السلام عليكم
شلونكم احلى عسولات
عجبنتى هالفكره الفنتوكه
قلت لازم اطبقها واعرضها لخواتى بالمنتدى
شفتها باحد محلات قمصان النوم
انه اللى تبيع حاطه القمصان اللىتصير قطع صغيره ب ملفات بو 100
وكان شكلهم كيوت ومطبوع عليهم لوقو المحل
قلت خلاص يعتمد الفكره
رحت بو 100 وشريت الملفات اللى يصير فيها زرار
وسويت جرد عالقمصان ورتبت كل قميص بملف اللى
يصيرون ( بكينى + قطع صغيره )
وشريت من ايكيا المقسم اللى يتعلق بالكبت وطبعت بطاقات
عشان اخلى كل رف حق نوع من الملابس مثلا
( بيبي دول - بكينى - سموكى بدى - تايت الخ )
علقت المقسم وحطيت عليه البطاقات ورتبت قمصانى
بهذى الطريقه النايس
وطبعا البيبي دول كويتهم ولفيتهم مثل الصمونه وربطتهم
بشريطه ستان مع صروالهم لووول
والقمصان الى يى معاها ارواب والحراير الطويله
لا خليتهم معلقين بالكبت
اتمنى تطبقون الفكره وتعجبكم لانه وايد ريحتنى
وكل يوم بس افتح الكبت واختار شنو ابى البس الليله
وساعدتنى بالتنويع تعرفون الرياييل ما يعجبهم شى :eh_s(14):
وطبعا ما انسى دائما وابدا لما اتبخر ارشش داخل كبتى
واحط المبخر تحت واخليه بالمره يبخر ملابسي :eh_s(15):
هديه الموضوع
http://www.youtube.com/watch?v=nhkBV...eature=related
