تحقق حلم الطفولة £ فرنسا و سويسرا اغسطس 2012 £

[katkota76]

مشكوريييين كل اللي شجعوني وما قصرتو
وسامحوني عالتأخير
الحين انشاالله بنزل اليوم الرابع

 

[katkota76]

تقريرج رووعه روعه يلا عاد كملي علشان خاطر اهل قطر

نطرينج على احر من الجمر

يستاهلون اهل قطر فدييتهم
الحين بكمل :eh_s(17):

 

[katkota76]

ما شاء الله أنا رحت باريس روعة بس ليش ماأخذتي فندق بالشانز روعة الصراحة

سؤال مطعم العجمي وينة بالظبط عن لادوريه

لا يوقف لا يوقف


لا يوقف لا يوقف
لا يوقف لا يوقف
لا يوقف لا يوقف
لا يوقف لا يوقف
لا يوقف لا يوقف
لا يوقف لا يوقف
لا يوقف لا يوقف

ررررررررررررررررررررررررررررررررررروعه

احنا الصراحة كنا ناوين ردتنا تكون من باريس وما كنا ناوين نروح زيورخ
وكنت حاطة آخر 5 ايام في الشانزيليزيه بس غيرنا الخطة وقلنا دام ان بندخل سويسرا نخلي الردة من سويسرا احسن

ومطعم العجمي حسنا حوسة على ما لقيناه
واهوا مايصير عالشارع اهوا بدواعيس شوي
بس سوري والله ما اذكر طريجه بالضبط:eh_s(17):

 

[katkota76]

يعطيج العااافيه كملي ياقلبي مابقا شي عالصيف ونبي نستفيد :eh_s(7): بعرف شلوون طلعتوا لسويسرا هذا الجزء الاهم ..................

من ستراسبورغ رحنا انترلاكن تقريبا 3 ساعات بالسيارة

 

[katkota76]

هالمحل شوقني شكله عنده سوالف أتونس أحب هالفناتق :eh_s(21):

حسافه ماخذيتي من الأوت لت إلي هناك أكيد أرخص من باريس

وايد حلو الموضوع وذكرتيني بالصدمات ب 2010 كنت مسافره ماليزيه وأكبر صدمه خذيتها من طيران الخطوط الجويه الكويتيه
تخيلي كانت طيارتنا الساعه 12 بالليل ومن الفرحه وخايفين لاتطير عنا الطياره إذا تأخرنا رحنا المطار مبجر الساعه 8 كنا هناك ودخلنا وحسنا حوسه داخل المطار لين يا وقت نروح حق البوابه أول صدمه الطياره عليها تأخير من 12 صارت 3 الفير يتني البجيه وقلنا ميخالف ننطر ونطرنا وصارت الساعه 2ونص ركبونا الطياره عشان 3 نطير ركبنا الطياره وصورنا فرحانين إنه أخيرا ركبنا وبنطير قعدنا وانترست الطياره صارت فل وطولت ساعه وأحنا داخلها ماتحركت وكلنا تنرفزنا جان يطلع الكابتن حسبي الله عليه ويقول بالمايك ( تم إلغاء الرحله لإنتهاء دوام المضيفين الرجاء من الركاب إخلاء الطائره ) صار صراخ بالطياره والناس عصبوا شنو إلغاء من صجكم قالوا راح نودي الركاب ينامون الليله بفندق المطار كراون بلازا اللي بالفروانيه إشتكينا وماكو فايده في ناس راحوا بيتهم وقالوا لهم راح نتصل نبلغكم بموعد إقلاع الطياره يمكن الصبح عموما راح نبلغكم وانا مت بجي إندقرت قلت حق ريلي مابي أروح البيت توني مسلمه عليهم وطالعه بروح فندق المطار رحنا الساعه 4 الفير وصلنا مع باجي الركاب وعطونا غرفه ناموا الياهال عقب البجي حسبي الله عليهم بجونا لين قلنا بس ماقدرت أنام بهدومي كل هدومي بالجناط وراح علينا ليله بسلانجور كنا حاجزين ليلتين هناك أول مانطب ولمن صار الصبح دق ريلي عالكويتيه وقالوا حددوا موعد الرحله الساعه 3 العصر والطريج طول 6 او 7 ساعات تقريباً تبهدلنا كله منهم بس لمن خلصت سفرتنا ورجعنا أشتكى ريلي وحرمنا نروح على هالطيران
بس لمن رحنا العمره العام رحنا عليها مضطرين لانه ماكان في حجز الا عليها وإيدي على قلبي منهم لايسووون لنا سالفه ثانيه وتتكنسل السفره بس الحمدالله ربي يسرها علينا وعدت على خير

جني هذرت وايد >_< خخخخخخخ

يالله وينج كملي التقرير من متى ناطرينج البنات
وانا صفيت بالدور عفيه كملي فيني فضول أشوف باجي التقرير ونبي بالتفصيل ^_^

واااااي الله يعينكم صج صج موقف بايخ
انا ما افكر احجز عالكويتية الا اذا كنت مضطرة
تابعيني حبيبتي وبتشوفين اماكن احلى واحلى ان شاالله

 

[katkota76]

ما شاء الله تصووويرج روووعه
بس ليش ماسكنتو في شارع الشانزليزيه

كنا ناوين آخر محطة نسكن فيه
بس غيرنا الخطة ورحنا زيورخ بدال باريس

 

[katkota76]

