hot caramel
New member
الســلآم عليكم ورحمه الله وبركاته
عســاكم بخير ياكويتيات الغاليات
سلمكم الله انا الحين بالصف التاسع يعني اولى ثانوي لكنه ولله الحمد مايدش بمجموع معدل الجامعه
وودي اعرف شلون حسبتهم حق النسب للجامعه يعني جم ياخذون من 10 وجم من 11 وشكثر يبقى حق 12 ؟
والاهم من هذا كله اني مجبله عالصف العاشر والكل غاص بهالمرحله ويشهدون بصعوبتها
وانا ابي ادش علمي بإذن الله تعالى واذا سهل علي ربي ووفجني
لكن الداهيه والبلوه اني ماافتهم شي بالرياضيات مع اني اييب امتياز ولله الحمد ومع الاسف الشديد هالسنه مايبت امتياز وسبه الرياضيات
وانا الي من كنت بأولى ابتدائي اييب امتياز ! فحدي انصدمت من عمري وصدمه اهلي فيني كانت اكبر وحسستني بتأنيب الضمير
لكن هالرياضيات نقطه ضعفي وبالذات الهندسه والنظريات والبراهين
وهم بعد ماانكر اني غبيه بالعلوم(الفيزيا + الكيميا) بالــذات
عشان جذي قلت ابي اتقوى بهالمادتين لكن مادري شلون ومن وين ابتدي ؟
هل اييب لي مدرسه لي البيت؟ مع اني مااعرف ولامدرسه زينه وماقط يتلي مدرسه لي البيت لاني ولله الحمد ماكنت احتاج و والا ادش معهد ؟
وانا مالي خبره سابقه بهالمواضيع احب اعتمد على عمري بكل شي فمااتجهت حق المعاهد والمدرسين الخصوصين فماعندي اي علم بهالخصوص
وعلى الارحج اني أأيد فكره المعهد بس مادري وين فيه معهد بالصيف يدرسون فيه ماده الرياضيات للصف العاشر؟ وماادل ولا شي !
واكيد بتقولون لي دام انج غبيه بالمواد العلميه عيل دشي ادبي ,,, بس من صغري واناحلمي اني اصير دكتوره ومستحيل اني اتنازل عن طموحي وبسعى كل جهدي اني اطور من نفسي للأحسن والافضل دايما بهالمواد الي انافاشله فيهم شوي
فإلي تقدر تخدمني حتى لوبنصيحه برحب فيها بسعه صدر وبدعيلها من كل قلبي
وعسى ربي يرزقكم الرزق الوسيع ويحقق لكم كل امانيكم ويوفجنا كلــنا ياربي
وبكون ممونه لهـــا طووول عمري
السمــوحه عالطــوآله
