تحليل الهرمونات

[CANDLES]

صباح الخير
انا شاكه عندي لخطبه بالهرمونات لان اعراضه واضحه عندي .. وابي اروح المستوصف واتاكد اكثر وهم اتعالج منه
بس الي احاتيه اخاف يكون في كشف ولازم .. وانا مابي جذي بصراحه استحي :wqedqw:
يعني عادي اذا امتنعت عن الكشف بس قتلها عن الاعراض :080402ask_prv:
او في شي يعدل الهرمونات بدون حبوب ومستشفيات :080402ask_prv:
وجم اتظل فترة علاج الهرمونات وهل كل اشوي لازم اراجعهم :080402ask_prv:
لاني انا صارلي فتره اشرب مرميه يقولون زينه للهرمونات فمادري .. انا اهم شي مااااابي سالفة الفحص على الجسم نظري :bbbiu:

 

[دلـــع_الكويــت]

مادري حبيبتي ..بس اتوقع لازم تحت اشراف دكتور احسن لان اي خلل بهرمون واحد راح ياثر على وايد اشياء..

وفي وحدة من البنات بعد يزاها الله خير كاتبة موضوع عن شاي البردقوش ...اتوقع اسمه جذي..ان هالشاي ينظم الهرمونات اذا داومتي عليه لمدة شهرين..سوري مو ذاكرة اسم العضوة ...خل تسامحني...
وترا حتى الميرامية ..زينة حق الهرمونات..بس ماحبها..

وانا ناوية ان شاء الله اشتري البردقوش ...واطيحله..

عشان جذي انا اقولج شيلي قشج وروحي العيادة وسويلج هالتحليل ...وشوفيلج دكتور زوييييين..وبطريجج مريلج الجمعية اخذيلج هالجويهة..


وسلامتج الف سلالالالالامة ياعمري..

 

[CANDLES]

الله يسلمج حبيبتي
بسسسسس ماااحب فصح جذي شكلي بظل عالمرميه احسن

 

[ام الفهد712]

حبيبتي لا تحااتين ماافي فحص للجسم انتي تشرحين حاالتج بالضبط وطبعا اول شي رااح يطلبوون منج تحااااليل شي ضروري ورااح يبين بالتحليل اذا فيج خلل بالهرموونات ولا لا ورااح يعطيج العلااج بس هااا خليج عند دكتوور او دكتووره وحده مو من واحد لي واحد رااح تتأذين انا نفسج وسويت جذيه والحين الحمدالله كل شي اوكي انا كاان علاجي حبوب منع الحمل تنضم الدوره

ومااتشووفين شر يااقلبي

 

[CANDLES]

الشر ماييج حبوبه.. بس انا من فتره الاعراض فيني وسويت تحليل دم وقتها كنت بشوف فيني انيميا ولالا بس بالتحليل اعتقد كل شي يبين الدكتوره شافت التحليل قامت الحمدلله مافيج شي والتحليل اوكي
فمادري

 

[ام الفهد712]

لا حبيبتي تحليل الهرموونات غير انا طلبوو مني كذاا تحليل علشاان يشووفوون

وتحليل الهرمون تقريبا يطول اسبوعين انتي سوي ومنتي خسرااانه شي يااقلبي وان شاءالله ماافيج الا العاافيه يااارب

 

[إنسانه بكل حالاتي]

لا حبيبتي مايكشفون على الجسم ولا شي بس تسوين تحليل دم للهرمونات وبس أنا فيني خربطة بالهرمونات وتكيس المبايض إدعيلي وماتشوفين شر

 

[CANDLES]

الشر ماييج حبوبه .. وماتشوفين شر وان شاءالله اتردين مثل اول واحسن

 

[NaturaL.GurL]

حـبـيـبـتـي تحـليـل الـهـرمـونـات مـا يـبيـن بتحـليـل الـدم الـعـادي
>> إلا إذا انتي طلـبتـي و قـلتيلهم تبيـن تحـلـيـل هـرمونـات
نـفس مشـكلتي ودي أعـالج هـرمونـاتي بس ماني مشتهـيـه أروح المـستوصـف
و طايحـتلـه شـاي مـردقـوش أتمـنى يـطـلع صج يسـوي توازن هـرموني
لأنـي مـا أدري إذا صـج يعـالـج الهرمونـات إذا شربتيـه لمـدة شهـرين أو لأ لأن صـارلي شـهر الحـين
عـقـب ما أخـلص الشهـر الـثاني بروح بإذن الـلـه أسـوي تحـليـل عشـان أشوف صج يعالج والا مو صج ؟
لأني وايـد قريـت عن علاقتـه بالهرمونـات والله يشفيـج يارب وانـشـالله مـافي الا العافيـه حـبـيـبـتي

