~ تحدي كويتيات biggest loser واحنا قدها ..حياكم :$ ~

[ريحانة السعوديه]

رد : ~ تحدي كويتيات biggest loser واحنا قدها ..حياكم :$ ~

لاأحـــــــــــــــــــــــد يحبط انا قطعت الرجيم
ودخلت نشويات بدون تدرج على جسمي شي طبيعي يزيد الوزن
بـــــــــــــس الحمد لله
اليوم خلص اسبووووووووووووع المرور
من اليوم برجع للرجيم
بس محتاره بين
الرجيم الكيميائي
ولا رجيم التمر والبن
بس شكلي بستخير
وبختار الكيميائــــــــــــــــــــــــي
يالله توكلنا على الله

 

[miss disaster]

السلام عليكم ...
شلونكم بنات ...

ادري اني مقصره وانا اسفه بس علي كويزات وانا حقوق فشوي لاهيه:eh_s(11): :eh_s(11):

وان شاء بس اخلص راح اجابلكم

بالنسبه حق الوزن :hjy5jewf:


وزني السابق 108.5

والحالي:107.4

الفرق :ناقصه 1.4​

 

[miss disaster]

اممم كوتون فكره حلوه وكنت ناويه اسويها بعد فتره مو الحين بس دامج بديتي مو مشكله

الاسم:miss disaster
العمر :18 وكسور
اقل وزن كان:75

اول ما متنت كان سنه 2007 السبب مرحله حرجه في حياتي ونفسيه كانت لا تعليق
ليش ابي اضعف ؟؟؟
عندي وايد اسباب بكتب بعضها :
1- صحتي وايد متدهوره والسبه السمنه يعني عرضه حق سكر وحق كرسترول والقلب ...ألخ مشاكل لها اول مالها تالي
2- توني صغيره ابي اتهنى بنفسي وشكلي يعطي عمري مو اكبر
3-ابي البس كل اللي ابي
وفي بعد اسباب شخصيه

واتعذر منكم مره ثانيه و ادعولي الله يوفقني

 

[miss disaster]

بنات عندي لكم اقتراح و شي اللي تقدر تسوييه
اول شي الاقتراح :
شرايكم كلنا نسوي رجيم واحد ؟؟؟؟اذا وافقتوا نختار رجيم معين
والميزان يوم الجمعه او السبت (يعني يوميين كل وحده واللي يناسبها )

واللي ابيكم تسوونه عشان الموضوع يكون شوي حلو شرايكم نحط معلومات مثلا بعد شوي ان شاء الله بحط لكم معلومات عن البيض وانقاص الوزن وهم عندي جم سؤال عن الرجيم عموما مع اجوبتهم كل يوم ان شاء الله راح احط لكم سؤال مع جواب واللي عندها معلومات يارييت تحطهم عشان كلنا نستفييد:eh_s(3):​

 

[أم عامر]

صباح الخير

الوزن السابق 84

الوزن الحالي 84

نفس الوزن مانزلت

معني ما قاعد آكل مسويه تخفيف وأشرب أعشاب

بس ما ألعب رياضه بسبب ركبتي تعورني وأنا من غير رياضه أطول بالنزول وصارلي

أسبوعين تقريبا وزني ما تغير

والظاهر من باجر ان شاء الله راح أسوي رجيم قاسي علشان أكسر وزني وأخليه يتحرك

 

[مات الاحساس]

رد : ~ تحدي كويتيات biggest loser واحنا قدها ..حياكم :$ ~

هلاوو بنات ههههههههههههههههه
انا مالي ويه اشارك لاني ماخذه من اسبوعين اوبن دي وللحين ماخلص
ان شاءالله من بكره راح ابتدي رجيم عدل
وفكرتج حلو اختي جان كلنا ع رجيم واحد
^

 

[miss disaster]

معلومات عن البيض ((ينقص الوزن ويزيد قوة الذاكرة))​

أكدت 9 دراسات قدمت أمام مؤتمر «البيولوجيا التجريبية 2007»، الذي انتظم في واشنطن هذا الاسبوع، على اهمية تناول البيض لصحة جسم الانسان. وأشارت احدى الدراسات الى أهمية البيض في إنقاص الوزن، بينما اشارت دراسة اخرى الى اهمية بعض المركبات فيه التي تفتقدها مواد غذائية اخرى، تفيد في نمو العقل وتقوية الذاكرة.



