تحبين تسلفين اي احد؟؟ ومنو سلفت ورجعت فلوسهاا؟؟

[شموووخي.]

مرحبااا

بدخل بالموضوع على طول انا من طبعي احب اسااعد النااس بس انقهر من هالنوعيه..

قبل فتره رفيجتي طلبت مني سلف تقريبا 30 دينار انا ستحيت على طول عطيتهاا لانها اول مره تطلبني ولانها محتاجتها بازمه وحبيت اساعدها

بس نزل راتبهاا وتوقعتها على طول تردهم ما توقعت جذي

المهم طنشت ولاكاني عطيتها شي ... وانا ما حبيت اذكرهاا لاني قلت مو حلوه اذا بتردها من نفسهاا والا بعتبرها صدقه.. واعتبره درس لي ما اسلف احد..

تدرون شالمصيبه انها تلعب بالفلووس لعب قدامي وما همها .. ولاكاني اطلبهاا فلوس..

ادري بتقوولون المبلغ بسيط اي صح انا معاكم.. بس ما احب الاستغلال ... والناس الي تطنش جذي ولا كان صاير شي

شرايكم شسوي افاتحها بالموضوع والا اطنش؟؟

انتم في احد منكم مر بمثل هالموقف ؟؟؟ وشلون بتصرفين الموضوع لو صار لج مثل هالموقف<<< موقصدي مانسااعد بالعكس بس اقصد الناس الي من هالنوعيه

تكفوون ردوا لو ع الاقل قولولي شنو تجااربكم مع هالنوعيه من النااس ومن سلف ومارجعت له فلووسه:0bee2e8d89:

 

[puppet]

انا نفسج .. سلّفت 100 دينار واللي خذتها تقوللي تبينهم ولا لأ ؟ استحي أقول أبيهم .. اقوللها لا لا خليهم عندج

والله اني محتاجتهم

 

[شموووخي.]

انا نفسج .. سلّفت 100 دينار واللي خذتها تقوللي تبينهم ولا لأ ؟ استحي أقول أبيهم .. اقوللها لا لا خليهم عندج

والله اني محتاجتهم

يؤؤ 100 مره وحده والله ماتستحي << زين اجل انا رحمه

بس والله مو المهم بكثر المبلغ والا قلته الاستغلال بحد ذااته الي يقهر

 

[miss mama]

امي الله يطول بعمرها مره سلفت رفيجتها كانت بعازة عطتها الف دينار ... مرت سنين والله العظيم 9 سنين وماكو طاري مع انه اشكره طالبتها فيهم بس كل مره تتحجج وتسوي نفسها مو قادره ترد لو جزء بسيط من المبلغ.. حتى لدرجه مره من السنين جدتي مرضت بالمرض الشين الله يكافيكم شره .. دخلناها مستشفى خاااص.. فا امي احتااجت فلوووس ! رحنا نكلم هالمره ( عمك اصمخ)) ..وتووفت جدتي الله يرحمها ..وليومكم ما شفنا فلس



انا مره سلفت رفيحجتي بالدوام .. بعد 6 شهووووووووووور رجعتهم بالغصب !!! ( عقب ما لوعت جبدها بالتنغز خخخخخخخخخخخخخخخخ))

صراحه انا ماعندي مانع اسلف الشخص لو يكون محتاج ! واذا فلوسي ما رجعت .. مافي الا استعوض الله فيها

 

[!! شوق !!]

الواحد حلوو يسوي خير ويفك كربت مسلم ..
بس في ناس اللهم يا كافي تكرهج بالخير اللي تسوينيه .. تلووع جبدج على ماترد الفلوووس حشا لو تطرينها جان رحمتج هذا واهي فلوسج ..

