ترتيب التسريحه,,,,,

[@الياسمين@]

السلام عليكم
:eh_s(17)::eh_s(17):
شرايكم كل وحده تقولنا عن ترتيبها للتسريحه ... يعني شتحطين عليها عطور , شموع , اكسسوارات منزليه ........... الخ ..... عشان نستفيد من بعض في الافكار
اول شي اّنا ببدي ...
انا حاليا حاطه مفرش كروشيه, وسلتين حلوين حاطه في وحده بعض العطورات والثانيه الكريمات والسبراي للجسم والبودر ,, وبين السلتين حاطه برواز فيه صورتي مع ابو الشباب
وطبعا بين فتره وفتره اغير
وباجي الاغراض الاساسيه موزعتهم بسلال داخل الادراج

 

[ام مضاوي]

وعلييييييييييكم السلام

انا عن نفسي حاطه
العطور
الخلطات حق الفرش والكبت
دهن العود بجميع انواعه الي بصناديق فخمه والي صغار بروحهم
علبة كبيره من امل الكويت شكلها كشخه مقسمه للبخوووور فقط
ادراج للميك اب>>>>كنت حاطتهم في استاندات الشفافه بس تعبت كل يوم يغبرون ويتعبون في التنظيف
كريمات الجسم
سله فيها امشاطة الشعر والماشات السود والاستشوار
سلات كشخه وحد كبيره ووحده صغيره للشباصات كلها دانتيل وشرايط
وصندوق من ماركة مكياجي
ستاند شفاف لصبغات الاظافر

وبس

هههههه تسريحتي كبيره

 

[@الياسمين@]

thanks ام مضاوي
بس انتي اللي رديتي

وينكم بنات ؟؟؟شاركوا خل نستفيد من الافكار ,, واللي تبي تحط صور خل تحط عشان تعم الفايده

بانتظــــــــــــــــاركـــــــــــــــــــــــــــم

 

[أسيرة قلبه]

انا عندي تسريحتين

وحده بغرفتي و هي كبيره شوي حاطه مثل صينيه ذهبيه و عليها عطوراتي و دهوناتي

درج صغير حق المكياج اللي ما استخدمه على طول

و عندي تسريحه في غرفة الملابس حاطه فيها اطقم الكريمات مع الشور جل و البودي سبراي غير الكريمات العاديه مثل جرجنز و نيفيا
و حاطه بعد على التسريحه ادرج صغيره بلاستيك
درجين شباصات بنتي
درج شباصاتي
درج ساعاتي
درج حق الدبابسيس و الماشات و الجلابيب
3 دروج حق اكسسواراتي
و معلقه السشوار بالطوفه
مبخر
بالحمام حاطه كريماتي و غسولاتي و سنفراتي والاشياء الثانيه
و حاطه بعد مكياجي اليومي اللي على طول استخدمه

اغراضي وااااايد و ماني علرفة شلون ارتبهم ياليت تساعدوني

 

[ديمة الليمونة]

هااااي انا اشتريت من سوق المحاميد السلة اللي تجي رفين تنحط بالحمام صبغتها بلون احمر وقبل ينشف حطيت زري عليها ورتبت عطوري عليها شكلها خطير على التواليت

 

[MY_HART]

:eh_s(17):مشكوره عالموضوع ياسمين حبيبتي:eh_s(17):


ديمه ياعيني يا انتا يابو الحركات
حلووه فكرتج:eh_s(9):



الله يهنيكم بنوتات بأغراضكم===تمشي وتدعيلكم وادعلوها الله يوفقها ويهنيها بحياتها :eh_s(22):




انا عن نفسي حاطه صوب العطورات ولوشناتهم
وبالنص سله حلووه فيها شغل وداخلها ورد مجفف حاطه البخور والدهن العود الصغير وجذي

والصوب الثاني حاطه الكريمات اليوميه اللي استخدمهم كل يوم

ما احب احط كل شي على التسريحه احبها تكون بسيطه


وداخل عاد حاطه كل يرار وله شي مكياج وخلطاتي واكسسواراتي

كل شي بعلبه خاصه فيه:eh_s(20):

والله كل يوم والثاني ارتب احس ترتيبي غلط :eh_s(3):

ويعطيج العافيه مره ثانيه حبيبتي:eh_s(8):​

 

[@الياسمين@]

الله يعافيكم يا قلبي
ديمه الليمونه >>>> فكرتج حلوه ... بس اذا ممكن تحطين الصوره عشان تتوضح الفكره اكثر

My_hart<<<< الله يعا فيج حبيبتي ....... انا بعد مثلج احب يكون التواليت عليه شغلات بسيطه ما احب الدثره
يعني جم شمعه على برواز حلو على جم عطر ... اما الشغلات الثانيه لازم يكونون داخل الادراج

 

[الأستاذة كويتية]

انا حاطة صندوق بخور شكلة حلو ناعم وحاطة علبة كلينكس وعلبة فيها خواتمي وعلبة فيها التراجي وطبعا هاذي العلب كلهم لون واحد ومزخرفات وهاذي العلب من خام وحاطة جنطة مكياج فيها كل شي جاهزة بس زينة وشكل حلو وساعة زينة فيها استاند لان تواليتي كبير

 

[ghalaty]

بليز خواتي صور لأني اعاني من مشكلة ترتيب التسريحه

 

[dlooo3a]

انا شاريه من سنتر بوينت اكسسوارات للزينه خاصه للتسريحه ومع شمعه معطره وبرواز وواحد منهم اقص الاكسسوارات حاطه فيه فرش المكياج وواحد فيه ساعاتى وخواتمى ومفرش لون بنفسجى وصوب حاطه عطوراتى وصوب ثانى عطورات زوجى وعلبة كلينكس نفس لون المفرش وكلهم لون بنفسجى ببيج وحتى الاكسسوار لون بنفسجى ووايد حلو بس ما احب الزحمه فى التسريحه والمكياج فى شنطه بالدرج
ما عرف احط صور بس جد روعه

 

[مزيونه وشقره]

انا انظف التسريحه عدل من فوق وانث عليها بطريقتي ورد مجفف واحط عطوراتي وعطورات زوجي واحط جم شمعه وبس

تصير التسريحه حلوه ومرتبه

وباجي الاغراض بالدرج

وان شاء الله اصورها لكم باقرب وقت



مع تحياتي يا حياتي

مزيونه وشقره

​