تحب ٢ و محتاره منو تتزوج!!

[Adorable]

السلام عليكم بنات.. اليوم حابه اقولكم سالفه وحده من رفيجاتي الي راح تعقدنا كلنا.. ، نبي نشوف ارائكم

هذي الله يسلمكم كانت تكلم واحد من ايام الثانويه و تحبه و تموت فيه و اهو يموت عليها.. فاتحها بموضوع الزواج و قالتله مابي اتزوج الا لما اتخرج من الجامعه و حاول يضغط عليها و ما رضت و الريال مشا معاها و يبي ينطرها.. و اهي بالجامعه و بعد ٤ سنين من علاقتهم التزمت فجاه و قررت انها تقطع علاقتها معاه نهائيا.. هني اهو ين و حاول معاها و يبي يخطبها و اهي مصره انها ما تكلمه

المهم بعد ما تخرجت من الجامعه سمعت انه تزوج.. وايد بجت و زعلت بس مافي اليد حيله..
و بعدها بسنه يا واحد خطبها و كان شرط ابوها ان تكون خطبه ٣ اشهر ايي البيت يسولف معاها و تتعرف عليه قبل الملجه.. و البنت شكلها تقبلته

في مكان شغلها كان عندها اجتماع مع المدير على اساس في شركه اجنبيه و اهي وايد شاطره بالانجليزي.. بس منو كان يايب الشركه؟ حبيبها الاولي.. و لما خلصو من الاجتماع قالها انا طلقت زوجتي و اذا تبيني باجر ايي اخطبج و طلع

قالت حق امها السالفه و قالتها انتي شوفي منو الي يناسبج اكثر.. و فعلا سوت هالمقارنه و تبي تشوف اراء الناس.. هي عمرها ٢٥

حبيبها: عمره ٣٢.. شكل و وسامه و ولد عايله و مال و صاحب شركات و شايف خير
سلبياته: غيوووووور و عصبي
هواياته: كلش كلش مو صوبها.. اهي تحب تلعب قيمز و جذي و واهو كلش ما يحب يعني على قولتها ممكن يطالع معاها فلم

خطيبها: عمره ٢٥.. شكله عادي اجلح شوي و عايلته لا تقارن بعايله حبيبها.. معاشه على قده
سلبياته: يتصرف مثل الياهال ما تحسه ريال مرات
هواياته: مثل هواياتها بالضبطططط يحب الالعاب و سوالفها و يحب يطالع افلام و كل شي فيهم متشابه حتى ذوقهم بالاكل نفس الشي

الحين اهي محتاره.. تحب حبيبها بس مافيه صفه مهمه و اهي المشاركه.. اهو دايما مشغول بحكم منصبه مع انه وعدها انه راح يعوضها عن انشغاله عنها كل شهر سفره بو يومين ٣ تغير فيهم جو و يكون معاها بعيد عن شغله.. بس بنفس الوقت تبي واحد يضحك و يسولف معاها و يلعب معاها و يروح السوق و السينما.. انا ما اقول ان حبيبها ما يضحك معاها بالعكس بس اهي تقول انه وايد ناشف مع الناس و جموده معاهم يفشلها

 

[Dancing^Queen]

السلام عليكم ورحمه الله وبركاته





الله يوفق رفيجتج باللي تختاره سواءا خطيبها الحالي او اللي بيتقدم لها ان رضت
نصيحتي
الاستخاره ثم الاستخاره ثم الاستخااااااااره
تستخير ربها قبل عباده
وبنيه صافيه

ثانيا
بالنسبه للي كان يحبها
ليش انفصل عن زوجته؟ شنو سبب الطلاق؟
وخل يسئلون اهلها عدل عدل

اشوف ان الاولي اللي هدته افضل كمستقبل وكتحمل مسروليه بس هذي وجهه نظري
انا مابي واحد يلعب قيمز ويشاركني اهتماتي كوبي بيست
ابي واحد قادر ان يفتح بيت ويشيل مسؤوليتي ويصلح من اخطائي وبنفس الوقت مايكون مقصر وياي
اهي تعرف ال 2
اهي اللي تقدر تقرر ايهو الانسب

خل تفكر بعد 10سنين تشوف نفسها مع منو؟ ومنو ابو عيالها؟

 

[أسيرة_أحزاني]

ما الحب الا للحبيب الاولي

وطبعا الراي رايها بعدالاستخاره

 

[الـــغـــلآ]