 

[شندوخه]

بنات الهرمونات تختل حتى لو كانت الدوره منتظمه ؟

 

[NaturaL.GurL]

شـنـدوخـة عـدم انـتـظـام الـدورة أكـيـد لهـا عـلاقـة بالـهـرمـونـات المـسـئـولة عن انتـظام الدورة بـس مو شـرط خـلل مـرات يـصـير تغييـر بالهرمونـات تأثر عليـهـا نفسـيتج كنتي مـتـوتـرة أو منفعـلـه أو لعـبتـي ريـاضـه فجـأة اهنيـه يصـير تغييـر مؤقت وإذا نفـسـيـتج مستقـره ودورتج على طول غيـر منتـظمة يمـكن يكـون ارتفـاع في هـرمون الـذكورة أوهرمونـات ثانيـه لازم تسـوين تحـليـل عشـان تعرفيـن شنو الخـلل ، وإذا بـتسـوين تحـليـل إخذيني ويـاج ​

 

[سارونه87]

انا توني سويت تحليل هرمونات
يسوولج التحليل وبعد النتيجه يسوي فحص الدكتور

 

[AL-N7EESAA]

الهرمونات تسوين تحاليل ويشرف عليها دكتور واذا بتبلشين علاج تروحين حق دكتور مختص بنات حتى انا استحي صراحه بس لازم تعالجين عند دكتور مختص يعرف شنو فيج وشنو اللي ينظملج لان الهرمونات بالجسم وايد واختلال هرمون عن هرمون يختلف فلازم دكتور مو جاي وخلاص ، واللي ما تعالج وتتلاحق على عمرها راح تتأذى بالزواج والحمال ولويه الله لا يقول ويشافينا ويشافيكم يا رب ، وعقب العلاج وايد وايد ارتحت الحمدالله الفال لكم

 

[خاطر مذبوح]

بنـات شلون يسوون تحليل هرمونـات يعني يسحبـون دم نفس الدم العادي ؟ والا يسوون فحوصات ثانيه ؟

 

[سيزرتفاح]

حبيبتي تحليل الهرمونات يكون بسحب دم عادي وهم في المختبر يشوفون اذا في شئ نقص بالهرمونات ويكتبون نسبته
أنا دائما أسويه ليش حبيبتي فيك شئ حاسه بشئ عادي أسأليني أنا عندي خبرة فيها

 

[قدساويه!!]

تحليل الهرمونات نفس سحب الدم العادي
بس ما اتوقع الدكتور يطلب فحص!

 

[خاطر مذبوح]

اي انا اللي أعرفـه ان نفس التحليل العادي بس شفت ردودكم خرعتوني عبالي بيفحصون و شسمه
آنا انشاءالله ماخذه ورقة من الدكتورة على اساس اسوي التحليل ثالث يوم من الدورة اليايه
لأن آخر الايام دورتي ما كانت منتظمه وبس ..

 

[dla3_princess]

يسووونه بالمسوتووصف ولا لازم خااص ؟؟

امبي حددددددي ابي اسووي تحليل هرموونات

 

[مهناز]

انا بعد بسوي

بنات يصير نسوي بـأي وقت ولا لازم بأيام الدوره

وانزين اللي ما اتييييها الدوره شتسوي يعني ؟؟؟

 

[خاطر مذبوح]

^
^
حسب مشكلتج يعني انا قلت لها دورتي مو منتظمة وعطتني ورقة عشان ثالث يوم دورة أيي أسوي تحليل هرمونات

بس رفيـجة اختي مادري شنو فيها قالتلها خامس يوم

يعني هذا اللي فهمته

واذا ما اتييلج الدورة تدخلين على الدكتورة و اهيا تقولج متى لازم تسوين التحليل

و انا رحت مستوصف مو خاص