تحبين تسلفين اي احد؟؟ ومنو سلفت ورجعت فلوسهاا؟؟

[عيش و مرق]

نسيت اقول لكم عندها وديعه بلبنك 10000الاف دينار وتبي سلف

 

[Lemon Juice]

نادر أسلف ومو أي أحد

امي اختي اخوي على عيني أسلفهم إذا اطلبوا لاني عارفه شنو يبون

أما تييني رفيجتي تبي سلف تبي تشتري نظاره والفلوس اللي عندها ناقصه أو شي من هالنمونه لا والله ما أعطيها مو ضروري

عادي أقول لها ما عندي ما فيها مستحى ..

ورفيجتج يا انج تطوفين هالثلاثين دينار وتاخذينه درس أو إذا محتاجتهم دزي لها مسج قولي لها انا محتاجتهم

لا تستحين مدامها ماستحت

 

[$الـــحـــلاوه$]

ماصدف اني سلفت احد مبلغ كبير ما انحطيت بهالموقف
يعني حدي كرت للتلفون
وعادي اعتبرها عطيه لانه اللي تطلب مني رفيجتي واكثر من اخت وانا معاها واحد يعني تعبيلي واعبيلها

 

[غزلان]

شوفي رفيجتي اعطيها روحي بس ماتردهم لاااا مو عشان الفلوس ابد عشان مايضيع حقي
محد يستغفلني
دزيلها مسج رصيه بقلبها عشان تفهم

 

[bnt_kwt]

لا والله ما اسلف ولا اتسلف
واذا اختي ولا مرت اخوي طلبتني بعطيهم عطيه
مو سلف بس غرب لالالا ما اسلف

وبعدين حطيها قاعده الشخص اذا بياخذ يصير سهل عنده وعسل على قلبه
بس اذا بيسدد يتثيقل معروفه السالفه

 

[ام سعود ديكسون]

لا اسلف ولا اكفل
والحجوة اللي استحي منها ابديها
موعيب ليش استحي

واغلب اللي يسلفون ما يردون

وويوهم منجب ما يستحون

 

[ملفتة للنظر]

مع خواتي ماكو سوالف سلف...اللي تاخذه اعتبره عطية مني..لو اموت ما افكر ارجعه..خوات مابينا هالسوالف



اما رفيجات..ماصارتلي صراحة..وماعتقد اني وحدة من رفيجاتي راح تسلف مني ..مونوعهم جذي



وثانكس

 

[في بحرهم عذبوني]

تضايقت والله
عندي رفيجتي اكثر من اخت و انا مريت بضروف و بدون ما اطلب منها عطتني 30 و غصب عني يعني لزمت علي اخذهم
بس مشكله ان لي احين مو قادره اردهم و انا ما اشتغل و امر بضروف شوي صعبه بس قلت والله بس تتعدل الضروف اردهم لها
مع انها ما طلبتهم و لا قطت نغزات يعني اهي اختي اختي بس انا متضايقه

 

[انوار87]

اختي انا ما استحي لو منج اقولها فلانه نزل المعاش رديلي الفلوس محتاجتهم لا عيب ولا حرام

 

[amoOoNA Al_mazyoNa]

والله انا مره سلفت وحده 30دينار ورجعتهم لي...
وسلفت وحده 50ديناار من سنــــة ولي اليوم ماشفتهم ولاياابت طاريهم
وسلفت بعد وحده 30 ونفس الحالة مااشفتهم ولا سمعت بطاريهم.. الله كــريم

 

[شيخة قبيلتها]

والله بيني وبينج صارت معاي هالشغلات هذي والحين والله ماعاد قمت اسلف احد من رفيجاتي اوكي لاني انقرصت كذا مره والمشكلة طبعي حياوية حيل حيل وربي حتى اني اذا كنت محتاجه استحي ادق عليها واقول ردي السلف اللي عليج .. عشان جذي ماقمت اسلف احد من رفيجاتي الا اللي تكون قريبه على قلبي حيل حيل ولي معها سنين تكون ثقه يالغالية ...

 

[*أم*خالد*]

انا ما اسلف احد

اخواني وخواتي اعطيهم عطيه مابيهم يردونها لي

وبس

وبالنسبه حق رفيجتج تمنني عليها ذليها ليحد ما ترد الفلوس :dddds:

 

[shai5at al3arab]

مو هذي المشكلة لما الواحد يحرجك والمشكلة الاكبر لما يكون اللي طلبك شخص حددده عزيز عليك وما ودك تكسر فيه ..

