تخصص تاريخ

[3NOODAA]

السلام عليكم طالبات :wqedqw:


انا طالبة بجامعة الكويت تخصص تاريخ و الحمدالله كورس تخرج :eh_s(9):
فأي شي بخصوص التخصص و الدكاترة سواء مواد التخصص او العامه او عن المعدل انا حاضرة:eh_s(6):
وان شاء الله اقدر افيدكم من خبرتي بجامعة الكويت :hjy5jewf:

وياليت اللي يسأل يكون بالعام عشان الكل يستفيد

احبكم في الله

 

[دلوعه كندا]

يعطيج العافيه
انا بالعلوم الاجتماعيه
اب اب

 

[ZaiN Kw]

يعطيج العافية حبيبتي

انا بدش بثاني سنه بلجامعة وان شاءالله ناوية اتخصص تاريخ
اخذت هالمواد(تاريخ الكويت-تاريخ حضارة-مهارات اتصال-حقوق انسان-مدخل اعلام-ثقافة اسلامية-شرق ادني-تاريخ يوناني)ومعدلي نقطتين .....شنو تنصحيني اخذ مواد سهله حق الكورس الياي عشان لاينزل معدلي
وشنو المواد الي اخليها اخر سنتين لي من التخرج؟

 

[ZaiN Kw]

وبخصوص المواد العامة الموجودة بالمجيرشيت ( العلمية ) مثل الارض والكون وعلم الاحياء و كيمياءوالمختبرات وفيزيا وهالقابيل من المواد

شنو اسهل مادة علمية فيهم ؟ ومنو احسن دكتور ؟

 

[همسات شقاوي]

انا ان شاء الله بتخصص تاريخ بس انتي آداب والا تــربية ؟؟

 

[أنسام الكويت]

السلام عليكم

اختي شلونج؟

مشكورة ع المساعدة مقدما

انا علوم اجتماعية وعندي مادة الزامية تاريخ الكويت الكلللل

مخوفني منها

ويقولون الدكاترة كلش مو زينين

فمنو تنصحيني تخذ عنده

 

[3NOODAA]

يعطيج العافية حبيبتي

انا بدش بثاني سنه بلجامعة وان شاءالله ناوية اتخصص تاريخ
اخذت هالمواد(تاريخ الكويت-تاريخ حضارة-مهارات اتصال-حقوق انسان-مدخل اعلام-ثقافة اسلامية-شرق ادني-تاريخ يوناني)ومعدلي نقطتين .....شنو تنصحيني اخذ مواد سهله حق الكورس الياي عشان لاينزل معدلي
وشنو المواد الي اخليها اخر سنتين لي من التخرج؟

هلا حبيبتي
الله يوفقج ان شاء الله
مواد التاريخ سهله مو صعبه بس اخذي عند دكاترة زينين لانه في دكاترة مهما تبذلين جهد ما تاخذيم حقج
الحين خلاص تقدرين تتخصصين عادي بس لازم ترفعين المعدل اخذي مساند سهل مثل الشريعه عشان المعدل يرتفع اكثر لانه الشريعه مواد a بسهاله

شوفي اخذي مادة ثقافة وادب في الكويت هذي ما تضيع عليج سهله مووووت اخذيها عند الدكتوره اسماء السرحان تبسط المادة انا اخذت فيها امتياز
بعد مادة صدر اسلام عند احمد الحسن واايد طيب الدكتور هذا
واخذي تمهيدي انجلش و مادة من مواد المساند انا مادري شنو مساندج بس افضل شريعه
اخذي مادة عرب حديث عند احمد بسيوني

 

[3NOODAA]

يعطيج العافيه
انا بالعلوم الاجتماعيه
اب اب

يعافيج يا قلبي
يسلموووووو :eh_s(7):

 

[3NOODAA]

وبخصوص المواد العامة الموجودة بالمجيرشيت ( العلمية ) مثل الارض والكون وعلم الاحياء و كيمياءوالمختبرات وفيزيا وهالقابيل من المواد

شنو اسهل مادة علمية فيهم ؟ ومنو احسن دكتور ؟

مواد العلمية انا مو ذاك الشطارة فيهم لووووووول
بس اخذت مادة كيمياء عند دكتور مو شي نسيت اسمه :bbbiu: انتي قوليلي منو منزل وانا اقولج
واخذت علم الاحياء عند دكتور اسمه جاسم عبدالسلام حده زين ويرفع قريد كامل لكل الشعبه و سهله المادة هذي

 

[3NOODAA]

انا ان شاء الله بتخصص تاريخ بس انتي آداب والا تــربية ؟؟

ان شاء الله يارب
انا تاريخ اداب
بس احنا نفرق عن التربيه ان ماعندنا مواد تدريس مثل اصول و غيرها من المواد كل موادنا تاريخيه متعمقه اكثر بالتاريخ و عدد مواد التاريخ اللي بالاداب اكثر منها بالتربيه

