تخرين الكراتين وجناط السفر

[سكرة هانم]

السلام عليكم

شلونكم بنات شخباركم

الحمدلله الله رزقني ببجري من 7 اشهر والهدايا من كل مكان ,توهقت فيهم 3 كراسي اكل و3 عرابانات و غير الكراسي الهزازه وكل اكرتون اكبر من الثاني حاولت ارتبهم بكل الطرق مالقيت حل :eh_s(10):

والجهه الثانيه من الغرفه جناط السفر فوق بعض شكلهم بايخ

الغرفه صايره دثرررررره ومتروسه اغراض حته صعب التنظيف واخاف تتيمع حشرات مع الغبار

عندكم حل ؟؟؟

 

[جذابه بنت ذيابه]

وعليكم السلام حبوبه ..


عسى ربي يخليه لج


الكراتين قطيهم .. و الاغراض اللي فيهم حطي عربه ببيت اهلج وعربه ببيت زوجج وعربه بسيارة زوجج او بالغرفه


وجناط السفر حطيهم تحت السرير او حطي فيهم ملابس الشتا وحطيهم فوق الكبت ..
واذا عندج مكان فاضي بالكبت حطيهم فيه



: )

 

[سكرة هانم]

مشكووورة

 

[كوكتيل عسل]

الاغراض المتكررة طلعيها ووزعيها هدايا او للجمعيات الخيرية
والجناط يا تحت السرير مع اني ماحب هالفكرة او تخلينهم بزاوية من غرفة التخزين وبين وقت والثاني حركيهم ومسحي عنهم الغبار ورديهم لمكانهم