ترقيه زوجي

[شيهانه الجبلين]

السلام عليكم بنات بااخذ رايكم زوجي صار له مترقي شهرين ولا اهديت له شي كنت ناويه هديه قيمه الله يعافيكم وش اهدي له كنت ناويه اي باد او جالكسي تاب بس المشكله له محل جوالات مو بحاجه عطورات احسها مش اد المقام بليز بنات اعطوني من ارائكم بالاضافه لعباره حلوه انتظر ردودكم

 

[زوجة عزيز]

مبروك الترقيه الله يوفقكم up up up

 

[اميره بكلمتي]

اشتريله سااعه مااركه مع قللم وبوك ماركه ويكون كشخه ترا اغلب الرياجيل يحبون هالشغلات

 

[دنيا أبوها]

اشتريله سااعه مااركه مع قللم وبوك ماركه ويكون كشخه ترا اغلب الرياجيل يحبون هالشغلات

انا معاها روحي أون تايم و غيره تلقين ساعات رجالية حلوة آنا بصراحة أحب ماركة أرماني ،
ومرة قريت فكرة إذا زوجج إنسان ملتزم و متدين ، تتبرعين بمبلغ معين بنية إن الله يحفظ زوجج و يسهل أموره و يبارك له بعمله ، و تعطينه فاتورة التبرع على شكل هدية .... الحين وقت مجاعة الصومال تقدرين تستغلينها ( انتي تعرفين طبيعة زوجج)

 

[انا لحبيبي .]

مبروك الترقيه حبيبتي ،

بوك مفاتيح للسياره ،

غتره وعقال ،

بوك ،

ساعه

 

[الحب الحئئ]

نفس ما قالو البنات

 

[Gifts&Occaions]

مبروك الترقية اشتريله بوك أوجوتي وانتي بكرامة ماركة

 

[مناير ...!]

عليكم السلام
دام عنده محل مايحتاج نقال
اهديه محفظه ماركه وكبك ماركه

 

[ماحب اتدلع]

احس هالهداية مافيها شي يديد كل مرة نفس الهدايا ماعندكم شي مميز؟ بوك ونعال وعطر ومحفظة كلة نفس الشي ملل
<<-- ملقوفة على بالها صاحبة الموضوع
اممممممممممم خلني افكر لج اشتري له بيجامة حق البيت عشان يكشخ لج هذا اول شي الشكل الي تحبينة انتي مو الي يحبة اهو ملينا من المكسر والفانيلة بو علاق خخخخخ يكشخ برا البيت بس يعني؟
واشتري له صابون نيااهاهاها مااقصد صابون عادي لايعني طقم لوشن للجسم ريحتة حلوة وحطيهم بصندوق وداخله ورد مجفف معطر بألوان حلوة وربطية بشريطة لونها حلو ولاتنسين بطاقة صغيرونة كتبي فيها (الى قلبي الخافق ..خخخخ المهم اكمل اذا ماتبين الخافق براحتج.. اهديك حبي قبل كل شي مع قبلة رقيقة بطعم الكرز واهمس في اذنيك بنفس الورد واقول لك ألف مبروك الترقية واتمنى تقبل هديتي البسيطة بيد من حرير .. من ..شريكتك بالفرحة ^^ )
وضيفي لهالهدية الي تبين بس هالمرة الشي الي يحبة ^^ وشكرا

 

[ChocolateFlower]

ساعه ماركة

 

[توتا حمرا]

مادري ليش احسكم وااايد تبالغون بالهدايا
لازم الهدية تكون لها قيمتها ما تكون مثل شرب الماي كل شي وقلتوا هدية
انا برايي انج تحجزين ليلة بفندق
او تعزمينه عالعشاء في مطعم حلو وتطلبين كيكة مكتوب عليها مبروك الترقية
والهدية تكون عبارة عن درع زجاجي مكتوب فيه التهنئة
وهذا رايي وانتي سوي اللي يريحج​

 

[dantial]

مبروك الترقية
ومثل ما قالت توتا حمرا
عشا برا
او احجزي له بفندق وسويله سبرايز
او اذا كان من النوع اللي ما يحب الحجز بالفنادق
سويله حفلة بالبيت عبي طوف بيتك او غرفتك اوراق طابعتها بالتهنئة وكلمات الحب
او عبي البيت بالونات او بالورود
وسوي عشا رومانسي شنوع والسوالف هذي
وضبطي عمرج ولبسي اسواريه كأنج رايحة عرس
صدقيني بيستانس حيل من هالحركة

وبالتوفيق

​

 

[hooryah q8]

اهوا مترقي المفروض اهوا الي يفاجأج ابهديه مو انتي هههههههههه
بس دامج ابتعطينه لهالمناسبه انا اقول المناسبه ماتحتاج هديه

عزميه على مطعم او سينما احسن
طلعوا استانسوا وغيروا جو

الله يوفقكم ويسعدكم ويخليكم لبعض