تركــــ من أحلى ـــــيا أيام عمري صيف 2011

[هدوء العالم]

بسم الله الرحمن الرحيم

السلام عليكم ورحمة الله وبركاته

شلووونكم خواتي الحبيبات إن شاءالله بخير اليوم بحطلكم تقريري المتواضع
وهمسة خواتي الحبيبات خلو الصفحة تتحمل علشان الصور فوق 270 صورة تطلع

​

التقرير​

والتقرير المتواضع والحمدالله فضلت أنزله بداية بدون ردود لكل جزء ليتسهل التصفح لأنه أتوقع ما يحتاج أجزاء عديدة للبورصة ومثلها للأسطنبول لأنه ( لازم الرحلات تأتيها ظروف خارجة عن إرادتنا ) بعض الجدول تغير وخاصة جدول إسطنبول
وليكون أسهل بمتناول الجميع​

وأهم أنوه أخواني وخواتي إن بالسفر يجي ظروف خارجة عن إرادتنا فلازم الجدول يكون فيه يوم فسحة ولا مكان هادئ علشان ما نحط اللوم على مشرفينا ولا أخوانا الأعضاء لأنا ما أستانسنا بسفرتنا
ولا خبرونا بعيوبها​

​

الفكرة​

كان في خاطري أسافر لزيلامسي وأنترلاكن لجبالهم الخضراء و القمم الثلجية البيضاء و البحيرات الزرقاء فتجتمع الألوان الجميلة الأخضر و الأبيض و الأزرق وكنا نحجز وباقي على السفر أسبوعين والسفرة تنلغي في 2010 ،، وفي 2011 الحمدالله أنلغت السفرة قبلها بــ 3 شهور فأتضايق وأصبر علشان الوالد الله يطول بعمره فتحولت ولله الحمد لتركيا ( أسطنبول و البورصة )
والحمدالله أستانس الوالد بالبورصة لأنه بملاهي لونا بارك ديوانية لمعارفه بالكويت وأحنا نلعب بالألعاب
بس ما يرتاح يتبعنا علشان ما نلعب الألعاب الخطرة
نكبر ولا نزال صغار بنظر والدينا الله يطول بعمرها ويعطيهم الصحة والعافية​

وبعدين دخلنا في توزيع الأيام 10 ليالي
وشفنا الأفضل وبدون تعب وكان ودي في أوزنجول
في البورصة 5 ليالي ،،، 5 ليالي إسطنبول​

​

والتاريخ​

من الثلاثاء 5\7
إلي السبت 16\7​

​

الأشخاص​

كنا 4​

الوالد الله يطول بعمره
وهدوء
و أختي 17
وأخوي 12​

​

والطيران​

كنت أفضل على الإماراتية علشان عند العودة نتسوق بدبي وإلي مالي قناة عنها
بس فضل الوالد على التركية لأنها دايركت وما يفضل الترانزيت​

وحجزنا التذاكر في أبريل ​

كلنا في دينار 290 للشخص إلا أخوي210 دينار
والمجموع 1080 دينار​

مع أن على الإماراتية أقل بس مثل ماذكرت علشان التركية دايركت​

ووقت الأقلاع 2,15 صباحا يوميا من مطار الكويت
والوصول للكويت 1,15 صباحا يوميا​

ووصول مطار أتاتورك 6 صباحا يوميا
والإقلاع 9,15 مساءا من مطار أتاتورك​

والفيزا لكل شخص 20 دولار​

​

الفنادق​

من 5\7 إلى 10\7
البورصة وفندق بايا هوتيل Baia Bursa Hotel
فندق 4 نجوم
غرفتين منفصلات وكل غرفة 60 دينار
والمجموع 600 دينار​

مع إفطار​

وهذا سايت الفندق في بوكينق​

هنا​

ومن 10\7 إلى 16\7
إسطنبول وفندق جراند حياة إسطنبول Grand Hyatt Istanbul
فندق ه نجوم وقريب من التقسيم
وحجزنا غرفتين منفصلات وكل غرفة 100 دينار
والمجموع 1000
مع إفطار​