اليوم الرابع

هاليوم كنا مقررين نروح دزني ستيديو

اول شي هالصورڤيو غرفتنا

وطبعا ريوقنا المعتاد لان مافي تنويع بالبوفيه

لوبي الفندق بالنهار

محل دزني اللي موجود بالفندق

ركبنا الباص ورحنا دزني ستيديو

واول ما دخلنا شفنا هالشخصية واقفة والناس طابووور عشان يصورون يمها

هذا ممر كله مطاعم ومحلات

يتبع..........​

 

[katkota76]

ريلي وعيالي الكبار راحو يركبون العاب الكبار ويشوفون عروض الكبار
وانا وبنتي الصغيرة دخلنا عروض الاطفال

لقطات من دزني ستيديو

كان ودي اكمل لكم اليوم الرابع كله مره وحدة بس الصراحة دخت وبنام :ch12:
ان شاالله باجر اكمله :eh_s(17):​

 

[katkota76]

نكمل اليوم الرابع

وقفنا طابور شطووووله لان بنتي الا تبي تصور مع الشخصيات

هني وصل دورها وطايرة من الفرحة

وشافت ميكي وهم حنت حننننننه الا تبي تصور معاه ووقفنا ساعة طابور عشان الاخ ميكي :bbbiu:

اول ما وصل دورها طايرة تركض وفاتحة ايدها تبي تلمه

استانس عليها ميكي وقام يرقص معاها

 

[katkota76]

وبدا العرض اللي بدزني ستيديو وكان حلو بس اللي بدزني بارك وايد أحلى

يتبع .........​

 

[katkota76]

عقب ما خلص العرض رحنا نكمل لعب
هني واقفين طابور حق لعبة كارز

طلعنا من الستديو الساعة سبع لان يسكر ورحنا الفيليج نبي نتمشى بالمحلات ونتعشى

وطبعا عشانا بيتزا

يتبع...........​

 

[katkota76]

دخلنا محل وااايد حلو بالفيليج وبنتي الكبيرة ينت عليه ومن كثر ما اهو عاجبها مو عارف شنو تشتري ودها تاخذ كل شي

هذا اسم المحل

لقطات من داخل المحل

وجذيه خلص اليوم الرابع
وهذا كان آخر يوم في باريس
ومن باجر بنروح ستراسبورغ الجميلة
ياالله اذا شفت تشجيع يبرد القلب راح احط اليوم الخامس
:eh_s(17)::eh_s(17):​

 

[Hyoonaaa]

بلييييز كمليي

 

[شواآاقه]

ماشاءالله الصور تونس عيشتيني جو ديزني عدل والمحل الاخير اينن

ويتنق فور يووو

 

[katkota76]

بلييييز كمليي

ان شاالله حبيبتي بكمل بس ابي اشوف تشجيع يبرد قلبي
مشكورة على مرورج :eh_s(17):

 

[katkota76]

ماشاءالله الصور تونس عيشتيني جو ديزني عدل والمحل الاخير اينن

ويتنق فور يووو

حبيبتي تسلمين عالكلام الحلو :eh_s(17):
وبكمل باقرب وقت ان شاالله بس بشوف تشجيع من اللي يطلون ويطلعون :bbbiu:

 

[StEllA]

روعه روعه كمليي ناطرينج
و مالوم بنتج على المحل آنا اطالع الصور و اقول باخذ هذا و باخذ هذا

 

[katkota76]

روعه روعه كمليي ناطرينج
و مالوم بنتج على المحل آنا اطالع الصور و اقول باخذ هذا و باخذ هذا

مشكورة حبيبتي على مرورج :eh_s(17):
انشالله بكمل عشانكم اللي قاعدين تشجعوني
بس بنطر لما اشوف ردود تبرد القلب بعدين اكمل

 

[remoo_007]

عليج بالف عافيه حبيبتي

انا توني راده منها اطالع صوري وصورج العكس تمااامااا احنا عواصف ثلجية وبررررررد حيييييل ولا هامنا مكملين نلعب هههههه بس الصراحه بل الصيف احلا من الشتا لان نص العروض ماتتقدم في الشتا بسبة العواصف انا هم رايحتلها اول بل الصيف وايد امتع وخاصه لليهال


قواج الله ويله ناطرينج وخاصة سويسرا

 

[katkota76]

عليج بالف عافيه حبيبتي

انا توني راده منها اطالع صوري وصورج العكس تمااامااا احنا عواصف ثلجية وبررررررد حيييييل ولا هامنا مكملين نلعب هههههه بس الصراحه بل الصيف احلا من الشتا لان نص العروض ماتتقدم في الشتا بسبة العواصف انا هم رايحتلها اول بل الصيف وايد امتع وخاصه لليهال


قواج الله ويله ناطرينج وخاصة سويسرا

الحمدلله على سلامتج حبيبتي
اعتقد ان خير الامور الوسط
لا حلوة برد وايد ولا حر وايد
انا اختي راحت لها شهر 9 تقول الجو اينن

بصراحة خلاص قررت اني ما اكمل التقرير ولا راح احط تقارير مرة ثانية لان كلللللش البنات ما يشجعون
وانشاالله ناوية احط التقرير بمنتدى العرب المسافرون
عالاقل الواحد يتعب ويلقى ناس تقدر وتشجع

وعذروني كل البنات اللي شجعوني ومشكووووورييييين :eh_s(17)::eh_s(17):