ترجيع بنتي موطبيعي فيدوني؟؟

[حياتي لبناتي]

السلام عليكم .. ومباااارك عليكم الشهر ان شاء الله
بنات واللي يعافيكم انا محتاااره حيل وخايفه

عندي بنتي عمرها الحين شهرين ونص وترجع ترجيع موطبيعي يعني الرضعه اللي تشربها ترجعها بنفس الوقت

مااحس انهااا تستفيد من الحليب اللي تشربه رحت لمستشفى يقولون دام ان وزنها يزيد لاتخافين


بس مااحس اني مقتنعه يعني اشووف الجهاال الثانين مو نفسهاا ... اللي عندها خبره تفيدني مع العلم اني اطلع الهواء منها بعد الرضعه واخليها شوووي راسها اعلى من جسمهاا


اللي تفيدني بدعي لهاا ..

 

[سموره 87]

حبوبه وديها طبيب ثاني ولد رفيجتي جذيه كله يرجع حليبته اخر شي طلع فيه ارتجاع
وديها طبيب شاطر يشوف اشفيها
وماتشوف شر ان شالله

 

[*ماي الورد*]

السلام عليكم
1- غيري الحليب فورا جربي الانواع الخفيفة مثل نان
2- اذا ما نفع جربي حليب الارتجاع ( حق الاطفال اللي ما يقعد الحليب بمعدتهم ) مثل حالة بنتج مكتوب عليه حليب الارتجاع ar

 

[حياتي لبناتي]

رد : ترجيع بنتي موطبيعي فيدوني؟؟

الله يستر ان شاء الله ..ويعطيكم الف عافيه على الرد ى

بس والله احس اني خفت لان حتى اللي عندي يقولون انه عادي بس شكلي ماراح اسمع كلام احد

 

[هجووورة]

لا تخافين بنتي كانت جذي وقالتلي الطبيبه فيها اتساع بفتحة المعدة او ما معناه جذي
اهم شي وديها طبيب زين انصحك بسعاد البصيري ودكتور اسمه عبد الحليم موجود في مستوصف المعروف بالسالميه اهم اللي كانوا يعالجون بنتي
وفيه حليب ثقيل اسمه نوفولاك اذا مو ناسيه بس بنتي ما حبته بس روحي لهم لان لها تمارين خاصة وانا ضلت مع بنتي ليما اكلت بعدين خف
ما تشوف شر

 

[*ماي الورد*]

الترجيع القليل عادي و طبيعي بس مثل النافورة مو زين

عالعموم الترجيع يخف و يمكن يروح بالشهر السادس هذا كلام الدكاترة

 

[*ماي الورد*]

حليب الارتجاع اهو حليب عادي ما يخوف بس خاثر علشان يقعد بالمعدة

 

[فديتة و حبيتة]

رد : ترجيع بنتي موطبيعي فيدوني؟؟

لا حول ولا قوة الا باللة

واللة مادري و ان شاء اللة البنات يفدونج

 

[ZajiL]

مرات يكون اليهال عنده حساسيه من حليب العادي ويعتاج يشرب الحليب الخاص بالتحسس

اخذيها طبيب ثاني وقوليله واتوقع بحولج على الحيب الي خاصه بالتحسس عند معدة الاطفال

 

[ام شيخوه]

رد : ترجيع بنتي موطبيعي فيدوني؟؟

والله يااخواتي بنتي كل يوم لازم اترجع الحليب او الاكل ماادري ليش تكفون فيدونا

 

[^noonaa^]

انا عيالي جذي بس يرجعووون ولااا لما يرجعون اتقولين مثل النافوره تطلع من حلجهم بعد قلبي كل اللي ابجبدهم يرجعونه

واللي سويته كالتالي

اول شي تعطينها حليب خفيف ويزيد وزنها مثل ابتاميل

وثاني شي عطيها اعشاب

انا من عطيتهم الاعشاب والحمدالله احسهم ارتاحو والاعشاب اهي عباره عن يانسون وكمون وبابونج وحلبه وكراويه

والله خذيتهم من وحده كاتبتهم اهي ابهالقسم و وايد فادو عيالي الحمدالله

 

[دمثة]

حبيبتي نفس بنتي وصار عندها ارتخاء بالحلقوم يعني انطري

 

[فلافل وبطاط]

انا بنتي كانت جذي .. تو عمرها ما كمل الشهر ...

واترجع الحليب نافوره ...

وكنت خايفه بوديها الطبيب وامي ما رضت ...

قالت مو كل ماتبجي حطيتي المميه بحلجها ...

لهيها بالمصاصه شوي ..

وبلشت معاها اعشاب .. يانسون وكمون ومادري شنو >> خلطه هي سوتها ...

والحمدلله رد الوضع طبيعي ...

وهم سألت اكثر من وحده قالولي لا تخافين دام يدش معدتها ويطلع الهوا تالي اترجع .. انشالله فيه صحه لها ...

 

[*ماي الورد*]

ممكن تعطينها دوا الترجيع اسمه موتيليوم ملي قبل الرضعة بساعة كل ثمان ساعات

 

[ام اغلى الناس]

نفس ولدي
اسمه ارتجاع
خلي د فهد المخيزيم يشوفها
لا تعطينها ادويه من غير الدكتور
شوفي مواضيعي

 

[حياتي لبناتي]

رد : ترجيع بنتي موطبيعي فيدوني؟؟

اللي تعرف دكتور يكوون ممتاز ومجربته تفيدني لان والله خلاااااص حيييل تعبت ووالافضل يكون بالجهراء

 

[مظلومة حيل]

رد : ترجيع بنتي موطبيعي فيدوني؟؟

روحي دكتور شمساة
بالمركز الالمانني بالسالمية خوووش دكتور

 

[غنوة ستايل]

جربي تشربينها مغلي : الكمون ـ اليانسون ـ حبه حلوه ـ اخذي حبات صغيره من كل نوع بشوي ماي واغليه وخليها تشرب 2 رقم
وان شاء الله ما تشوف شر

 

[ماكنتوشه بنفسجيه 12]

رد : ترجيع بنتي موطبيعي فيدوني؟؟

وديه الطبيب احسن

سبحان الله وبحمده

سبحان الله العظيم

 

[سما الكويت]

يمكن فيها عظيم...

امسكى راسها من فوق عند غاذيتها اذا نازل شوى يعنى عظيم...هو اللى يخلى الجاهل يرجع ومايشتهى ياكل..