ترضين تتزوجين بدون شبكة ؟

[english muffin]

سلام عليكم بناااات

شلونكم عساكم بخير ؟
ماعرفت وين اكتب الموضوع قلت ماكو الا هالقسم

طبعا انا مب متزوجة لوول
بس عندي سؤاااااال للمتزوجات والآنسات العانسات لوول


بناااااااات ترضون تتزوجون من غير شبكة ؟؟؟؟؟

يعني حتى لو مابتسون حفلة ولاعرس هل ترضين تتزوجين من غير شبكة ؟؟
انزين لو كنتي بتتزوجين عن حب والريال شوي على قده هني هل ترضين تتزوجين من غير شبكة ؟ بس دبلة ؟؟


انا عن نفسي مستحييييييييل حتى لو احبه واموت فيه .. دامه مو قادر اييب لي شبكة يعني مب قادر يفتح بيت وانا مب رخيصة حق ارضى بهالشي من اولها
شرايكم انتو؟

 

[رااميس]

لا حبيبتي انا تزوجت بدووون شبكة ولاجاابلي هدايا ولاشي ولاشي

ومستاااااااانسه معااااااااااه والفلووس والشبكة مو كل شي بعد الزوووواج بتفهمين قصدي

 

[DooLy88]

عني انا

لازم شبكة - موعلشان شي هاذي ذكرى حق بداية حياتج وحلوة العروسة تتزين بالذهب او الالماس يعني الشبكة
مومظاهر وحب الفلوس والزينة بالعكس - شي حق زواجي اخشه لي عقب سنين انذكره ومستحيل ابيعه
ابيع كل ذهبي الا شبكتي :$
انا عطاني المهر + فلوس الشبكة


حتى لو اني متعودة كل فترة وفترة اخذ لي ذهب - لاحبيبتي هالمرة الذهب باخذه لاني عروسة وهاذي شبكتي واخترتها وانا مع خطيبي او مع امي - مادري احس قمت اخربط لووول المهم : لا عني انا لازم شبكة
بعدين الشبكة شي متعارف عليه وطبيعي عند كل عروسة
لو ماخذيت شبكة بقول آآآه ياقلبي كل العروسات عندهم الا انا لوووول

 

[miss_jamsheer]

لووووووول عادي انا بدون شبكه لانه كان توه يدرس وحتى لو عنده مادري موشي اساسي بالنسبه لي اللهم الدبله اي لازم

 

[أم حيدور]

اذا الريال شاريني وعلى قد حاله ما اشووف انه لازم الشبكة ^_^ ..

انا عن نفسي ريلي عطاني سعر الشبكة لكني صرفتها حالها حال المهر :$ ..

لكن من وجهة نظري اذا الريال مو قادر مو لازم تكلفينه فوق طاقته ^_^ ..


وانتي قلتي (( انا عن نفسي مستحييييييييل حتى لو احبه واموت فيه .. دامه مو قادر اييب لي شبكة يعني مب قادر يفتح بيت وانا مب رخيصة حق ارضى بهالشي من اولها ))

وجهة نظرج على راسي لكني اعارضج فيها ..

باجر الله يرزقج ولد الحلال وبتشوفين ان الواقع غير ^_^ ..

 

[تعويذه الحب]

حبيبتي الشبكه والمهر شي اساسي مستحيل الوحده تتنازل عن شي منهم

وانا بالنسبه لي لازم شبكه

 

[ريتااجي]

عادي أنا بدون شبكة بس دبلة

لا والدبلة انسرقت بعد وشرا لي غيرها

والحمد لله بعد الزواج عوضني عن كل شي

 

[~{GooShTa}~]

لا الشبكه مو شي مهم .. الدبله عندي اهم من الشبكه .. يعني الشبكه ماراح البسها على طول مره او مرتين و بس .. بس الدبله اهي اللي بتم عندي

 

[SOKAR MALE7♥]

مو شرط لان احنا البدو المهر يكون واجد يعني 6 الالاف او اكثر لكن اكثرهم يجيبون هدية الصباحية
تكون سواره ذهب او طقم ناعم حلو وبعضهم فلوس

 

[الأماكن]

مو شرط اساسي الشبكة

أهم شي المهر

احنا البدو مهرنا من 5و 6آلاف وفوق

يعطونا المهر و احنا البنات اللي تختار الشبكة و الذهب

 

[شامبو]

مولازم حبيبتي شبكه بس انا يابلي شبكه و دبله

و انا حضريه و كان مهري 8 مو بس البدو مهورهم وايد حتى الحضر بنت خالتي مهرها 12 الف

 

[مجنونة بس عاقلة]

الشبكه مو شي مهم

 

['Basma']

انا اشوف انها شي ضروري. لانه مثل ما قلتي اذا اهو مو قادر غلى الشبكة شلون يقدر يفتح بيت اللي اهم من الشبكة

 

[صخر جلمود]

مو ضروري آهم شئ المهر

وهذي كلها آشكاليات

شبكه وهو مو مسعدها

ولا بدون شبكه وعايشه ملكه

مو شرط آساسي

 

[Anestazya]

مادري اهم شي المهر واحنا نشتري شبكه ترى موكل الناس يعطونهم شبكه

بس اذا انتوا متعارف عندكم الشبكه شي غير

 

[om...al3ess]

يااااااااااااا حبيبتي الشبكة ماا تكبر البخت انا ما طلبت شبكة ......ب يااابووني دزة اتبيض الوويهه ان الكل يتكلم عنها وعبارة عن 4 شبكاااات والشبكة اشبسوووي فيها مثلا واحد ماعندة ورفضتة والثاني ماعندة وهم رفضتة وبعدين يعني اخلل عمريشان شبكة اشدعوة وخو الريال مو الي يبي يفتح بيت يبفتحة بشبكة صراحة انا ما احب الامووور لانة كوون ريلي واذا ما يابلي شبكة الحين بيبلي شي اغلى من الشبكة مع الايااام ....
لازم اخلي الريااال يعطيني مهر 90 الف واقولا شبكة عشان يكبر بعيني واحس ان ريال بشبكة .....شي غريب انتوا صراحة

 

[درة أهل الطولات]

:nbvppw: خليها على الله :nbvppw:

انا تزوجت من غير شبكه ولا دبــلة

 

[tolay]

اول شي حبيت اوجه لج كلمه

مافي شي اسمه عانس

آنسات وبس

وثاني شي على حسب المهر

في ناس يعطون شبكه ومع مهر 4000

وفي ناس مهرهم 5000 مايعطون شبكه البنت اللي تشتري

وفي ناس يعطون المهر 4000 ويزيدون 500 عشان الشبكه

بهالحاله عادي

اما اذا مهرج اقل من 4000 وماكو شبكه احسها موحلوه :/

 

[SOKAR MALE7♥]

انزين لو ماجاب لا شبكه ولا دبله وحتى هدية صباحيه عرسها ماجاب شي شتسوي !!
عشان انا مو متزوجية وابي استفيد مستقبلا ان شاء الله

 

[كويتيه مذهله 87]

لا حبيبتي موشرط

انا ماياابلي شبكه كااا قدر يفتح بيت وشرالي سياره وكل شي بخاااطري