وموموجود في بوكينق
وهذا سايت الفندق​

هنا​

​

يتبع​

 

[هدوء العالم]

​

ونبدأ يومياتنا

ليلتنا الأولى

الثلاثاء 5\7

رحنا لمطار الكويت الدولي الساعة 12 بعد منتصف الليل
وخلصنا الإجراءات بسرعة ورحنا نتعشى في مطعم تشيليز مطعمي المفضل وما أحب أكل بالطيارة بس يادوب ماء أو قهوة

ومن بعدها ركبنا الطيارة لين ننصدم مافيها شاشات وهي طيارة ضيقة 3 كراس وممر و3 كراس والممر ضيق

وطرنا بمشيئة الله 2,30 لازم يكون في زوووود علشان حركة الطائرة قبل الإقلاع
ووصلنا والحمدالله الساعة 6 صباحا
مطار أتاتورك

وخلصنا الإجراءات وطلعنا منه الساعة 7 لين شفنا السايق إلي ناطر يوصلنا للبورصة

وكان طيب وبشوش بس ما يعرف الأنجليزي ولا عربي ونتفاجأ جانا في باص يكفي 14 شخص وأحنا 4
بس يا وناااسة أخواني نامو بالسيارة الوسيعة وكل شوي يغيرون مكانهم
والمسافة من مطار أتاتورك لين فندقنا بالبورصة ساعتين ونصف

وهذي صور الطريق

والحين رحنا عند ميناء

ESKIHISAR ISKLESI

علشان ينقلنا للبورصة وشفنا الزحمة بس الحمدالله بس السايق يقدم أوراقه والفلوس وبس يعني قعدنا 3 ولا 5 دقائق

وهذي الصورة تهم إلي يحب تأجير السيارة الخاصة وهو ميناء ESKIHISAR ISKLESI

وكان الطريق حلو وهذي صور بعد ركوبنا العبارة

ووصلنا الفندق الساعة 9,30 صباحا و نزلنا ونزلوا شنطنا لين ننصدم إن عند الدخول للفندق حاطين مثل كونترات المطار للتفتيش قلنا أستغفرالله ليش من زود الحرص طلع كل فنادقها ومولاتها ، دخلنا الرسبشن وسلم الوالد اوراق الحجز ، قالوا انتوا حجزكم تستلمونه الساعة 2 الظهر
حاول الوالد وحاول بس رفضو ورحنا المول المقابله أس مركز وقعدنا ساعة ونصف ولا كان لنا نفس ناكل على عشانا بمطار الكويت ورجعنالهم بنقعد باللوبي ونرتاح ولين قالو الساعة 12 الظهر الغرف جاهزة
وسلم الوالد حساب السائق وتواعدنا لليوم القادم يجي الساعة 11،30 صباحا
ورحنا طيران للغرف ندور المخدات علشان نام ​

 

[هدوء العالم]

وهذي صور الفندق بعد الراحة​

​

​

​

وهذي غرفتي مع أختي​

​

​

​

​

​

​

​

​

​

​

​

وهذ الحمام وأنتم بكرامة​

​

​

​

​

وفيه تكييف حق إلي يحب التكييف​

​

 

[هدوء العالم]

وهذي الإطلالة وكانت غرفنا كلها من الجهة الرئيسية وفوق المدخل بالضبط وأس مركز ورانا​

​

​

​

​

​

​

​

إنتهينا من الفندق
مميزاته
نظيف ،، مو في قلب مدينة البورصة حق إلي يحب الهدوء ،، قريب من جبال أولداغ ،، الشجرة المعمرة ،، ملاهي لونا بارك
والأهم عنده مراكز تسوق مثل أس مركز AC MERKEZ​

وعيوبه
مافيه شطاف وأنتم بكرامة
وإلي يحر شافونا يوم شرينا من السوبرماركت إلي عنده ماء قالوا لا تعيدونها مرة ثانية تبون أطلبو من خدمة الغرف وفي فلوس​

