تخفيف ساعات العمل لذوي الطفل المعاق..

[miss-chocolate]

السلام عليكم خواتي

ياليت تساعدوني بمشكلتي

انا عندي طفله معاقه نسبه اعاقتها 50 بالمئه

الحمدالله

عطوها شهاده اثبات اعاقه وطلبت من دوامي تخفيف ساعات العمل

وكل شي مشى تمام لما طبقوا نضام البصمه عندنا

لازم يكون كل شي عند الديوان (ديوان الخدمه المدنيه)

رحت الديوان عطيتهم طلب تخفيف ساعات العمل من المجلس الاعلى للمعاقين

اول شي قالوا نبي تاريخ حديث مو قديم

جددنا التاريخ بعدين قالوا لا نبي الطلب يذكر 1- رقم القانون 8\2010
2- تحديد ساعات التخفيف
3- تحديد اول او آخر الدوام

رحنا المجلس وقالوا احنا هذا الطلب اللي يطلع عندنا ما عندنا غيره وللحين صارلي فوق

الشهر اراكض من الديوان لي المجلس لي دوامي وما طلعت بشي

منو فيكم دوامها نظام بصمه ووافقوا على تخفيف ساعات العمل لها ؟؟؟

وشكرا

 

[ام باسلل]

هلا حبيبتي انا ولدي اعاقته 100% وطلبت تخفيف بس للحين والدوام يبون اوراق يديده من المجلس بس سمعت البنات كاتبين ان للحين ما صار شي عندهم ما ادري شسوي والله احترنا وننطر والله كريم

 

[لولو-الصغيره]

هلا خواتي
ليلحيين بعد ما صار شي بعد صبرو يبيييلكم وقت ليلحين ما عينو مدير يوقع الكتب 0000حق تخفيف ساعات العمل وغيره من الكتب الله يعينا وننطر اشورانا :0bee2e8d89::0bee2e8d89:​

 

[miss-chocolate]

الحمدالله على كل حال

والله يفرجها انشالله

 

[مظلومة حيل]

الشيخ صباح الاحمد الله يحفظة

كاتب قرارات شكثرررررررررررررررررررررررررر هالسنة شهر فبراير من ضمنها تخفيض ساعات العمل و طلب تطبيق القانون بعد نشرة ب 3 شهور واحنا الحين صار لنا 5 شهور القانون يتطبق واشياء وااااااااااايد وخدمات راجعو انتم

 

[بناتى هم حياتى]

تخفيف ساعات العمل خصم من راتب وله من غير خصم

 

[لولو-الصغيره]

تخفيف ساعات العمل خصم من راتب وله من غير خصم

هلا فييج يالغاليه مع القانون اليديد ما في خصم ان شاء الله والقانون طبق خلاص ​

 

[ام تروك]

مرحبا يالغاليات أنا طبقوا نظام تخفيف ساعات العمل لذوي المعاقين وانا من بداية شهر 6 بلشنا ساعة نهاية الدوام وساعة نهاية الدوام , ومافي خصم من الراتب بس اطلبوا مني صورة لشهادة اثبات الاعاقة_وصورة من شهادة الميلاد.

 

[ام تروك]

حبيبتي( بناتي هم حياتي ) انا اشتغل بوزارة المواصلات المبنى الرئيسي . من تقريبا شهر وكيل الوزارة صرح بالجريدة ان من بداية شهر 6 يطبق القانون لذوي المعاقين ورحت قسم المتابعة بالدوام وقالولي وطلبوا مني شهادة اثبات الاعاقة وشهادة الميلاد وبس .

 

[ام ناييف]

السلام عليكم
انا اتصلت بالاجازات والدوام بالوزارة يقولون ما وصلنا شي
الي عندها التعميم الصادر من الديوان والخاص بتفعيل القرار مع الضوابط والشروط
تدز لي نسخه بالايميل او تقول لي من وين احصل على نسخه

وشكرا