تحليل المنزلي سااالب وخاااايفه

[ام برروك]

السلام عليكم شلونكم بناات باقي عالدوره اربع ايام انا سويت كل انواع التحاليل المنزليه الدقيقه والعادي واكثر من نوع وكلهم ساااالب وقلت خلني اسوي تحليل دم وسويت وطلع موجب بس ماادري هل تتوقعون صحيح ولا مو اكيد لمن يطوف موعد الدوره بعدين دايم اقرا في شي اسمه حمل كميائي شنو هذا وش الفرق بينه وبين الحمل العادي بنااات تكفووون والله ضاااايق صدري من كثر التفكير مابي اتفشل عند اهلي واهل زوجي بعد مابشرتهم اخاف يجي موعد الدوره وتنزل * منو صارلها جذي ابي رايكم طمنوووني الله يطمنكم

 

[ام ساره 4]

أكيد تحليل الدم أضمن وصح ومستحيل يغلط أنا ببنتي الصغيره حللت بالبيت مرتين وكله يطلع سالب وكانت الدوره متأخره شهر كامل ورحت للدكتوره وسوتلي سونار داخلي وطلعت حامل بخمس أسابيع

 

[نوفلتي]

بس انتي ليش مستعيله جان نطرتي يطوف موعدها وبعدين حللتي عشان اضمن لج ودام طلع لج تحليل الدم ايجابي ان شاءالله تكونين حامل

 

[Meeesh]

اكيد تحليل الدم هو ادق واحسن من التحليل المنزلي

يعني طلعلك موجب اكيد حامل

ألف مبروك والله يتمملك يارب

 

[ام برروك]

الله يبارك فيكم ان شالله اطلع حامل صج والله مافيني صبر ماقدرت انطر

 

[بنت الارسنال]

حبيبتي انتي ليش وايد حللتي كنتي حاسة انج حامل كان اكو اعراض ولا شنو؟؟

 

[ام برروك]

لا حبيبتي مافي اعراض انا كل شهر احلل منزلي وماكون حامل الا هالشهر سبحان الله كنت رايحه مع اختي موعد لها وقلت خلني اجرب مو خسرانه شي*

 

[ام الحلوااات]

نــــطــــــــري الــــدورة تــتــــأخــــــــــر عــــلـــيـــج يـــومــــيــــن او ثـــــلآثـــه وبـــعـــديـــــن حــــلــلـــي

 

[بدوية بملامح كشميرية 86]

الدم ادق. حااامل مبروووووووووك

 

[@ام يوسف@]

ان شاء الله حامل

 

[زين ودلال]

ان شاء الله حامل

عيدي التحليل مره ثانيه

 

[احمريكه]

انا بتحليل المنزلي ما يبين معاي اذا متاخره جم يوم بالدم يبين على طول ،،،
بالدم ناادر ما يكون غلط لانه دقيق وعالبــركه مقدما
وان شاء الله الله يفرح قلبج بالحمل السليم