تدلعينه ولاتحقرينه ؟؟ تعالي شاركينا ..

[FeShinGoOo]

قووه بنات ..

هالموضوع حبيت انزله كنوع من الاستفتاء بين تجاربكم الشخصيه وشنو الطريقه الي نفعت مع زوجج

الحين اوضحكلم الموضوع ..

في بعض الزوجات دايما يستخدمون اسلوب التطنش
مثلا زوجها زعل طنشته .. عصب طنشته .. ظايقها طنشته ..
وايد بنات يستخدمون هالطريقه وفي وايد امهات اسمعهم ينصحون بناتهم ابهالطريقه ..


واني حق النوع الثاني ..
دلعيه وراضيه وسويه يادهينه ..
نشوف الزوج يتزعل ويعصب ويهاشو بدون سبب
والزوجه تركظ وراه واتدلعه وتقصر الشر والمشاكل ودايما اتراضيه وتبينله حبها وانها ماتقدر على زعله
(( والاحظ هالنوع الزوج يكون مرتاح ومستانس ويدلع زوجتها بس بالمقابل لي زعلت يطنش فيها ويحقرها وينطرها تراضيه لانه تعود على هالحاله ))


....



هااا بنات شنو اكثر اسلوب تتخذينه مع زوجج ؟؟

الدلع ولا الحقران ؟؟

اكيد طبعا ماتستخدمين اسلوب واحد طول حياتج بس اقصد الاسلوب الي تستخدمينه غالبا ..؟؟؟؟



ناطره ردودكم وتجاربكم ياحلوت



جاااااااااااااوو​

 

[FeShinGoOo]

مابغى ينزل الموضوع


أب

 

[HeSsaa]

اذا انا كنت غلطانه اراضيه بس لي زاد جيلة الزعل احقرررره بعد شسوي بعمري
والله هالريايل ماينعرف لهم لي راضيتيه كبر راسه ولي حقرتيه يعاندج

 

[فوفو22]

تقول الفنانه سعاد عبدالله في مسلسل فرصة ثانية

لا تصيرين خروف لريلج ...........باجر يكرّج

وانا ضد المراه الضعيفة

ومع المراه التي تحمل قلب وعقل

*توازن امورها وتعرف شنو لها وعليها

*ولا تقارن حياتها بغيرها

*وعندها يقين ان الرجال بالعموم يختلفون بالطبع وردود الافعال

احيانا الموضوع يحتاج تنازل
واحيانا يحتاج عتب وزعل
احيانا يحتاج لفت نظر
احيانا يحتاج اعتذار


لكل فعل .............ردة فعل

فوفو

 

[FeShinGoOo]

اي والله حصه اتصدقين هالرياييل ماتدرين اشلون تتعاملين معاهم

عاد احس الريال اذا عودتيه على طريقه ماتقدرين تغيرينها وحتى لو غيرتيها ماتنفع

مو ؟؟

 

[FeShinGoOo]

معاج حق يا فوفو بس المشكله لما الوحده ماتعرف اي ردة فعل تختار حزة الحزه وبعدين تقول ياللتني ماسويت جذي


انا بعد ماحب الي تصير خروفه بس مشكله اذا الريال طلع عنيد و حقرها زياده احس راح يصير جفا بينهم في رياييل مخوخهم مصديه

 

[خالف تعرف]

الاسلوب الاول

 

[مارشميلو..]

اذا انا حسيت اني زعلته اكيد براضيه
لكن اذا هو مزعلني اطنشه لما يراضيني وحسيت اني كل ماطنشته وسفهته يركض وراي لما ارضى
اما اذا قعدت اطول لساني واتناقش معاه بالموضوع يطنشني ومايراضيني
صرت اخليه لما يحس بغلطته ويجي من نفسه يكلمني ويراضيني
جبني كلام فوفو22 وانا معاها

 

[FeShinGoOo]

^^ تعجبيني :]

 

[FeShinGoOo]

انزين بنات اذا كان الزوج غلطان عليج و حقرتيه وماراضج شنو الحل؟؟

 

[pusy cat]

على حسب شخصية الزوج

كل وحده تدرس شخصية زوجها وماتسمع نصايح احد لأن اهي ادرى فيه

بالنسبه لي اذا شغلات بسيطه ما اتردد اني اتأسف منه حتى لو ماكنت غلطانه او ماكنت اشوف نفسي غلطانه بس عشان ما يطول الجدال بينا وتكبر السالفه

