تدخل الخدامه بيني وبين اولاد زوجي

[فله شمعه منورة]

السلام عليكم ورحمه الله وبركاته

بدخل بالموضوع على طول .. انا متزوجه زوجي من عشر سنوات والحمد لله علاقتنا طيبه مع بعض واولاده ساكنين معي وعلاقتنا محترمه مع بعض الحمد لله وهم مراهقين لكن عاقلين وهاديين الحمد لله وهم كبار اكبرهم عمره 18 سنه واصغرهم 12 سنه , المهم جبت شغاله اندنوسية لها الحين عندي سنه ونص احتجتها لظروف صارت لي وهي اول شغاله اجيبها لاني احب انا اشتغل ببيتي وما يعجبني تنظيفهم المهم الشغاله هاذي ملقوفه والكل لاحظ عليها هالشي تتدخل بكل شي بالبيت بكل شخص فيه انا احب اعامل الناس كلهم باحترام صغير كبير خدم الكل الحمد لله احترمها وارحمها واحاول قد مااقدر اساعدها لان بيتي كبير , هي تغير اذا شافتني انا وزوجي جالسين مع بعض نسولف او نضحك وتتغير ملامح وحها :bbbiu: وصارت تتقرب لاولاد زوجي وتفرق بينهم وبين ولدي بالمعامله ويشهد الله اني اخدمهم كلهم نفس بعض واكلهم واحد كل يوم لاني اعمل حساب ليوم الحساب يوم اوقف بين يدي الله ماعمري ظلمتهم بشي ولا اهنتهم وهم محترمين والله , الحين كل مرة تحاول تزرع لنا فتنه بالبيت تعامل نفسها كانها فرد من العائله تزعل مع الزعلان وترضى مع الراضي تحرض الاولاد علي وتتضايق اذا شافتني انا وهم نسولف ونضحك ونمزح , كم مرة المح لها ترا مابينا مشاكل ومالها دخل لكن تسوي نفسها كانها مو فاهمه .. الحين بنات ابغاكم تشورون علي كيف وايش اقول لها مالها دخل بينا وتخليها بشغلها بس من غير مااخليها تحقد علينا :rgewrg:

 

[*peace*]

مسكيها انتي وزوجج

وخلي زوجج يقول لها انتي بس تشتغلين هني مالج شغل باي شي يصير بالبيت بينكم

ومالج شغل باي شي ثاني غير الشغل ولا ترى بوديج المكتب فهمتي!!!!

خلج بشغلج ومالج شغل فينا ولا ترى بذلفج المكتب

خلي زوجج يكلمها وانتي خلج واقفه وحسسوها بالذنب خلي زوجج يقولها

احنا زينين معاج ونعاملج عدل ومن هالحجي

هذا اللي ناقص قطيعه تقطعها

وبعدين مسكي عيالكم وكلموهم قولولهم هذي جلبه وتبي تفتن بينكم مالكم شغل فيها

ولاتسمعون كلامها

هذي شكلها حقوده وحسوده لو تقدرون تقلعونها يكون احسن بعد

 

[ام خدود ورديه]

سفرووها شنو المشكله يعني ترى ماتستاهل
بدالها 100 اهم شي عايلتج

 

[ام شووووق]

والله الفتنه اشد من القتل

اذا متأكده من هالموضوع سفريها وجيبي بدالها

 

[florense]

الله يعينج حبيبتي بس لو انا مكانج اسفرها ما اخليها

 

[ايمان بنت مشرف]

قولي لزوجج ..يكلمها او يقول لعياله لا تتدخل بينكم خدامه

 

[iLLuMinaTion]

الله يعينج

 

[عاشقة_الجمال]

سفريها شكوو مخليتها ببيتج

اقصاها خدامها مكانها 10000

 

[فله شمعه منورة]

