ترددت وايد @ بنت عمي بتولد شنو اشتريلها هديه@

[رهف المشاعر]

السلام عليكم خواتي
يمكن موضوعي بالمكان الغلط بس و الله ما ادري
مترددة بس قلت مالي احد غيركم بعد رب العالمين
بنت عمي بتولد قريب ان شاء الله
و مو عارفة من وين اشتري لها هدية
ابي مكان اقصد محلات حلوة عندها هدايا للمناسبة هذي
الف شكر لكم :tek:

 

[autointoxication]

رد: ترددت وايد

شوفي اذا تمونين عليها سأليها شنو باقي لها ما جهزته و ييبيلها اياه هديه
صدقيني هالحركة احسن شي لأنج تضمنين انها تستفيد من هديتج
و لما تولد دزيلها ورد
و اذا ما تمونين عليها
انا بالنسبة لي احب اهدي شي تستخدمه

مثلا :
food&bottle warmer from mother care هذا يسخن ممية أو اكل البيبي راح تحتاجه و سعره 10 دنانير

baby monitor هذا مثل اللاسلكي عشان تسمع البيبي اذا بعدت عنه هم تلقين انواع عند مذركير و تتراوح اسعارهم ما بين 22 الى 58 دينار

ممكن بروش أو قلب ذهب للبيبي (ادري شغله قديمه بس الحين الذهب غالي الاغلبية ماراح يشترونه هديه)

اذا شريتي لها عربانه للبيبي ما اتوقع انه في غيرج بيسويها لأنه ماحد يبي يشيل عربانه شكبرها على قلبه بس انتي دام تمونين عليها عادي

و ممكن تعطينها gift voucher من بروي عشان اهيه تختار اللي تبيه بالمبلغ اللي يناسبج


ممكن معقم مميات

ممكن هديه لها اهيه مثلا خاتم ، ساعه ، مادري شي شخصي يتم معاها سنين

مادري اكو وايد شغلات ممكن الواحد يقدمها هديه

 

[رهف المشاعر]

رد: ترددت وايد

مشكورة اختي autointoxication
اختصرتي لي اشياء وايد و وفرتي علي وقتي بالتفكير عاد حدي مشغولة هاليومين
يمكن هذي ...... يمكن هذيك .... لأ .... الخ :0bee2e8d89:
الف شكر لج اختي :tek:

 

[autointoxication]

رد: ترددت وايد

حياج الله حبيبتي

 

[شمـوخ]

ذكرتيني مره شريت قفص من الهنوف وشريت دب من سنتر بوينت وشمعه كانت فيها نقشه مثل نقش الحديد إللي على القفص وحطيت أعواد كرات مجففه على التور اللي بقاعدة القفص المهم وحطيت مبلغ بقيمة خمسين دينار ملفوفين بأحد الأعواد ولفيت القفص كله بتور وزينته بالأشرطه الساتان ، المهم قدمت الهدية للوالده ، وبعدها بسنه قال زوجها لزوجي الله القفص ليما الحين معلقينه بغرفة ولدي ، فالأخت اطلعت موداريه عن المبلغ الملفوف ودرت بعد سنه من تقديم الهديه بعد انزالهم لهالقفص ، الصراحه كان موقف مضحك لأني تعديت حدود التفنتق وخشيت المبلغ بالأعواد وما فكرت أن بعض الناس ما يحبون ينبشون ههههههههه


مره أهديت لأختي حوض سمك دائري كبير وزينته بتور وحطيت المبلغ بجنطة صغيره من القش وعلقتها من الخارج على الحوض