الاداريه]

اااااااااب
وموفقه يارب

 

[N3O0OMA90]

ماعندي فكره حياتي بس اذا ودج تجهزين وكلا سوالف ماركات يعني لندن وولا امريكا
بالكرسمس على شهر 12 كلشي يطيح سعره للنص واكثر وبراندات اصليه
وماعندي فكره بخصوص الرياض الله يوفقج يارب

 

[فزًولــها]

فدوو: ي ربي شاقول عنج ي بنت انتي سكره عثل الله يوفقج ي رب ويسهل امرج ولو ان عدادج يجيب لي المغص صراحه < محد خق
من جد جد عندج خبره رهيبه ي بنت ههههههه ماودج اخذج معاي وتساعديني اكثر < خهههههههههه فديتج والله

بحرتسلمين ي الغاليه ماقصرتي فديتج

شذون راحت ايامك . غزال الاداريه < لبا عيونكم ع الآب

نعومه < انتي الذوق كله وبخصوص امريكا ولندن كنت بسافر وضبطت وضعي ع شهر ٣ << بس الصدمه ان عرسي اول ٤ يعني مستحيل اقعد ااجل اغلب التجهيز واحشره ب ١٣ يوم ):
وصاجه ماكو احلا من هناك )؛

 

[رواني 2012]

يمدحون الكلف عندهم هناك
و الخامات
انا الي اعرفه عن الخبر مادري عن الرياض الخبر شارع مادري سوق سويكت يمدحوونه حييل كل شي فيه عبي و فانيسيا حل الخامات و عندج ظهران حق القمصان والبدل وجواتي مثل ماتقولين
وعندهم محلات يبيعون الساعات ارخص من الكويت ساعات الماركة
واذا تبين تشترين ساعة عرسج من هناااك نصيحة اخذيها لانههه الساعات هنااك ارخخخص بواااااااااااااااااااااييييييييييد من الكويت
والله يوفقج ويسعدج ويسعد كل العرايس

 

[صدى الوحدانية]

سويكت بالخبر حلوووة عبيه حييييييل
اهم شي ساعات الدهام حلووووين حييييل اخذي منهم

 

[ياغفور اغفر لي]

المجمعات الفخمه رياض غاليري / غرناطة / حياة مول / صحارى / بانورما مول / برج المملكة / برج الفيصلية
فيها اغلب الماركات

مجمعات فيها اشيا حلوة ورخيصه مارينا مول / سكاي مول / مرجان السعودية /

واسواق مثل المحاميد عندنا بالكويت عندج الهرم بلازا /تلاقين فيه بيجامات روعه من ٥ وفوق للبيت وشورتات يعني تحصلين اشيا حلوة حيل فيه
وعندج اسواق المجد / واسواق مكة

واسواق طيبه هذا مثل سوق الديرة عندنا

وعندج بعد العليا مول والرياض مول واسواق الاندلس هذول رهيبين حيل



لي رجعة للموضوع واي استفسار انا حاضرة ترا انا من الشرقيه بس لي روحات للرياض بكثرة *

 

[طيــــــــــــف]

اب اب ان شاء الله يفيدوك بنات الرياض

 

[حلآآآتي غير]

ابـ ابـ

لعيوونج

 

[دلوعة أبوهآ]

المولات يَ كثرها وصدقيني بتخلص الايام وانتي مالحقتي تزوري كل المولات ..

رياض غاليري
مارينا
المملكه
الفيصليه
سنتيريا << كله ماركات عالميه ..
حياة مول
صحارى 1 و 2
بانوراما
غرناطه
لي مول
العزيزيه
عثيم مول
العليا مول



الساعات في الدهام والحميضي .. اغلبها فل دايموند وروعه ..

حددي اللي تبينه وان شاءالله نساعدك

وموفقه يـارب

 

[انثى الغموض]

.


انا توووني راده منها
عندج حيااة موول للنفانيف الجاهزه رووعه آخذت نفنوفين لثاني يوم والثاني لاي عرس يصادفني بعد عرسي والمحلات اللي فووق اغلبهم بضاعتهم تركييه
ووايد حلووين نفانيفهم
ومجمع غرناطه في محل فوق اسمه انفاسك دخون اذا تعرفينه لهم فرع بدبي عطوراته روووعه
وطيبه حق العبي
وخريص مول للساعات وهم في محلات واايد حلووه للملابس


وبث 

 

[نورعيونك]

مبروووك مقدماا

تقدرين تشترين الساعات لان تنزل قبل الكويت والجناط والجواتي

وملابس الشقه بعد بس بلكويت ارخص وعطورات في نصهم ينزلون هناك قبل الكويت ومحلات العبي تقدرين تفصلين هناك

 

[مداد>>>]

عزيزتيانا اقولك احدث سوق في الرياض البانوراما تحصلين فية محلات شناط ماركة ومحلات ساعات منها رولكس
وبعد عندك المملكة فيها محلات شناط ماركة وعندك ساكس*
وبعد الفيصلية فية هارفي نكلز والسواني وبعد محلات كلها ماركة الدور الاول والثاني
والذهب في طيبة محلات كثيروبعد عندك حياة مول وصحارى فيها محلات ذهب والماسات*
وبعد عندك سنتريا هذا سوق في العليا كل اللي فية غالي ونار انتي وميزانيتك
العبايات تحصلينها في طيبة بس الخامات لك عليها العبي اللي خامتها حلوه (بدون اسم /خط الازياء /بوكنان)وفية غيرها كثير تحصلينها في حياه مول*