 

[3NOODAA]

السلام عليكم

اختي شلونج؟

مشكورة ع المساعدة مقدما

انا علوم اجتماعية وعندي مادة الزامية تاريخ الكويت الكلللل

مخوفني منها

ويقولون الدكاترة كلش مو زينين

فمنو تنصحيني تخذ عنده

هلا قلبي تمام
تاريخ الكويت مادة صعبه بس اخذيها عند دكاتترة مثل :
_ فهاد العنزي يساعد يرفعج اذا حفظ اسمج وكنتي تشاركين عنده قريدين ثلاث عادي عنده
_ الزنكي اذا منزلها انا سمعت انه منزلها وهذا زين يحط الامتحانات بالتصوير يعني امتياز مقدما
_ بنيان هذا بعد زين بس يعطي حقج مايزيد

و لا تاخذين عند خالد الوسمي لانه مقدما دي انتي مهما درستي :eh_s(2):

واذا في احد منزلها غيرهم قوليلي وانا اقولج

موفقه

 

[بـآربيـآ]

شوفي حبيبتي اناا بالتربيه واعشششق شي اسمه تاريخ لدرجة لاضاق خلقي ادش اقرا بالنت بس هااا التااااريخ الاسلااامي خصووووصاااا هذا غرامي وكلمت ابلتي اول بالمدرسه وقالتلي اذا تحبينه نصيحه لادشينه لانج بتكرهينه ودسسسسم حده فا خلج على الهوايه احسن واقري عنه بدون لاتدشينه عشان لاتتعبين وتغلطين مثلي ؟ شرايج بكلامهاا


اناا مستجده

 

[احيرهم]

حبيبتي شرايح بخالد النوري مادة تاريخ شرق ادني يرفع ولالا ويعطي وشلون نظامة

 

[blue ocean]

قواج الله حبيبتي وماقصرتي .. :eh_s(7):​

والله عز الطلب .. عندي اسأله متعدده عن هالتخصص بس​

ودي تعطينا نبذه عامه عنه ماعليج امر وشنو مواده وشنو انطباعج عنه .. يعني بشكل عام اذا تقدرين بلييز​

ونكون شااااااااااااكرين لج :yaaaaaarb:​

 

[FoFa stylish]

شوفي حبيبتي اناا بالتربيه واعشششق شي اسمه تاريخ لدرجة لاضاق خلقي ادش اقرا بالنت بس هااا التااااريخ الاسلااامي خصووووصاااا هذا غرامي وكلمت ابلتي اول بالمدرسه وقالتلي اذا تحبينه نصيحه لادشينه لانج بتكرهينه ودسسسسم حده فا خلج على الهوايه احسن واقري عنه بدون لاتدشينه عشان لاتتعبين وتغلطين مثلي ؟ شرايج بكلامهاا


اناا مستجده

انا نفسج و غير اهلي الكل يقول صعب و ترددت و تدرين انا شنو الحين
سنه 3 تربيه تخصص تاريخ
التاريخ حلووو بس الدكاتره لازم تختارينهم عدل و دامج تحبين التخصص بتحبين حتى اعفن الدكاتره
و انا تربيه تاريخ سنه 3 اي سؤال انا حاضرة​

 

[3NOODAA]

باربيا*

كلام المدرسة بعضه صح دسم بس ما بخليج تكرهونه أبدا بالعكس معلومات اكثر و تستفيدون اكثر و بعدين انتي تربيه يعني موادكم بس الزاميه مؤ مثل الآداب في مواد مجاميع نأخذها بدل المواد التدريس اللي عندكم بالمانشيت مال تخصص التاريخ التربيه يعني ان شاء الله ما تكرهونه*


احيرهم*

خالد النوري مؤ زين حده و ما يعطي و صعب امتحاناته بس اذا مضطره أخذي عنده أنا بس أخذت مادة منهج بحث تاريخي لانه اهو اللي ينزلها بس اما شرق أدنى وايد سهله و حرام تأخذيها عنده ينزلها سليمان البدر وايد زين يشرح و يفهم و امتحاناته زوينه يعني اذا دراستي تأخذ ين عنده أنا أخذتها عند سليمان البدر و أخذت عنده a*

 

[3NOODAA]

قواج الله حبيبتي وماقصرتي .. :eh_s(7):​

والله عز الطلب .. عندي اسأله متعدده عن هالتخصص بس​

ودي تعطينا نبذه عامه عنه ماعليج امر وشنو مواده وشنو انطباعج عنه .. يعني بشكل عام اذا تقدرين بلييز​

ونكون شااااااااااااكرين لج :yaaaaaarb:​

العفو حبيبتي
سوري مادري شنو تقصدين بنبذه بس اقدر اقولج تخصص تاريخ الاداب عشان تتخصصين لازم اول شي مايكون عندج انذار معدل و عادي يقبلون اي معدل و لازم تجتازين مادتين من اصل خمس بتقدير ما يقل عن سي
واذا تبين المواد الخمس اهم :
- شرق ادنى
- التاريخ اليوناني
- تاريخ الكويت
- تاريخ صدر الاسلام

