ترشحت اليوم لوزاره التربيه،، شنو الخطوه الثانيه اللي راح اسويها؟

[jen2n]

السلام عليكم

اشلونكم بنات

الحمدالله الواحد الأحد الفرد الصمد لم يلد ولم يولد، والصلاة والسلام على نبينا محمد وعلى آله وصحبه المجد،

ترشحت وزاره التربيه تدريس بعد ما حطيت واسطه قويه لان قامو يوظفون على حسب الاحتياجات مو نفس قبل

و باجر راح اراجع الوزاره فشنو اخذ معاي من اوراق

ووين اروح بالضبط اي قسم وشنو راح اسوي اهناك؟

ومنو تخصصها فلسفه و تاريخ شنو الاسئله اللي انسألت بالمقابله؟

وجزاكم الله خير

 

[jen2n]

اوبااااااااااااا

 

[يا قائم آل محمد]

و عليكم السلام
يسعدني اني اكون اول وحدة تبارك لج
عالبركة ان شاء الله

 

[يا قائم آل محمد]

مادري شنو تاخذين بالضبط
بس اخذي معاج صور شخصية 4*6
البطاققة المدنية و صورة عنها
الجنسية و صورة عنها
مممممممم
طبعا الشهادة
اتذكر خذوا من عندنا نسختين طبق الاصل
مممم

بعد ما اتذكر

 

[jen2n]

مشكوره حبيبتي الله يبارك فيج

بس ما تدرين اذا يبون كشف الدرجات وجواز السفر؟

 

[يا قائم آل محمد]

كشف الدرجات اهي الشهادة
اللي لازم تكونين ماخذة من الجامعة نسخ طبق الاصل
الجواز كأن بلا
لان وانتي تعبين البيانات بيكتبون لج يبون اسمج بالانجليزي مثل المكتوب بالجواز

 

[jen2n]

اها اوكيه

يعني يبون نسختين طبق الاصل من الشهاده

ونسختين كشف الدرجات صح؟

 

[يا قائم آل محمد]

اي

 

[jen2n]

مشكوره وايد يا قلبي

 

[Ajmal E7sas]

احسج وايد تحاتين جنان لول
الحمدلله و مبروك على التوظيف ,, الفال لي الحقج عمّا قريب ان شاء الله
موفقه حبيبتي

 

[jen2n]

اي شسوي خرعوني على سالفه احتياجات الوزاره يعني يقطوني الصحه والا بمكان مافي كادر وانا شهادتي تسمح لي اكون مدرسه من جذي تلاحقت على نفسي لووول والله يبارك فيج حبيبتي ،،وان شاء الله خير انصحج تراجعين الديوان كونتر 14 مكان يسمونه اختيار الوزارات مو الاستعلامات لان الاستعلامات ما يعرفون ولا شي

 

[يا قائم آل محمد]

العفو و لو جنان

 

[Q8Buying]

مبروك الترشيح، والله يوفقج أبلتنا
والفال لنا!.. مو تربوية بس أبي تربية :d ..

 

[jen2n]

الله يبارك فيج

حتى انا مو تربويه

ونصيحه روحي الديوان استفسري منهم

ولا تروحين الاستقبال دشي الكونترات وخاصه رقم 14

لان الكونترات عندهم سستم خاص يدخلون فيها يعرفون مكان الترشيح

اما الاستقبال كل حجيهم فاضي ترا

 

[ملآمح يوسفيه]

الف مبروك ياقلبي

​

 

[Q8Buying]

راح أصير زميلتج في المهنة ! الحمدلله ..
واسطتنا رب العالمين ... ودعواتنا .. حمدلله ..

وأتوقع ألحين ما بقالج شي من معاملاتج..
نحن على خطاكم نسير الآن .. هههه ..

أهم شي إني متابعتج ! لول

 

[jen2n]

الله يبارك فيج ملامح تسلمين

الف مبروك Q8Buying

تصدقين ان قبل مقابلتي مالت التعيين واسطتي اتصل فيني وقال لي ترا ما قدرت اسوي لج شي!

لان كنت معطته كتاب ترشيح فقال لي لازم رقمي يكون 1 عشان اترشح تربيه

ضحكت عليه وقلت ترا عينوني بالتربيه وبعد يومين مقابلتي! وانا طول المده على بالي الواسطه مسويت لي شي لووول

المهم باقي من معاملاتي اهيا الفحوصات وما ادري متى لازم اسويها

 

[Q8Buying]

إي أوخيتي قريت لج هالتعليق .. إن الواسطة ما سوت شي ..

فعشان جذيه قام أقول: واسطتنا رب العالمين! .. وعلى نياتكم ترزقون ..

والله يكتب لنا الخيرة في أمورنا .. ألف حمدلله ..


والله يبارك فيج .. ويبارك لنا بهالوظيفة ..
وآنا من مشاركاتج .. ومن كلامج عن مقابلتج .. حسيتج مجتهدة .. وحابة تخصصج ..
ولكل مجتهد نصيب!

آنا إن شاء الله الأسبوع الياي .. أبدأ مشاويري الوظيفية :d
وتجربة حياة جديدة!

 

[jen2n]

ايه الحمدالله رب العالمين والنعم بالله

امين يارب

الحمدالله انا حابه تخصصي مو على شان سهل دخلت له

بس ما كنت ابي تدريس بعدين عاد اخر كورسات لي

قالو لي الدكاتره افضل طريقه لتثبيت المعلومات اهيا التدريس

عاد الحين خفت من البلاوي اللي قاعده تصير فقلت اذا ما عجبني الوضع بكمل دراسات عليا والله كريم

بس ما قلتي لي شنو تخصصج وحددو لج موعد مقابله والا بعد؟

 

[Q8Buying]

أحد قالج تخصصج سهل؟
ههه تخصصج يخوف! .. لول

الله يوفقج .. اللي يحب يتقن عمل ... لابد يحبه قبل

آنا تخصصي علوم معلومات .. يعني ناوية أصير مدرسة حاسوب ..

الأثنين الياي مفروض أراجع

توة طالع قبولي ..

فالله كريم .. مشواري طويل!