تدبيس ولا تحويل؟

[eng.asawii]

السلام عليكم
بنات انا مشكلتي مشكله مع السمنه واحنا نعرف انها ام الامراض
وانا الصراحه دخلت بحاله اكتئاب من شكلي ووزني اللي طق العلالي
بتاريخ 21-1-2008 سويت تحزيم معده وطبعا مانفعت معاي و الحين انا معزمه ان شاالله اسوي تدبيس معده
بس خايفه انها ما تنجح مثل التحزيم فقمت افكر بتحويل مسار...
بنات انا بسال منو نفس حالتي انها اول شي سويت تحزيم بعدين سوت تدبيس؟ و شنو تنصحنوني فيه اتوكل على الله واسوي تدبيس و لا اسوي تحويل مسار؟
مع العلم ان وزني 110 و طولي 156
الله يفتح عليكم ​

 

[بنفســـــج]

هلا اختي
انتي لو مدمنة حلو وعصاير ومشروبات غازية الأفضل لح تحويل مسار لأن السليف راح يكون مفعوله قريب من الحزام .

وعلى العموم شوفي الدكتور نفسه شنو ينصحج فيه

 

[eng.asawii]

رد : تدبيس ولا تحويل؟

مشكوره على مرورج , لا والله موذاك الزود مع الحلو
بس دكتوري نصحني بالتدبيس..بس مثل ما ذكرت قمت اوسوس يعني خايفه ماتنجح التدبيس
علشان جذي افكر بالتحويل مع ان امي رافضتهاااااا بشكل كبير و ان التدبيس افضل
الله يسهل

 

[ابيار علي]

خلك عالتدبيس وايد اضمن واقل خطوره بوايد ووزنك مو وايد ترى
انا كان وزني 128 وتوه بعد ثلاث ايام اكمل شهر من العمليه اللي سويتها (تدبيس) وصرت 115

وبالنهاية سألي الدكتور احسن

 

[سندريــــلا]

سوي عملية التكميم انا اشوف انها افضل من تحويل مسار
الله يسهل عليج

 

[eng.asawii]

رد : تدبيس ولا تحويل؟

السلام عليكم
اختي ابيار علي
ماشاء الله والله يسهل عليج ويتمم عليج بصحه وعافيه
وانا عمليتي التدبيس انشاالله بعد شهر
الله يسهل ان شالله

اختي سندريلا
مشكووره حبيبتي
الله يسهل ان شالله

 

[eng.asawii]

رد : تدبيس ولا تحويل؟

بناااااات منو سوت تحزيم بعدين سوت تدبيس؟

 

[نونا العنونة]

رد : تدبيس ولا تحويل؟

شوفي يالغالية
أنا كنت راحة لأبي أسوي تحويل مسار ومقتنعة 100% فيها وزني كان 108 وطولي 166 وشرحلي الدكتور الله يوفقه "هيثم الخياط " كل العمليات (تحزيم - تدبييس - تحوير ).
رفيجتي مسوية تحزيم معدة وصار معاها تقرحات بالمعدة وزاد الوزن لي الوزن القديم طبعا لكن عمري ما سمعت عن وحدة مسوية تدبييس وردت وزنها القديم ....!
وصديقتي الثانية مسوية تدبييس والعملية ناجحة خصوصا أن أحنا بنات نحتاج إلى فيتامينات للشعر /البشرة / الأظافر / النضارة وووو ومانخلص على شان جذي روحي حق التدبييس لأن العملية تحتاجين إن شا الله إلى سنتين فقط للفيتامينات وبعدين خلاص المعدة طبيعية ما تحتاجين تاكلين فيتامينات والمعدة تمتص الفيتامينات والمعادن طبيييييعيا لكن بالتحوير لا طبعا الأمتصاص شبه معدوم وراح تاكلين الفيتامينات طووووول العمر (اشدعوة الواحد ما ينسى ... ولا يمل من الحبوب ...!!؟؟؟)

وواحد يصير لنا سوا تحويل مسار بعد سنة من العملية صار هيكل عضمي (والله على ما أقول شهيد )والحين صار له 3سنوات رد شوية من وزنه (يعني اتبتب شوية ...يمكن 3 كيلو زاد ) لكن الشعر باستمرار يطيح وقمة راسة صارت واضحة!!!