بالنسبه لي .. اسلف خواني والقراب مني
مو لشي بس لاني استحي اطلبهم مره ثانيه . وخواني ما يضيع عندهم شي

 

[q8_hala]

انا مره سلفت وحده من بنات الجيران 60 دينار وقالت من ينزل المعاش اردهم لج
نزل معاش ورا معاش ورا معاش وهالبنت طناش
المهم اللي سويته عشان امنع عن نفسي وعنها الاحراج قبل المعاش بيومين طرشت لها مسج وقلت اني محتاجه الفلوس وياليت ترسلينهم لي
وفعلا من نزل المعاش ارسلتهم لي
وطبعا عقبهم زعلت ولا عادت تتصل علي..بيني وبينج استانست انها زعلت هي من النوع بس تطلب ما يمر عندهم عرس إلا طلبت مني بدله
وتتشرط بعد ابي هاللون مابي هاللون ..وانا مو مشكله اعطيها بس اللي يغث تردهم لي بدون غسيل وييييع تلوع جبدي

المهم
البنت اللي تطلبينها طرشي لها مسج انج محتاجه الفلوس
واللي ما يستحي منك لا تستحي منه

 

[ليالي العاشقين]

اقدر اسلف بالي اقدر عليه...
بس طبعا مو اي احد ..

 

[OM-OMOOR]

اي حبيبتي انا اسلف واذا احتجتهم اقوله ابي فلوسي بس اذا المبلغ مايسوى ومو محتاجتهم اخليهم لين يردهم من كيفه واذا ماردهم اعتبريهم صدقه

 

[سمبتيكا ~]

واللي ما يستحي منك لا تستحي منه

^
^
^
صااااااااجه
و السلف مو حق آي آحد الصراحه ..
في نصهم لاذمه ولاضمير آستغفرالله
عادي عندهم يتسلفون و يكشتون .. جنه مافي ذمتهم فلوس غيرهم
و بعدين ليش تقولين المبلغ مايسوى ؟!
حبيبتي حتى لو هي 100 فلس "دام آسمه سلف يعني لازم ينرد"
السلف مردود و هذا شئ منتهى الحديث فيه ..

دزيلها مسج إنج محتاجه المبلغ
لاتستحين منها "ماطلبتي إلا حلالج"

 

[مطيريه ماركه]

آنآ مآ عآد أسلف

لأني انقرصت

مآتهمني الفلوس

بس أكره الاستغفآل

والتطنيش لمآ تتصلين على رفيجتج وتطنشج بمجرد تآخذ منج اللي تبين

ويآكثر هالنوعية

تروح بنك التسليف شمكلفني فيهآ ؟

بنآت إذآ تستحون تفآتحونهم بالموضوع أنصحكم تقرون كتآب حوآرآت عصيبة

جد تعلمت منه شلون أدفشهآ بالوش بدون لآ أجرح !

 

[pretty sarona]

كلمييها ,, لانج خايفه ان يكون شي بذمتها و اهي ناسيته ,, ذكريها ما فيها شي , اهيه ما استحت لما تسلفت , ليش انتي اللي تستحين لما تبين حقج ؟

 

[M!$$.3NoNa]

لول عادي اسلف خواتي لانه مابينا هسوالف .. وحتى لو اكيد بيرجعونها لي

كفايه ماعندي راتب لوول..بس مره سلفت رفيجتي مبلغ بسيط والله .. بس مارجعته لي تصدقون @@ ؟؟

لول حتى لو رجعته بحلف عليهـا اني ماخذه بس فشله على الاقل تقولي هاج حقج بقولها مابي وبحلف بس
على الاقل تقوول مو حلووه الصراحه

 

[حامله القنديل]

انا سلفت وحده عزيزه على قلبي 500 دينار
ولا فجيت حلجي متى تردينهم

ردتهم بعد سنتين ناقص ميه
تقولي عطيتج
قلت وصلني اول دفعه250
والحين 150
باجي ميه!
بسراااحه اناا اثق فيهاا اكثر من اثق من نفسي
بس حلفت ما اسلف احد او على الاقل اكتب وصل استلام للمبلغ
بعدها بالضبظ سلفت وحده ثانيه غاليه على قلبي 400
نفس سالفه الاولى ناقصين ميه حدي حسيت باحباط!!
قلت زين بالاولى انا نسيت بالثانيه نفس السالفه
وانا محللتهم
والحين لووشنوو مافي سلف!!