فديتكم بنات
انا ناوية اسفرها لكن زوجي قال خليها تساعدك برمضان ونسفرها لكن انا ماعاد قدرت اتحمل اسلوبها وابغى اوقفها عند حدها لان مااتحمل المشاكل ولا احبها اشكركم اخواتي

 

[روحي زوجي]

حبيبتي اذا هذا طبعها اقلعيها

شتنطرين تجيب لج مصيبه مثلا ؟

انا سكت عن الاندنوسيه وقلت حرام لين بلتني بشرها ورحمني الله بغت تهدم بيتي الله لا يرحمها وين ماكانت

اقلعيها ماعليهن حسوفه

وجيبي اي جنسيه ثانيه وربي ترتاحين

 

[عـِرۈۈق قلبــه]

الله يوفقج
​

 

[غمزه وإبتسامه]

سفريهاا اهم شي رااحتج

 

[انوثة من حرير]

اختي الله لايهينج الخدم ما ينفع انج تفاهمين ولا تكلمينها ان كنتي محتاجتها روحي قدمي على خدامها وسفريها لا تخرب بيتج
والله الخدم بلوة فكي عمرج لا تبلا عليج

 

[حبـ admant ـك]

شناطره تسوي لكم مشكله اكبر وعقب تتحسفين
سفريها وخليها تولي
اكرهم هالأندنوسيات مامنهم خير كلش

 

[عهد..]

اول شي اذا صليتي الفجر حبيبتي قولي ....الاذكار وتعوذي منها ومن شرها لحد ما تفتكين منها
وكمان اذا صليتي المغرب اوكي
ثاني شي حاولي قد ما تقدرين ما تخطلط فيكم ابد لها غرفه بروحها وشغلها وبس
واذا بغت التلفزيون واو تتسلى مثلا خليك معاها
يعني بالعربي لاتخلينها تتلكم مع اي احد من الاولاد
لابغت شي منهم ملابس تغسلها ولا اكل انتي اعطيها وهم نفس شي لابغو شي منها يقولو لك ايش يبغون
ان شاء الله حتى كبايه مويه انتي قوليها
يعني خلي التواصل يصير بينك وبينها بس غير كذا مافيه
لا تعطينهها فرصه تتعدى حدود شغلها ابدا اذا زعلت على قولتك خل تزعل وتنطق لاحد يكلمها
ووصي على اولادك واولاد زوجك الكلام او التصرف معاها ممنوع حرااااااااااام
اذا بغو شي انتي قوليها وهي كمان قوليها لاتكلم اي احد فيهم
تتواصل معك انتي وبس حتى الغرفه الي هما فيها لاتدخلها الامعاك تخلص شغلها وتطلع
والله يكفيك شرها حتى ماتروح عنكم​

 

[ليت الماضي يرجع]

لوني منك والله ماخليها تقعد عندي ولا ليلة تخرع عاد هن يموتن على الرياجيل انتبهي منها عليك وعلى زوجك وانتبهي لعيال زوجك

 

[برنسيسة البدو]

حبيبتي بينا وبين رمضان حياة وموت افتكي منها داهها تسبب مشاكل وجيبي برمضان موقته انا طلعت من وظيفتي بسبته الخدم ماضبطو معاي

 

[حجيه هيونه]

ياعمي مشيها خل تولي


احسن ماتشب بالدنيا نار اعوذ بالله من شرها

 

[RoWaIsHeDyA]

الله مايرضى بقطع الارزاق بس دامها ضرر نصيحتي سفريها وجيبي غيرها بدل ماتزيد السوالف عليها ويكرهونج عيال ريلج ترى ماينعطون ويه هالخدامات خوفج شئ على عيالج وعيالج ريلج سفريها قولي حق ريلج مابيها

 

[نجاة80]

ولا تفاهمين معاها ولا شي هاذي داشه بقوه ...

انا من رايي انها تسافر الزم ماعليج عايلتج الله يجمعكم على خير ويبعد عنكم الفتن