أنا الحين صار لي تقريبا 6 شهور من سويت التدبييس والعملية تمام التمام ولله الحمد واضبت على الحبوب والبروتين لي فترة محددة والشهية بالنقصان المستمر .... ما أقص عليج ساعات أحس أن جسمي يوعان يبي أكل بس ما أحس بالجوع وليمن اكل أحس بتحسن واسترداد الطاقة
كنت 108 وصرت الحين ...........................84 كيلو (((((قولي ماشاء الله ))))))))))))

وان شاء الله راح أنزل لج صور لملابسي قبل وبعد

كنت ألبس مقاس 50 xxl والحين ألبس مقاس 46 l

أولا استخيري ربج وبعدين قرري
الله يوفقج ويسهل أمر يالغالية

 

[ام لجووونه]

حبيبتي نونه يعني ماتنصحين بعمليه الحلقه انا وزني 93 وودي اسوي الحلقه وما ادري خايفه ومتردده اشرايكم بنات نصحوني الي وزنها مثلي وجربت الحلقه لاتبخل علي بمعلومه عفيه بلييييييييييييز

 

[:: Diva ::]

انا سويت تحوير و حيل تعبانه وياها
لان وزني ماكان وااايد
لكني ضعفت الحمدالله
و قبل لا اكمل4 شهور صرت البس لارج من عقب اكسات
ماشالله لا اله الا الله

لكني مهمله بالفيتامينات و البروتين
الله لا يوريج شعري

 

[eng.asawii]

رد : تدبيس ولا تحويل؟

السلام عليكم

اختي نونا العنونه
مااشاء الله ,الله يبارك لج ويتمم عليج ياارب
انا و الله استخرت اكثر من مره و خلاص عمليتي ان (التدبيس) ان شالله بعد شهر
الله يسهل ان شالله

اختي لم لجوونه
انا سويت تحزيم ومانفعت معاي لان وزني كبير
بس تختلف من شخص لاخر يعني خالي كان وزنه جريب 140 و ضعف عالحلقه
وانا وزني 110 ومانفعت معاي
فيختلف همن على نوع الاكل يعني ماتنفع حق اللي يحبون الحلو
الله يسهل ان شالله

اختي diva
االه يعينج ان شاء الله,يعني ماتنصحين فيها ؟

 

[غلا 7373]

حبيبتي انا كنت مسوية حزام وفشلت معاي وصالى 7 شهور مسوية تحوير الحمد الله نزل وزنى وايد واذا كنتى تحبين الحلو سوي تحوير لان السليف ماينفع وهذا كلام الدكتور واستخيري

 

[eng.asawii]

رد : تدبيس ولا تحويل؟

السلام عليكم
اختي غلا 7373
مشكوره على مرورج , اي صج كلامج نفس الكلام اللي قالي ياه الدكتور
والحمد الله انا موذاك الزود مع الحلو
فان شالله بتوكل على الله وبسوي تدبيس

 

[miss_Ba6oOo6a]

رد: رد : تدبيس ولا تحويل؟

مشكوره على مرورج , لا والله موذاك الزود مع الحلو
بس دكتوري نصحني بالتدبيس..بس مثل ما ذكرت قمت اوسوس يعني خايفه ماتنجح التدبيس
علشان جذي افكر بالتحويل مع ان امي رافضتهاااااا بشكل كبير و ان التدبيس افضل
الله يسهل

