!تدري وش أسباب ضيقي وَأغلب أوجاعي؟!وْجيه مااتستحي,وانا استحي منها !

[قلب - ساهي]

السلام عليكم
اول شي انا عمري 21 ..

مو من عادتي اشتكي بس وصلت حدي للاسف
وابيكم تساعدوني لان مخي وقف عن التفكير

انا وحده مابي امدح روحي بس اقدر الصداقة بشكل كبير ورفيجاتي لو يبون عيوني عطيتهم بس الناس اطباع
ويمكن تلاقين ناس ما تتوالمين معاهم مو ؟!
للاسف هالشي طحت فيه ومو قادره اطلع منه .. رفيجاتي ثنتين وحده عسوله والامور طيبه وياها لكن الثانيه
انا متأكده انها تعرفنا للمصلحه حتى مرات تقولها وتبطها بالويه يعني ما تستحي وانا استحي ليش ؟
انا قويه بنات لكن بهالمواقف شخصيتي تضعف انا نفسي مادري شالسبب ؟ يمكن اهلي عودوني ما اغلط
شخصيتها استفزازيه جدا ووغشمرتها توصل للوقاحه يعني تعرفون اللي اشكره تبي تقهرج بس تييبها من باب
الميانه والغشمره عادي تحط الحره فيج وتكونين مستانسه اتيي تنكد عليج بتقولون رفيجتج تحمليها ؟
اقولكم سنييييييين وانا اتحمل وياريتها تعاملني بالطيب تسوي اي شي يقهرني
مرات احسها تغار بس كل اللي عندي عندها لو بقول تغار زين شالسبب .. بنات انا اعترف اني حساسه
حبتين بس والله انا استغرب من نفسي اني وياها اطوف زلاتها والكل يلاحظ يقولون انتي حساسه شلون
متحملتها ؟
والكل هم يشيل عليها ويزعلون
من دفاشتها وانا انصحهم واقول تحملوها عادي طبعها جذي
زين لي متى ؟؟؟؟؟
الصديق وقت الضيق الرفيج ينشد فيه الظهر مو يكسر فيني ويضايقني ويبجيني
يعني مو حلوه لمن تعطين وما تلقين مقابل .. مابي مقابل ع الاقل ابي اسلم منها
يعني مرات ايي متضايقه ومنو فينا ما تمر بمشاكل سواء من الاهل والا غيره و
ايي دمعتي بعيني بدال لا تواسيني تنكد علي وتغثني وانا لمن اشوفها متضايقه
احاول اضحكها واونسها حتى لو اكون متضايقه حدي من داخل ..
وقت المصالح تتذكرني وانا متأكده انها ما تحبني وما تبيلي الخير
اصلا ابسط شي لو رفيجتج تحبينها بتخافين عليها وعلى مستقبلها صح ؟
انا اشكره تقول طلعي وياي عفيا ؟ اقولها فلانه محاضراتي
تقول بالطقاق عادي عشان اطلع وياها تشوف الصاحب !!
نعم ؟! قلت لها اسفه وتمت تتحلطم وتقط حجي عور قلبي
ودايما تعلق ليش اني ما احب هالسوالف الله يهديها
يعني هذي طيبه والا ضعف والا شنو بالضبط والله شي يقهر
الحين بنات انا افكر ابتعد عنها قللت اتصالاتي طبعا اهي ما تدق الا مصلحه
لو اقولكم مواقفها بتقولون ابتعدي عنها وانتي شاقه الحلج بعد هذي مو رفيجه !!
وقفت وياها بمواقف والله ما توقفها وياها اختها !
بس وين اللي يقدر ؟
انا بايعه هالصداقه صراحه وهالنوع من الناس ما يلزموني
سامحوني بنات فضفضت وادري الحجي مو مترابط

زين المشكله شلووووون اتركها
هذا اللي كاسر ظهري
شلون وانا اشوفها بالجامعه يوميا ؟
شلون واهيا مراكض وراي عشان مصلحتها ؟
شلون وبيننا صديقه مشتركه يعني حرام اترك هذي عشان الثانيه ملعوزتني ؟


وترى شكثر وصلت لها نغزات اني متضايقه من اسلوبها ومو بس بروحي هم
رفيجتنا ..
بس ماكو فايده
وهم رفيجتي متأذيه منها بس احسها تخاف منها ومن ردة فعلها

وانا هذي ان شاء الله اخر سنه لي بالجامعه
بس والله مع اني تحملتها سنين مو قادره اتحمل يوم اكثر
وقمت اسكب فيها واهيا لاحظت هالشي ..

شسوي وياها ؟؟

 

[يا عيون جدي]

رد : !تدري وش أسباب ضيقي وَأغلب أوجاعي؟!وْجيه مااتستحي,وانا استحي منها !

ابتعدي عنها مو لانها غثيثه ولا ما تقدر الصداقه ولا تجيج لمصلحه لا لانها عندها سوالف لا تثقين فيها ما صانت اهلها لا توقعين انها بتصونج
لا ترجين منها شي صدقيني بترتاحين هالبنات ما ينفع معاهم الطيب واذا ما تدرين ليش تغار انا اقولج
لانها رخيصه وانت غاليه تدرين شنو ينطبق عليها قطعه خام الناس تلبسها مره مرتين وتمل منها اما انتي غير انتي جوهره صعب
يوصلون لها

حاولي قد ما تقدرين تبتعدين عنها وصارحي رفيجتج الثالثه وقوليلها وصيري حيل وياها وانشالله ربي يوفقج ويبعدج عنها

 

[قلب - ساهي]

رد : !تدري وش أسباب ضيقي وَأغلب أوجاعي؟!وْجيه مااتستحي,وانا استحي منها !

ابتعدي عنها مو لانها غثيثه ولا ما تقدر الصداقه ولا تجيج لمصلحه لا لانها عندها سوالف لا تثقين فيها ما صانت اهلها لا توقعين انها بتصونج
لا ترجين منها شي صدقيني بترتاحين هالبنات ما ينفع معاهم الطيب واذا ما تدرين ليش تغار انا اقولج
لانها رخيصه وانت غاليه تدرين شنو ينطبق عليها قطعه خام الناس تلبسها مره مرتين وتمل منها اما انتي غير انتي جوهره صعب
يوصلون لها

حاولي قد ما تقدرين تبتعدين عنها وصارحي رفيجتج الثالثه وقوليلها وصيري حيل وياها وانشالله ربي يوفقج ويبعدج عنها

نورتي غلاي .. ومشكوره ع الكلام الحلو مثل مرورج ان شاء الله بحاول قد ما اقدر
والله يبعدج عن هالاشكال ويوفقج :eh_s(17):

 

[still_waiting]

والله اللي يجيب لج الضيقه ويكدر خاطرج خليه الصديق يخلي صديقه يبتسم ويستانس ويرتاح مو يتضاايق وانتي عندج غيرها هي مو الوحيده بالعالم انتي مو مجبوره تتحملينها خليها بسلام

 

[((shoOoshoOo))]

والله فرقاها عيــد .. والبعد عنها غنيمــه
وتمي مع رفيجتج الزينه ..