وأجريت اولى الدراسات التي قدمها فريق برئاسة نيخيل دورندار، الاستاذ المساعد في قسم العدوى والسمنة بجامعة لويزيانا، للدولة، حول تأثير البيض في الوزن، على نساء سمينات تناولن افطارا يتألف من بيضتين يوميا لفترة 5 ايام في الاسبوع، على مدى 8 اسابيع، ضمن خطة لحمية غذائية من طعام قليل الدهون. وأفادت الدراسة ان النساء فقدن نحو 65% اكثر من غيرهن من الوزن، كما قل لديهن محيط الخصر بـ 83% اكثر من غيرهن، وتحسنت لديهن مستويات الطاقة مقارنة بالنساء الأخريات اللواتي تناولن الفطائر الصباحية الحاوية على نفس عدد السعرات الحرارية للبيض. وتؤكد الدراسة نتائج دراسة سابقة أشارت الى ان الإفطار بالبيض يزيد من الشعور بالشبع مقارنة بالمأكولات الاخرى.

وفي دراسة اخرى، أشار باحثون من جامعة أيوا، للدولة، الى اهمية تناول البيض لاحتوائه على مركب الكولين المفيد للعقل والذاكرة. وقالوا ان الحصة المتناولة من قِبل الاطفال والبالغين الاميركيين من الكولين، اقل من الحصة المطلوبة يوميا وهي 550 ملغم في اليوم للرجال، و425 ملغم في اليوم للنساء.

وأظهرت الدراسة ان 10% او أقل من الاميركيين يتناولون حصة الكولين المطلوبة، ويشمل ذلك الامهات الحوامل. وتحتوي بيضتان على نحو 250 ملغم من الكولين، وهو يوجد ايضا بتركيز كبير في لحم البقر والكبد ولب الحبوب.

وأخيرا يتحدى عدد من الباحثين الاعتقاد الشائع بضرورة الحد من تناول البيض بسبب المخاوف من زيادة الكوليسترول في الجسم، إذ أشارت دراسة أجرتها شركة «إكسبوننت» العلمية في واشنطن، الى ان تأثير تناول البيض في القلب ضئيل لا يذكر. وذكر موقع «يوريكا أليرت» العلمي، ان الدراسة عكفت على تقييم المخاطر النسبية لأمراض القلب المرتبطة بتناول البيض مقارنة بتأثير عوامل الخطر الاخرى عليه، ومنها تقدم العمر، الوراثة، الاغذية المتناولة، التدخين، تناول الكحول، ضغط الدم العالي، زيادة الكوليسترول، السمنة، ومرض السكري، واخيرا نمط الحياة الكسول.
المصدر: منتديات حسناء​

 

[ريحانة السعوديه]

رد : ~ تحدي كويتيات biggest loser واحنا قدها ..حياكم :$ ~

مبروك مس على نزول الوزن
وانا ما اايد ان نكون على رجيم واااااحد لنه كل شخص
ماشي مع دكتور او متعوده على رجيمه
ـــــــــــــــــــــــ
بس اذا سمحتيلي يا مــــــــــــــس
انا ابي اعرف وش المنهجيه حقة الفرق
الحين حنا فريق فوشي وفريق ازرق ووفريق بنفسجي
ما فيه تحدي بين الفرق او مسابقات
عشان يصير فيه حماس كل اسبوع اي فريق يفوز
وعضوه من الفريق اكثثثر نزول للوزن
يعني انا ما عندي افكار محددهـ بس توقعت انه بيصير
زي التحدى وبعدين عشان نتعرف على بعض اكثثثثثثثثثثثثر
واتمنـــــــــــــــى يصير الوزن كل يوم جمعــــــــــــــــــــــــه
اسفه على الاطالـــــــــــــــــــــه

 

[حلاوة حمرة]

رد : ~ تحدي كويتيات biggest loser واحنا قدها ..حياكم :$ ~

كـووتون صح كلامج أنـاا ملاحظة ريلـي اهوا مستاانس بس
لما اضعف أستااانس أكثر

ريحانة حبيبتي خليج معانا انا وكوتون وتابعي ما عليه حتى لو زااايدة

وانا الحين راح احط وزني حدي مستااانسة استااهل احلى فري دي ياقلبي

يالله دقايق

 