شوفي اختي

اول شي انا بسال عن شي هي الحين مخطوبه للي عمره ٢٥ صح ؟؟

ترا الفلوس عمرها ما كانت فرق دام الشخص يقدر يصرف عليها لان لاحظت بكلامج ان هذه تعتبر من الاشياء اللي ممكن تفضل شخص عن شخص انا ما اقصد يكون بالمره مو قادر يصرف على بيته لا اقصد يكون قادر انه يصرف على مرته و بيته

المهم انا بقولج كلمتين

صدقيني استخارتها لربها احسسسسن من استخارتها للناس

و احنا نفسج و نفسها ما نقدر نحكم و لا نقدر نختار لها

اذا هي تبي الزين لها و تبي الاحسن الاستخاااااااااره

و ترا الاستخاره مو معناتها ترتاح لهالشخص او من هالكلام لا كلش مالها علاقه بالراحه

الاستخاره معناتها تصلي الاستخاره اكثر من مره و و توافق ع اللي تبيه و ربها بيكتب الخير


مثلاا ابوي كان بيروح يسوي عمليه براا و كان متردد و صلى الاستخاره اكثر من مره بالكويت و عقبها سافر عشان يسويها و كانت نيته يسويها << شوفي ما نطر يرتاح او لا .. استخار و مضى في الامر

و لما سافر سبحان الله ما تمت الامور هناك و رد الكويت الحمدلله

هي خل تصلي الاستخاره اكثر من مره مو مره مرتين و خلاس

و الله يكتب لها اللي فيه الخير

 

[أمي قرة عيني]

حبيبتي بغض النظر عن أنها تحب الاول مواصفااات وااااااااااايد حلووة وعمره حلو اما الثاني يهالووو ^_^ بعده صغير

وشكل حبيبها واااااايد شاريها من كلامج شحقه تحتااار ؟؟؟؟؟؟ الله يوفقها ويرزقها الخيره يارب

 

[bal8es]

على قولت وحده من الخوات ما الحب الى للحبيب الاولي
عمره حلو وفاهم ومركز وفوق كل هذا يحبها
انا من رايي تتمسك بحبها
الاطراف المختلفه تتجاذب والمتشابهه تتنافر بنسبه للهوايات
وعلى سلبيات حبيبها انا ما اشوفها سلبيات هذا من حبه لها يغار عليها
عكس سلبيات خطيبها 25 وتحس ان مو ريال وعليه حركات يهال
الزواج مسؤليه مو لعبه وقيمز

ومثل ما قالو البنات تستخير والله يكتب لها الى في الخير

 

[عـيّــآره]

طبعا الاستخاره ظروريه​

بعد 4 سنين من علاقتها بحبيبها قررت تلتزم يعني فيه بينهم توافق كبير ومو لانه مايحب يلعب قيمزر قررتو انه مايشبهه​

هاي لعبه مالها علاقه بشخصيه الانسان .. حبيبها ناضج وسيم وغيور وله منصب والصراحه هاي مواصفات الريال الشرقي الي كل

بنت تتمناه اما خطيبها يشبهها بكل شي وشخصيه طفوليه ويتصرف مثل اليهال احس مع الوقت بتحس انها عايشه مع توأمها​

غير ماضي الحبيب الي مدته 4 سنين بتقعد تقارن بين خطيبها وبين حبيبها بكل المواقف​

انا برايي حبيبها انسب والله يوفقها باللي تختاره ...​

...كنت هنآآآ...​

 

[سويت فانيلا]

اكيد اللي تحببه

 

[عسل مرت قيمر]

خلتسأل عن سبب طلاق الاول

واهيا ملجت علثاني ولا بعدها ؟؟

 

[عاشقة هواك]

ما الحب الا للحبيب الاولي

وطبعا الراي رايها بعدالاستخاره

انا وياها :eh_s(9):

 

[miss_whitemocha]

والله دنيا..
صارت المقارنة بين الرياييل منو يلعب قيمز و منو ما يلعب قيمز!!!!!
الله يعينها على عمرها صراحة إذا هذا تفكيرها..
ما أدري شلون تقدر تفتح بيت و تشيل مسؤولية عايلة إذا أهم شي عندها إن زوجها يلعب قيمز..
​

 

[FeShinGoOo]

:/ ومدام هذاك تفكيره ياهل ليش ماقالت هالحجي قبل لا تشوف ارفيجها الاولي ؟؟

واضح انها تقص على عمرها وواصح انها حنت للاولي وواضح انها قامت تطلع عيوب بهذاك معقوله ادمي مافيه ولا حسنه ؟؟

على العموم الاولى كان شكله شاريها من البدايه بس اهي ضامنه انها اذا رفضت هذاك .. الاولي صج بيتقدملها ؟؟ خوفج يماطل ..

