تحميله الطلق الصناعي

[عسولة 2]

مرحبا بنات. انا خلصت التاسع والدكتور يقول موزين تطولين فقالي ايي بكره الصبخ دخول ولاده وانا خايفه ومتردده اهوا يقول راح يحطولي تحميله تفتح الرحم. الشغله مو داشه مخي ومو مقتنعه تكفون اللي جربتها تقولي شصار معاها اخاف مايفتح الرحم ويسوولي عمليه قيصريه. تكفون فيدوني

 

[بنت جنيف]

انا جربتها لان كان ينزل علي ماي البيبي بثاني اسبوع من التاسع وماكان فيني طلق حطولي ٣ تحاميل ماكو طلوق ولاحسيت بشي التحميله الرابعه اشتغل الطلق معاي

 

[بيت التوت]

انا حطوها لي وكنت خايفه عبالي من ايحطونها يشتغل الطلق معاي
واللي صار ماحسيت بشي ولافتحت لي الرحم
وكان معاي 3 حريم حطولهم التحميله وولدو بنفس اليوم
يعني يختلف من وحده لوحده
الله يهون عليج

 

[ام الحلوااات]

ااااااااااااب

 

[Q 8 Y A t]

اسئلي امج احسن
والقيصرية ما منها مضر

احنا نخاف
وغيرنا سبع حملات كلها قيصرية وما خلت ديرة الا وراحت لها

 

[عسولة 2]

اختي بيت التوت لما مافتح الرحم شسويتيولدتي ولاطلعوج

 

[عسولة 2]

اختي بيت التوت لما مافتح الرحم شصار ولدتي ولا طلعتي البيت

 

[روح الأحزان]

حبيبتي آنه حطولي تحميلتين وسوولي توسعه والحمد لله ولدت اهو صج تعب بس ان شاء الله يفتح الرحم معاج بسرعه وماتتأذين

 

[auoma]

انا حطولي تحميله الطلق الصناعي وفتح الرحم بس للأسف انفصلت الميشيمه وصار نزيف وسولي قيصريه

 

[أبكاني ذنبي]

اختي حطوا لها تحميله طلق صناعي 3 وبعدين فتح الرحم وولدت

 

[أنهار الكويت]

انا عيالي ثلاااثتهم ماولدتهم الا عن طريق التحميله كلهم طلق صناعي ما اييلي طلق ولا ينفتح عند الرحم حتى نص ماينفتح الرحم معاااي كلش حتى بثالث ياهل وحيل انصدموا مني الدكاتره يقولون هذا ثالث بيبي عالاقل لازم يكون الرحم مفتوح سانتيين من نفسج بس ابد لا حيااة لمن تنااادي
الا عقب التحاميل يالله ينفتح الرحم واييلي طلق واولد وطبعا مو من اول تحميله من الثالثه وغير الطلق اللي بالوريد هذا يحطونه اخر شي اذا يأسوااا

وحبيبتي اذا عطوج اول تحميله خلاص مايطلعونج اتمين عندهم كل خمس ساعات تقريبا يحطون تحميييله ويجيكون عليج ليما تولدين انشالله
ولا تحاااتين العواار الله يخلي الكمااام

 

[ام فطوووم]

عادي حبيبتي انه خذيت طلق صناعي ومع التوسعه ولدت
بس انه لان البيبي ماكان داش الحوض عشان جذي سوولي توسعه وشوي طولت

 

[om_3azoz]

حبيبتي انا خلصت التاسع وماولدت
ودشيت الولاده بريولي معنه الدكتوره قالت نطري لان انتي 3 ايام من خلصتي التاسع بس انا مارضيت لان تعبت

بس الرحم كان مفتوح عندي 3 بس حطولي طلق صناعي 3 جياس درب والحمدالله سهالات

 

[ام عبدالرحمن،]

اب اب

 

[غرومه غنوجه]

الله يسهل عليج وييسر لج امرج وتولدين بالف سلامه

 

[سوزي الشرقية]

الله يسهل عليننا وعليج

 

[worood82]

الله يسهل عليچ يارب وسهل على كل حامل اختي عادي ايحطولچ التحميلات وانشاءالله تولدين بالسلامه انه اخذت فوق شهري اسبوع وحطولي تحميلتين يالله ولدت

 

[مسك وطيب]

الله يسهل عليج يارب

 

[ام فوااز]

الله يهون عليج يارب

 

[انسام الكويت]

بنات سؤال تحميلة الطلق الصناعي شلون يحطونها يعني اهي تحميله ويحطونها من تحت ولا يحطونها بدرب

صراحه هالشي شاغل بالي وشلون تعرفون انه حطوا لكم طلق صناعي ادري اسألتي بايخه بس بعرف. الطلق الصناعي وين

ينحط بالضبط ؟؟

وبالنسبه لصاحبة الموضوع دام الدكتور قال دخلي ويسون لج دخول اهو ادرى بهالشي لانه اذا خلصتي التاسع وقعدتي بتنطرين يفتح

يمكن تصير شغلات الله لايقوله تضرج احتمال اتشيخ المشيمه ومراح تغذي البيبي فأنتي توكلي على ربج وان شاءالله سهالات *