[تـدلل يا حـبيبي]

رد : ~ تحدي كويتيات biggest loser واحنا قدها ..حياكم :$ ~

تاريخ اسمنه ؟ سببها ؟ جربتي ارشاقه؟ اقل وزن وصلتي له؟ شعورك فيه؟ ليش تبين تضعفين ؟

عمري 17

من يوم كنت باولى متوسط بديت امتن تدريجي لما وصلت 2 ثانوي دخلت بال 100

وهني بدت معااناتي بالرجيم بس يوم كنت بالمتوسط سويت رجيم نزلت بشهر 12 كيلو

وبعدها هدييت نفسي على الاكل ومتنت والحين قاعده اعاابل بوزني عشان ينزل

لاني بصرااحه مو طاايقه اشووف شكلي بالمنظره

انا طولي 175

اقل وزن وصلتله 89 وكان بالنسبه لي انجاااز لانه كان بس فيني شويه متن موايد

قرقت واايد

وعلى فكره بنات انا وزنت

وللأسف زايده كيلو

كان : 120

صرت : 121

سوري بس والله النفسيه لاعبه لعب بس جد هالاسبوع ماااكو خرااابيط زفوووني عفييه

 

[تـدلل يا حـبيبي]

رد : ~ تحدي كويتيات biggest loser واحنا قدها ..حياكم :$ ~

انشالله رجيمي حق هالاسبوع

رجيم البيض
الفطور اليومي : 1 بيضة مسلوقة + عصير جريب فروت أو شاي بدون سكر


اليوم الأول: الغداء: 2 بيضة مسلوقة + سلطة خضراء + عصير جريب فروت أو شاي بدون سكر
العشاء: 2 بيضة مسلوقة + عصير جريب فروت أو شاي بدون سكر

اليوم الثاني: الغداء: لحم مشوي + خيار + خس + عصير جريب فروت أو شاي بدون سكر
العشاء: 2 بيضة مسلوقة + خيار + عصير جريب فروت أو شاي بدون سكر

اليوم الثالث: الغداء: لحم مشوي + خيار + عصير جريب فروت أو شاي بدون سكر
العشاء: 2 بيضة مسلوقة + عصير جريب فروت أو شاي بدون سكر

اليوم الرابع: الغداء: 2 بيضة مسلوقة + جبنة قليلة الدسم
العشاء: 2 بيضة مسلوقة + عصير جريب فروت أو شاي بدون سكر

اليوم الخامس: الغداء: سمك مشوي + سلطة + عصير جريب فروت أو شاي بدون سكر
العشاء: 2 بيضة مسلوقة + عصير جريب فروت أو شاي بدون سكر

اليوم السادس: الغداء: لحم مشوي + خيار
العشاء: سلطة + فواكه

اليوم السابع(والأخير): الغداء: دجاج مشوي + جزر + عصير جريب فروت أو شاي بدون سكر
العشاء: دجاج مشوي + عصير جريب فروت أو شاي بدون سكر


ملاحظات مهمة :
* الإكثار من الرياضة ( نصف ساعة إلى ساعة يوميا)
* الإكثار من شرب الماء
* الشاي بدون سكر
* عدم الإكثار من الزيت و الجزر في السلطة

وانشالله مااخربط

 

[حلاوة حمرة]

رد : ~ تحدي كويتيات biggest loser واحنا قدها ..حياكم :$ ~

باسم الله .....

حلاوة حمراا الفريق الأزرق

الحين الميـــزززااان تايم ، الله يستر

والوزن الحمدلله راضيه عن الرجيم لانة ما تعبني وراضية عن النتيجة

الحمد لله الله ما ضيـَع تعبي نقصـَت 4.800 كيَـلو راضية

رجيمي كان يعتمد على تنشيـَط حرق الدهـَوون

وأي سؤال أو استفسار من عيوني

 

[حلاوة حمرة]

رد : ~ تحدي كويتيات biggest loser واحنا قدها ..حياكم :$ ~

خـوووش معلومات يا مس دزاااستـر أنـاا سويت رجيم البيض من قبل مع دكتور
ووايد زين وضعفت عليه المهم بنات انا ما ودي رجيم واحد لان مو كل الرجيمات
تضعفني بسرعة