دكتورج منووو لان السليف بعد الحلقه ماتنزل الوزن الكبير كله راح يكون النزووول بطئ وايد مو معدل الي مسووين اول مره عمليه لازم تحوييييييييل
انا كنت حلقه والحين تحويييييل ونزولي بطئ من 120 ليه 84 صارلي سنه تاكدي من دكتورج عدل ومنو يقولج التدبيس مادري السليف افضل كلهم عمليت ونفس المضار وعلا فكره نسبة التسريب بالعمليه اكبر بالسليف يعني التحويل بالعمليات اقل خطوره والاثنين فيهم اكل فيتامينات وطيح شعر والسليف حدها سنتين وتكبر المعده والتحويل 5 لا واقل بعد حقنا لان عندنا سوابق وجسمنا متعود علا العمليات :eh_s(7):

 

[eng.asawii]

رد : تدبيس ولا تحويل؟

اختي miss ba6oo6a
انا عند دكتور خالد العنزي
وييي لييييش!بس انا على حسب علمي ان عموما في عمليه التدبيس الوزن ينزل بطيء وهاذا شي زين
واما التحويل فالوزن ينزل بسرعه
وصح كلامج ان نسبه حدوث التسريب في التدبيس اكثر من التحويل لان التحويل يشيلون المعده بكبرها فماكو خوف من ناحيه التسريب في التحويل.
بس اختي قوليلي شلونج مع التحويل و ليش ما اخترتي تدبيس ومنو دكتورج ؟

 

[ii DareeN ii]

رد : تدبيس ولا تحويل؟

الافضل انج تستشيرين طبيبج ويشوف طريقه اكلج مثل ماقالت اختي البنفسج اذا ماتحبين الحلو والشوكليت سوي التكميم افضل لج واذا تحبينهم لا سوي تحوير لان التكميم ماتنفع وياج

 

[miss_Ba6oOo6a]

انا دكتوري موسى خورشيد ولا واايد مع التحويل نزولهم بطئ اهو علا جسب الجسم وانا نفسج كنت ابي القص بس قالس مراح ينزل واايد والطلوب مثل التحويل لان الجسم متعود ماكو ردة فعل قويه انا 120 يعني مو شويه يبيلي وايد انزله والتحويل مايشيلون كل المعده موجوده بالبطن بس يقسمونها الفص او التدبيس الي يقطون نص المعده بره والله مرتاحه وابد اريح من الحلقه الي كله ابر وترجيع وغصه جن مو مسويه عمليه
بس لازم تدرين اول فتره تعب علا ما يتعود الجسم علا العمليه والفيتاميات مو طول العمر الي ناقصج تاخذينه وفيه تحالي بعدد 6 شهور تحدد الناقص بس الحمدالله كل شي طبيعي ماكو نقص بس الله يعين علا الشعر الي كله راح مع الحلقه والحين تحويل

 

[Kuwaitigirl1973]

آنا عن تجربة كنت ١١٩ عقب الحلقة ونصحني دكتوري الصانع في رويال حياة بتحويل مسار والحين آنا ٦٨ وبسوي شد الجلد ورفع الثدي عن قريب وجذي راح تكمل فرحتي
والله شكلي الحين يخليني شنو سعيدة لأني ما سويت سليف (تدبيس) جان ما نزلت وعلى فكرة آنا راح أوقف الفيتامينات بعد سنة من الحين لما أخلص سنتين من العمليات والشي الثاني نونة ترى نزولج مو زين لأنج المفروض كل النزول يصير في أول ٦ أشهر فشدي حيلج أكثر وإنزلي لأن مرضى التدبيس يردون وايد من وزنهم فقبل لا تردين الوزن بعد السنة الأولى إحرصي على إنج تسرعين النزول الحين

 

[eng.asawii]

رد : تدبيس ولا تحويل؟

السلام عليكم
مشكورين بنات على ردودكم

 

[eng.asawii]

رد : تدبيس ولا تحويل؟

تصدقون بنات ان وحده من الاهل اللي سوت تكميم
دكتورها شال 85% من المعده و خلالها بس 15%!!!!!!!!
انا اللي اعرفه انهم يشيلون 80% و يخلون 20%