اما عن مواد التخصص فاهم :
مواد الزاميه :
- شرق ادنى
- عرب حديث
- صدر اسلام
- امويه
- عباسية
- منهج بحث تاريخي
- التاريخ اليوناني
- مشروع بحث تخرج
- اوربا في العصور الوسطى
- اوربا حديث
- تاريخ الخليج الحديث و المعاصر

و في مواد اختياريه تختارين ماده من كل مجموعه :
الاولى :
- تاريخ العراق قديم - تاريخ مصر القديم - تاريخ الجزيره العربيه القديمه - تاريخ بلاد الشام القديم - الجمهوريه الرومانية
الثانية :
- تاريخ العرب قبل الاسلام - تاريخ المغرب الاسلامي -تاريخ الخليج و الجزيرة في العصر الاسلامي - الدولة الفاطمية
الثالثة :
- موضوع خاص في التاريخ الاسلامي - تاريخ الاندلس - الدول المستقله في العصر العباسي - التاريخ الاقتصادس و الاجتماعي في العالم الاسلامي
الرابعه :
- تاريخ الدولة البيزنطية - تاريخ الحروب الصليبيه - علاقات الشرق و الغرب في العصور الوسطى - العصر السلجوقي
الخامسة :
تاريخ الجزيره العربيه في العصر الحديث - العلاقات العربيه الافريقيه في العصر لحديث - العلاقات العربيه الايرانية في العصر الحديث - تاريخ العرب المعاصر
السادسة :
- تاريخ الخليج العربي القديم - تاريخ ايران القديم - تاريخ اسيا الصغرى القديم - العصر الهيلينستي - الامبراطورية الرومانية - موضوع خاص في التاريخ القديم
السابعه :
- الايوبيون و المماليك - تاريخ المغول - حضارة اوربا في العصوؤ الوسطى - موضوع خاص في العصور الوسطى
الثامنه :
- الدوله العثمانية - قضايا عربيه حديثه و معاصرة - تاريخ اوربا المعاصر - موضوع خاص في التاريخ الحديث و المعاصر
التاسعه :
- تاريخ افريقيا الحديث - تاريخ الهند و شرق اسيا الحديث - تاريخ ايران الحديث - تاريخ الامريكي الحديث


و غير المواد العامه و المساند طبعا

اما عن انطباعي فأنا حبيت التاريخ برغم الصعوبه اللي فيه و مواده الدسمه و التعب بس اهو تخصص حلوو بس نصيحه اذا انتي شاطره و تدرسين تخصصي فيه لانه مو بسهاله تاخذين a يعني انا اتعب و ادرس و اسوي بحوث و شغل عشان اخذ a و غير الدكاترة التاريخ اللي بعضهم يتعبج بس يعطيج حقج و في بعضهم يزيد شوي

 

[3NOODAA]

سوري حبايبي اني اتأخر على ما ارد على الاسئلة بس تعرفون :ssssso: رمضان و العيد قرب يعني لوووويه

 

[بـآربيـآ]

انا نفسج و غير اهلي الكل يقول صعب و ترددت و تدرين انا شنو الحين
سنه 3 تربيه تخصص تاريخ
التاريخ حلووو بس الدكاتره لازم تختارينهم عدل و دامج تحبين التخصص بتحبين حتى اعفن الدكاتره
و انا تربيه تاريخ سنه 3 اي سؤال انا حاضرة​

شلوون دراسته بس يعدين ثانوي يعني ام الكرااف :eh_s(11):

 

[FoFa stylish]

شلوون دراسته بس يعدين ثانوي يعني ام الكرااف :eh_s(11):

ماله شغل الكراف بالمرحله
احنا بس نتعامل مع بنات كبار و الشغل بس يتطلب الشرح و الدرجات و كنترول اخر سنه و التعب بكنترول 12 بس فقط لا غير و ما يحطونج بكنترول 12 بالوزارة الا اذا لج خبره اقل شي 5 سنوات

و معلومه اللي يخوفونج من الكنترول
حتى الابتدائي في كنترول حتى الخامس و الرابع بس الابتدائي لازم هدايا و تساحلينهم و جدام الموجه تتكلمين باللغه العربيه الفصحه لااااااااااااااااازم
و ما تكونين جامده لانهم يهال

انا هذا انحشت منه خاصه اختي علوم ابتدائي و كرهت المرحله منها تتعب حيييييل منهم

اما الدراسه عادي نتشارك مع بنات الاداب الا في مواد معينه تكون مخصصه للتربيه يمكن عددهم مادتين و بعدين على حسب الدكتور انا توني مخلصه مقرر دولة امويه الشعبه 25 بنت اللي بالتربيه كنا 4 بنات و الباجي اداب عادي