 

[• قلبه نصيبي •]

لا لا تكلمينها الموضوع ماستاهل كلهم 30 !
وايد سلفت بس الحمدالله ماعمري عطيت احد وماردهم واذا ماردهم عادي
علييه بالعاافيه ماتهمني السالفه اعتبرها صدقه

 

[وجدان الكويت]

يقولج اللي مايستحي منج لاتستحين منة

ومن قال 30 دينار شوي

اذا انتي تقولين جدامج تلعب بالفلووس

لا حبيبتي طلبيهم منها ولا تستحين وروحي تبرعي فيهم اذا مو محتاجتهم تعطينهم فقير محتاج ابرك من تاخذهم وحدة مومحتاجة لهم

صج بعض البنات مايستحوون الله يهديهم :eh_s(14):

انا ولا اتسلف الا من خواتي فديتهم واذا كنت كلش كلش محتاجة عالاقل اختي وياي بنفس البيت تعرفني واعرفها مستحييل اخذ من احد غير خواتي

 

[كريستال ليدي]

انا بيني و بين رفيجاتي الميبانة طايحة يعني ممكن ناخذ من بعض و نرجعهم بعدين

بس انا اقول دزيلها مسج و طلبي الفلوس لانه يمكن تكون ناسية الموضوع

 

[AmOoNa-]

احنا الكويتين استغفر الله فسقانين لونشوف دينار طايح عالارض مانشيله
بس لووحده متسلفه منج دينار وماردته تموتين قهر موعشان الفلوس بس شهالوقاحه اصلا تطيح من عينج تحسين شهالاشكال موشايفه خير ولاماكو ذمه؟؟
انتي قبل لاينزل معاشج الياي دزيلها مسج قوليلها انج محتاجتهم والمعاش مطول على ماينزل وبس

 

[المحاماة فن رفيع]

حبيبتي نصيحه مني و هذي احسن نصيحه راح تلقينها بالموضوع
عطيــــــــــــــــــــــــــــــــــــــــها طـــــــــــــــــــــــــــــــــــــــــــــــاف و رفعي ايدج لله و قولي الحمد لله ربي و اشكرك
لان الله دايما مع المظلوم ولا يظيع حقه ,,, ويردها لج اظعاف ان شاء الله
ويمكن ما انردت لج الفلوس لي الحين لا تتحسفين عليها خليها انتي ما تدرين شنو يصير من وراج لج !! يمكن هالفلوس الله كتب انها تطلع جذي عشان تصير دفعة بلاء او يمكن انتي وانتي ما تدرين ظلمتي احد فالله كتب لج ان هالفلوس تطلع و تكفّر ذنوبج !!

او اذا انتي فعلا تستاهلين هالفلوس فلا تتحسفين اذا ما اخذتيها الحين لانها راح ترد .. بس بعدين ! قال الله وان شكرتموني لأزيدنّكم يعني قولي الحمد لله وشكريه عشان يعطيج و الله ما يظيع حق احد هذا الله و الله كبير يرد فلوسج و يمكن يردها اكثر !

وأحسن شيء ممكن يصير لج من هذا كله .. لو انج تستاهلين هالفلوس صج .. وما اخذتيها
الله راح يعوضج اضعاف اضعاف بالجنه وما أظن انه تراب الدنيا اغلا من شيء بالجنه
والله يفرج همج يــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــارب

 

[صعب غلاها]

والله ماعرف اذا احد طلبني ماعرف ارد

 

[عيش و مرق]

لا محد كفو والنا س صايرين مايستحون والطيب مايبين ابعينهم............ مره انا سلفت وحده معاى بدوام 400 دينار تدرون ليش ابتشترى جنطه ماركه .............. وماردتهم الا عقب شهرين بطلوع الروح وينزل المعاش ويخلص واهى ماكو خبر خير
ووحده تبى سلف 1000 دينار عشان اجار بيتهم وبتردهم كل شهر 50 دينار مادرى اى سنه بنخلص اعتذرت وقلت لها خلى زوجج ابو الشباب يدبر حاله .....وانا بقلبى اقول هذه مايستحى مرته اطر من الناس واهو متمتح عادى عنده