تدرسين ويا ريلج بره ؟ دشي ابيج بشغله :)

[miss-_-eng]

سلام مغتربات شخباركم ؟

انا ادرس مع ريلي بامريكا وبقيت منكم شغله ان كل وحده منكم تقولي شلون جدولها يعني متى تنظف شقتها ومتى يمديها تطبخ للغدا ومتى تغسل الملابس ؟

وخلونا نسولف شنو اهم المناطق السياحيه اللي رحتولها وصج استانستو فيها كل وحده تسولف وتقول خل نستفيد من بعض

وشكرا ..

 

[miss-_-eng]

انا الاماكن اللي رحتلها ليكتاهو رحتلها بالصيف ركبنا الطراد وافترينا بالمحيط كان واايد ونااسه بس حسافه ان ضيعنا الاسبوع بالنومه بالغرفه الخايسه لان كنت حامل ومااقدر امشي وايد ..

قوليلي انتو وين رحتو وشنو الاماكن اللي تنصحوني ازورها؟

 

[miss-_-eng]

بنات انا كلش ماعندي وقت وكله مالي خلق انظف فاييب الخدامات كل شهر ايون ينظفون وانا تنظيفاتي بسيطه بس احب تكون شقتي نفس بيتنا بالكويت شلون البخور والعطور والنظافه تفوح منه ٢٤ ساعه بس كلش ماكو وقت .. الملابس اغسلها كل اسبوع مره .. اكلنا كله مطعم وودي اعرف شلون يمديني انظف وادرس واطبخ و اغسل ..

 

[loolat^mady]

انا عشت بامريكا 3 سنين وبرد هم اروح 3 سنين.. كنت ادرس معاه وعندي عيال ف طبعاااا ماكو وقت حق اي شي .. التنظيف يمكن بالكورس مره مرتين لوول .. اهوه كان يساعدني بالغسيل لان مستحيل اقدر بروحي عاليهال وعلى هالسوالف الصغيره.. احسن شي دوري من النت اللي اييون ينظفون وبس.. تعودنا عالصحون البلاستيك واذا استخدمنا مواعين غيرهم نحطهم بغسالة الصحون اريح شي..
وعالوناسه مره رحنا بعطلة الربيع فلوريدا اورلاندو .. وبالصيف بالسياره تمشينا بكذا ولايه لين وصلنا نيويورك ومنها ردينا الكويت بهالرحله رحنا جم ولاية منها زرنا شلالات نياغرا ونيويورك ونيوجرسي ..والسنه هذي رحنا فيغاس وكاليفورنيا .. ودي اروح الكروز انشالله و هاواي... هذول بالخطط المستقبليه..

 

[miss-_-eng]

ماشالله .. اي هم انا استخدم الصحون البلاستيك واي شي يبيله غسيله سيده بالدش ووشر ..

جم عمرج لولت مادي ؟

 

[miss-_-eng]

انا هم هاواي من خططي المستقبليه انشالله وودي ازور اورلاندو العجيبه الله يرزقني السفره انشالله