ترجيع الاجنه

[حرف المها]

السلام عليكم بنات
حبايبي انا اليوم لي خامس يوم من ترجيع الاجنه و امس بالليل نزل علي دم وردي خفيف تكرمون بس لما مسحت شفته و اليوم الصبح بعد ما حطيت جل التثبيت بساعه نزل علي شي بني مع افرازات الجل جنها خيوط بنية
حدي خايفه هذا طبيعي ولا لا !!!
ريلي من امس معصب علي يقول لانج تتحركين وايد

 

[حرف المها]

و نسيت اقول امس و انا نايمه بدون ماحس نمت على بطني شوي تهقون ياثر حيل ولا عادي؟ والله تعبت الحمدالله على كل حال و المشكله زوجي مو مقدر فجاة يعصب علي و يتنرفز جنه اهوا الي متبهذل و بنج و دم و ابر
استغفر الله بس

 

[حرف المها]

بنات ليش محد يرد شدعوه

 

[Pink_Roses]

النوم على البطن ما ياثر والافرازات عادي يمكن من بقايا دم متجمعه بالرحم من عملية السحب الله يثبت اجنتج وبشرينا اذا نجحت

 

[معشوقتي امي]

حتي انا نفسج قلبي بس نزل يوم ال11 لاتتحركين وايد ولما تحطين التحميله حطي مخده تحتج
ولاتقومين الا بعد ساعه انا جذي اسوي
ياااااارب يرزقنا الحمل وكل وحده تتمني

 

[حرف المها]

بينك روزز و معشووقتي امي مشكوورين عالرد و اللهم امين يارب يرزقنا الرحيم الوهاب

 

[Bule sky]

أسأل الله العلي القدير رب العرش العظيم أن يثبت لج أتوام

لا تحاتين مرات ينزل دم و الأسباب وايد يمكن واحد من الأجنة ما ثبت أو يدل على ثبات الأجنة .. إنتي أكثري من الأستغفار و ارتاحي و ان شاء الله تحلمين و تولدين بالسلامة ...

 

[نسمة هواها]

انا سالت الدكتوره قبل قالت الدم البني بقايا قديمهحاولي لااااااتحركين الا للحمام والصلاة ... خلي حركتج خفيفه
انا لما سويتها ورجعت اجنه بالمره الاولي تحنطت بالفراش سبوعين وحسيت ابكل اعراض الحمل وماكتب ربي
ولما رجعت المره الثانيه كنت مرتااحه بس اتحرك خفيف عشان الدم يمشي وماحسيت بولااااااااا شي الا كل يوم الفير اقعد فراشي ناقع من العرق وحملت الله يتمم لي يارب ويرزقج
وكنت انام علي جنب او ظهري
بس عليج بالاديه مال بعد الترجيع

 

[حرف المها]

حبايبي بنات مشكورين ماقصرتوو
ابشركم حملت الله يثبته و الفال للباااجي يارب ادعيلكم من كل قلبي

 

[Pink_Roses]

الف مبروك حرف والله يثبته وتشوفينة بحضنج والفال حق اللي ينطرون

 

[حرف المها]

بينك روزز امييييييين يارب مشكوووورة حبيبتي
والله يبارك فيج والله فرحتني ردودج ماقصرتي

 

[حلوة الاخدود]

الف مبروك .. دعواتج لي

 

[Fashion]

الف الف مبروووك حبيبتي ويقر عينج بشوفته
اختي عندي سؤال وين مسويته ونظام اكلج صحي والا عادي خربطتي
والله يرزق كل محرومه

 

[الماسة2014]

الف الف مبرووووك
ربي يثبت حملج ويرزقج الذرية الصالحه يارب

 

[حرف المها]

حلوة والله دايما ادعيلكم و قلبي معاكم تفائلي الدنيا يبيلها صبر و تعب بس لازم تؤمنين ان الفرج قريب و توكلي علي الله و استخيريه بكل امرج و صدقيني(اذا قضى امرا فانما يقول له كن فيكون)
فاشن الله يبارك فيج حبيبتي سويتها بالسلام و اكلي كان صحي بس اهم شي توكلي على الله و تفائلي لان كل شي بيده
الماسه الله يبارك فيج ياقلبي الفال للباجي اميييين يارب
الماسه

 

[حلوة الاخدود]

جزاج الله خير
عسى يكون كل شي تمام يارب
اجنتي للحين عندهم دقو علي امس واليوم يطمنوني
واحتمال باجر عقبه يرجعونهم
دعواتكم

حرف انا ماقالولي عن الاكل ولا شي عادي حياة طبيعيه
بس كثره الماي مفيده

 

[حرف المها]

حلوة اي صاجه حتى انا بس ماكنت اشتهي اكل الا اشياء خفيفه و صحيه لان بطني انتفخ غازات و ماي

 

[حلوة الاخدود]

حرف حبيبتي
بسالج انتي اي يوم رجعو اجنتج
بيوم الثالث او الخامس

 

[حلوة الاخدود]

اب اب

اب

 

[حرف المها]

هلا حبيبتي الثالث بس لا تدققين والله بتتعبين بس توكلي على الله