مرة واحد طلب من اخوي 4 الاف دينار كاااملة وما يرضى باقل منها .. ولا اخوي قال له ما اقدر خاف بس سكت قال له ليش تخش الفلوس انا محتاج وما ادري شنو <<< يعني بالاخير ويه منجب ..

صارت فيني مرة مع وحدة من اعز صديقاتي وكنت توني متوظفة والمبلغ والله ما كان هين :\

الله لا يحيييجنا يارب للناس ..

 

[om al ghaleen]

لآ اسلف ولا اتسلف

بس خواتي طبعا غير اعطيهم مااسلفهم
اما الباجي لا والله لاني مااشتغل بالاساس .., بس الحمدالله عندي مدخوول


ورفيتج دزي لها مسج طيب قولي لها محتاجه سلف 50 ديناار علشان تتذكر انها متسلفه منج
واذا عطتج ردي لها السلف بعد شهرين علشان تحس بمعاناتج
<< لوووول داهيه

\\

 

[شموووخي.]

مشكورررين كل الي ردوا ع الموضوع..

والله انا نفسكم مابيني وبين خوااتي سلف..

بس جد مايقهر الا هالناس الي ماتستحي.. ومن نحاية الملابس يؤؤؤ عدوا واغلطوا اصلا اذا سلفتي وحده بدله والا عبايه والا بلوزه انسي انها ترد..

والله يابنات مو مدحن بنفسي مره خذيت من صديقتي عباية بفصل عليها بنفس اليوم رجعتها احس هم على قلبي لين ارجعها..

ومره وحده من صديقاتي تسولف تقول كل ما اشتري لبس جديد وتشوفه علي بنت جيرانا تدق علي من ثاني يوم وتطلبه ؟.. عادي ما فيها شي بس تدرو شالمصيبه ...؟؟؟
طبعا ما ترجع اللبس .. واذا رجعته بعد طلعة الروح ترجع اللبس معفس وماكلفت على نفسها تغسله ..

بعرف شنو هالناس الي ما تستحي ..

بصراحه انا حطيت هالموضوع ابي اشوف ارائكم فيه .. اثااري هالنوعيه الي ماتستحي حييييييل منتشره... ومن ناحية الفلوس والله ما همتني... وبعتبرها على قولة وحده شاركت دفعة بلاا.. ودرس لي

 

[أحلى عيون]

شوفي انا طبعي بصراحه اذا وحده تبي تسلف اعطيها ولكن اذا شفت انها مارجعت لي تحلم اسلفها مره ثانيه

وانا بصراحه بعد الحين صايره لا اسلف ولا استلف والله لي حدتني الفلوس وابي ومحتاجه ابيع شي من بيتي ماابيه ولا اتسلف والحمدلله الله لا يحوجني حق اي احد والله يخلي لي ريلي ما يقصر معاي

 

[Stylista_Q8]

عاد الحمدالله انا ماحب اسلف احد

والله يعينج على هالبنت

بس ترا 30 مو وايد

فهالمره عطيها طاف واذا تبي مره ثانية لا تعطينها

 

[على وجهها سمة الأبرياء]

انا سلف شخص قريب منا وقالي محتاج وكنت توني متوظفه

وفجأة صار قطيعه بين عايلتنا وعايلتهم وليومكم طاف 3 سنين

ماوصلني من فلوسي شي

بس حسبي الله ونعم الوكيل

 

[املى كبير]

الله يعينج حبوبه على هذى الاشكال .....انا الحمدالله ماعمرى وحدة طلبت منى سلف كللللش .....بس اختى وانا دايم اتسلف منها واردهم لها وامى بعد حبيبتى ادق عليها واقول ابى سلف تقول تعالى ولاجيت قالت هذى عطيه (لانى موموظفه ) والحين الحمدالله توظفت
بس ماايد انج تعطين من هب ودب انتى بعد عندج التزامااااااااات

 

[شموخ^بدويه]

لا اذا وحده انا وياها شي واحد عادي بس اللي مو ميانه معاها لا والله اتعذر انه ماعندي فلوس وافك عمري