المهم أنـاا بحط لكم جم نصيحة عالسـَريع للي حاولـَت تضعف وما قدرت

أول شي أم عامر

يا قلبي التخفيف + شاي الأعشاب

يعنـي تثبيت وزن مو تنحيف اخذي رجيم جاهـز من النت طبقيه

صدقيني ماكو أنجح من التنحيف عن طريق 5 وجبـَات باليوم

 

[miss disaster]

ريحانه حبيبتي جيكي على الخاص:tongue22:

ولحد الحين حلاوة اهي خاسرة الاسبوع لو ماكو احد نزل اكثر منها بتكون خاسره الاسبوع وبتحط هالصوره في التوقيع

والعفو حلاو ما سويت شي

 

[miss disaster]

انا رجيمي هالاسبوع راح يكون ان شاء الله رجيم الاسبوع اللي طاف بس مع التزام ان شاء الله

مات الاحساس حبيبتي خلاص عاد اسبوع اوبن دي الحين لاتزمي معانا

 

[miss_solitaire]

رد : ~ تحدي كويتيات biggest loser واحنا قدها ..حياكم :$ ~

هااااااااااااااي

سوري كنت لاهية هاليومين

المهم

الوزن السابق 73.5

الوزن الحالي 71.5

النزول 2 كيلو

رجيمي للاسبوع الياي .......> دشتي

 

[LadY BuG 80]

رد : ~ تحدي كويتيات biggest loser واحنا قدها ..حياكم :$ ~

مبرووووووووك كل الي نزلوا
:edbf4317b9:
مشالله حلاوه نزولك روعه اكيد تحسين انك خفيفه ولله فرحت لك

مس دزازتر معذوووووره حبيبتي و الله يوفقك ، مشكوررره على المعلومات ، انا كل يوم فطوري لازم يكون بيض لين لاعت جبدي الله يعز انعمه ، بس معلوماتك شجعتني يسلموووا

ريحانه بعد عمري عادي طبيعي هزياده ، انا كنت فترت اسبوع المرور ماشيه على ادايت و هم زدت طبيعي ، يلله الاسبوع الجاي شدي حيلك, و تقدرين توصلين ال 70 و اقل بعد بأذن الله ، و احنا نشجع بعض​

 

[LadY BuG 80]

رد : ~ تحدي كويتيات biggest loser واحنا قدها ..حياكم :$ ~

مس عنب <--- سوري بس اسمك صعب لووووول مبروووووك حبيبتي 2 كيلو يهبلونننن روحه بلا رده انشالله

مس دزازتر مبروووووك ذلفت ال 1,400

وداعااااا لشحوم:eh_s(13):​

 

[LadY BuG 80]

رد : ~ تحدي كويتيات biggest loser واحنا قدها ..حياكم :$ ~

اخيرا اتلحلح وزني و استحى على وجهه:23_asmilies-com:

كان ثابت على ال 71,400 اسبوعين

باركوليييي بنات
:jbdwjbd:
اليوم وزني 70 مافي كسور

طايره من الفرحه 1,400

هذه كان نزولي

:fun: I love u all ​

 

[@ بنت النـور @]

رد : ~ تحدي كويتيات biggest loser واحنا قدها ..حياكم :$ ~



قوووووووووة عسولات شلوونكم

مبروووك اللي نزلتوووه ,, واللي ما نزل او ثابت ميخالف لا تتحبط باذن الله راح تضعف بس اهم شي الاستمراار

انا الحمدلله وزني قبل كان 75.5 والحين صاار










73.5

يعني نزلت كيلوين >> الحمدلله رب العالمين مستانسة عالكيلوين

بنات ادعووولي حدي مريضة صارلي يومين كلللللللله بالفرااااش وخشمي وبلاعيمي

حيل يعوروني ,,

وان شاءالله لي عودة اقولكم فيها عن نفسي ,, كوتون فكرتج روووعة صج يبيلنا نعرف عن بعض

بنااااات بإذن الله ماودي اطلع من هالتجمع الحلوووو الا وانا واصله للوزن اللي ابيه

لا وبعد ماراح اطلع همن بكمل عشان اثبت وزني