بس اذا واثقه خل تاخذ الي قلبها يبيه

 

[أحبج يمه]

خل تستخير و الله يسهل أمورها

 

[ميس المشاعر]

اول شي خليها تستخير الله وتفكر عدل وتقرر لأن هذي حياتها
وبعدين ما سالت حبيبها الاولي ليش تطلق ؟؟؟
الله يوفقها انشاءالله

 

[انا لحبيبي .]

اسمحيلي حبيبتي شوي ،ـ

خطيبها اسلوبه متل الصغار كيف يعني ؟ هي شي طبيعي تحكي عنه هالكلام منشان توهم ونفسها وتقنع نفسها بهالكلام ،

وصاحبتك سوري على كلامي ،ـ بالجامعه وتركت حبيبها ليش؟ شو الاسباب انها تتركه ؟ مدام ما ضرها ولا اذاها؟ كسرت قلبه ليش يعني ؟ عشان التزمت ؟ كان ممكن صار مشروع خطبه بس لو بتحبه بالفعل ، بس تركته فجأه بدون ما تدمع حتى عينها ، شو هالاسلوب هاد ؟


اذا المنيح معها والكويس معها كسرت قلبه وتركته وهلأ حنتله ، شي طبيعي تحكي عن خطيبها هالكلام لانها ما بدها ياه


انصحيها انه تاخد يلي باخف ربه ، الله يهديها يارب ويناولها الخير

قلوب الناس مو لعبه ابدا ، ومتل ما بتعمل في الناس هيك بتعلق الواحد فيها وبتتركه تخاف احسنلها ، ما بتعرف الايام شو فيها

واسفه اذا حكيت شي دايقك وترددت كتير اكتب هيك عن صاحبتك لانه مو من حقي .

 

[جوري الكويت]

ما ادري الموضوع غريب شوي

يعني اذا الوحده تدينت والتزمت و اللي تكلمه بغى يخطبها و ياخذها على سنه الله و رسوله

تقوله اسمح لي ابي اتزوج واحد ما كنت اكلمه ..

يعني علاقتهم اللي كانت بالحرام .. ما منها فايده .. و هي قصدها سوووري مو شريف

لانها خطبها و هي اللي رفضت

خبري الرياييل ما يبون وحده مكلمينها مو البنات اللي يرفضون

و مشكلتها الحين مو فاهمه الزواج عدل .. شنو يلعبون قيمز

و الثاني يغار عليها .. شي طبيعي راح يغار على اللي راح يتزوجها

انا اشوف الاثنين ما يصلحون للزواج

واحد ما راح يسامحها لانها خلته بيوم من الايام .. حتا لو خذاها ما راح ينسى

و اتوقع طلق لانه دايما مشغول و مميزاته الثانيه ما اشفعت حقه عند زوجته

و الثاني . صغير و شكله مو متحمل المسئوليه

 

[كويتية نايس]

تاخذ حبيبها لان مواصفاته ممتازه

 

[•Brown•Sugar•]

دامها ترددت يعني حبيبها للحين بقلبها وتبيه
لاتظلم ولد الناس الثاني خليها توافق على حبيبها والله يوفقهم

 

[طموحه بزياده]

خل تاخذ الاصلح دينا واخلاقا



وتنسى سالفه الفلوس لان زواله

 

[* Snow White *]

امممم مادري صعبه
خل تستخير ..
لان اهيه اتركته اول شي .. وسبحان الله الله خلاهم يشوفون بعض مره ثانيه
الاول مميزاته حلوه، من شغل وراتب وشكل وشخصيه
نقدر نقول تيبيكال كويتي يعني معروف ومعتاد اعتقد الاول بتعيش وايد دراما وياه

الثاني احسها بتستانس وياه وايد لان نفس الافكار
وشكو تقول ياهل وماياهل شلون تحكم؟ يمكن توهم نفسها عشان يعني بتوخر عنه
بس نفس صفاتها راح تستانس وياه وهالشي معروف


بس مادري لو انا جذي مكانها، عاطفتي بتسكر على عقلي وتاخذ الاول ;p
الله يوفقها وخل تستخير