 

[باااربي]

تقول الفنانه سعاد عبدالله في مسلسل فرصة ثانية

لا تصيرين خروف لريلج ...........باجر يكرّج

وانا ضد المراه الضعيفة

ومع المراه التي تحمل قلب وعقل

*توازن امورها وتعرف شنو لها وعليها

*ولا تقارن حياتها بغيرها

*وعندها يقين ان الرجال بالعموم يختلفون بالطبع وردود الافعال

احيانا الموضوع يحتاج تنازل
واحيانا يحتاج عتب وزعل
احيانا يحتاج لفت نظر
احيانا يحتاج اعتذار


لكل فعل .............ردة فعل

فوفو

:rerrerek::rerrerek::rerrerek:بالزااااااااااااااااااااابط

 

[BoZo]

انا بصراحه اكره حياتي اذا ريلي متضايق من شغله انا مالي شغل فيها يكون يوم اسود علي
والله يدش اسولف معاه ويسولف بنفس اطنش بس مسأله يطلعلي هوشه من تحت الارض ليش؟؟
ويدري انه غلطان لما اواجه يقولي شنو كله انا الغلطان ذبحتيني انتي الغلطانه انتي وانتي وانتي
الحمدلله والشكر والله ماكلمته ولا قلت شي يخليني اعصب و اعلي صوتي وهني لعبته يكبر الساااالفه وصراخ
واخرتها خلينه نفتح صفحه يديده انا اسف انا ادري اني غلطان بس انا متضايق ماكو احد غيرج اطلع الحره فيه اذا ماتحملتيني منو يتحملني
ياسلااااام !!!

اسلوبي معاه ادلعه ما اطنشه اهو بعد مايطنش بس لا ينرفز و يتضايق انا بخير
واذا بغيت احرق قلبه اقوله اوكي اوكي باجر لي مت انشالله تذكر كلامك هذا واقعد قول ياليت ماجرحتها ولا زعلتها هنييييييي يموووت قهر بسرعه يعتذر و يبوس الايادي خخخخخ

 

[A.E]

الحقران بس اذا انا الغلطانه اعتذرر>>ترى مو متزوجه بس مجرد راي

 

[مخمليـهَ]

اب

اب

اب

خلونآ نستفيد

 

[ya al3rosa]

اببببببببببببببببببببببببببببببببببب

 

[dubai girl]

طنشيه احسن حل حتى لو انتي مزعلتنه راضيه بحدود المعقول
وبعدين خليه على راحته بتشوفينه بروحه بيرجع يكلمج عادي
واذا هو طنشج ردي كلميه عادي ولا جنه شي صار

 

[فاقده ابوهاااا]

الريال ما ينفع معاه الا اسلوب الحقران يمكن مو مع الكل بس انا استخدم اسلوب ضربني وبكى وسبقني واشتكى حتى لو اهو الزعلان وانا الغلطانه احب اتعيير واسوي نفسي انا الزعلانه وبالاخير اهو الي ايي يصالح بس عاد لا تمصخونها وااايد يعني مره تصالحينه وعشره اهو يصالحج

 

[Stylista_Q8]

تقول الفنانه سعاد عبدالله في مسلسل فرصة ثانية

لا تصيرين خروف لريلج ...........باجر يكرّج

وانا ضد المراه الضعيفة

ومع المراه التي تحمل قلب وعقل

*توازن امورها وتعرف شنو لها وعليها

*ولا تقارن حياتها بغيرها

*وعندها يقين ان الرجال بالعموم يختلفون بالطبع وردود الافعال

احيانا الموضوع يحتاج تنازل
واحيانا يحتاج عتب وزعل
احيانا يحتاج لفت نظر
احيانا يحتاج اعتذار


لكل فعل .............ردة فعل

فوفو

مثل مآ قآلت :rerrerek:

 

[أحلى البشر]

انا مو متزوجه
بس رايي ان الاسلوب الثاني اهوا الصح اذا مادلعتي ريلج منو يدلعه بالله ؟
والحقران مو حلو مثل ما انتي ماتحبين يحقرج حتى اهوا مايحب

وبنفس الوقت مو تقطين نفسج عليه حيل يعني وسط بس دلعيه عشان لي زعلتي يقدر انج كنتي مو مقصره معاه ويراضيج