وطلبنا غلاية ماء وكانت كل يوم بحساب مو مجانا
وإلي يحر أكثر عند الباب حاطين أعلان تحذيري وباللغة العربية هي بالذات ما ذكرو لا بالتركي ولا بالأنجليزي
كتبوا
ما نسمح بإستعمال القدور الضاغطة الكهربائية ،، ولا قلاية الماء ،، الكواية
نسحبها وعند المغادرة نرجعها لكم وغيرها وغيرها
تعليقي
شايفينا حنا العرب مزعجين ونتلف الشئ​

​

يتبع​

​

 

[هدوء العالم]

وبعد ما نما وأرتحنا رحنا نتجول بالمول وحول الفندق الساعة 9 المساء

هذي أسم الكوفي إلي نقعد فيه يوميا

وبس هالصورة الوحيدة إلي لقيتها من قعدتنا اليومية فيه

وهذي الصورة تبين مطعم وحبيب الكل ماكدونالدز بس الله يزيد النعمة أكلهم يجي ماله طعم ويعني مافيه ملح
ويعطونا أكياس ملح نحط على رغبتنا
ونفس الشئ المطاعم العالمية في تركيا

وهذا المحل لأثاث الأطفال وموجود بالكويت

 

[هدوء العالم]

وندخل المول وأستغربنا إن في المول تفتيش مثل المطارات وقلنا عشتو تفتيش كأنا داخلين طيارة إلا طلعت كل مولات تركيا

وهذي صالة تزلج وكنا نقعد فيها يوميا علشان أخوي يلعب وكان مستااانس إنها دائما فاضية تدربه المدرب ونكون فيها 10 الصبح

وهذي الكوفي إلي عنده وكانتر المدربة

وبالساعة 10،15 قلنا تو الناس خل نروح للملاهي لونا بارك ورحنا ونلعب

واليوم هذا ماصورت لأنه كل يوم بنجيها

إلا صور عشانا لأنه طقنا الجوع وعلى عشانا من مطار الكويت


والمطعم و المقهى إلي قدام الألعاب

​

طلبنا
2 مشلتت لحم ،، جبن​

​

2 شاورما تركية
مع 4 بيبيسي​

​

وهذي صورتها من عند طاولتنا​

​

وكان الحساب
40 ليرة تركية​

وبكذا تنتهي ليلتنا الأولى ليلة الوصول


والحمدالله رجعنا الفندق ونما ونستعد لليلتنا الجديدة

يتبع

 

[هدوء العالم]

ونبدأ ليلتنا الثانية


الأربعاء 6\7


وكان الجدول


( الشلال الكبير ،، ومزرعة النعام ،، و لونا بارك )



قمنا من النوم الساعة 9 وبعد ما جهزنا أنفسنا رحنا للفطور في الفندق


وسامحوني ما قدرت أصور لأنه فيه إذا قلت 10 عوائل خليجية فهذا شوي وماشاءالله كل عائلة كبيرة الله يحفظهم ومع أجانب وأتراك


وكان فطورهم حلو

وهذي أطلاته مثل إطلالات غرفنا

ومن بعد رجعنا لغرفتنا لأنه موعدنا مع السايق الساعة 12 الظهر
والحمدالله تغير السائق وجانا كبيرهم وأسمه حسين وهو كان مترجمنا مع سايق إلي جابنا من المطار للبورصة


وكان يتكلم عربي ومع أنه تركي


وهذي صور لطريقنا ومرينا على بحيرة يالوا بس مانزلنا لها حسااافة وكنت مسجلتها عندي

ووصلنا والطريق كان ساعة ونص من فندقنا ووصلناه 2 الظهر

وكان يوم مشمس خصوصا صوب الشلال

فالصور ما أطلعت حلوه

وهذا سايقنا قاعد يصلي الظهر

ومن عقبها قعد أبوي سكري الكاميرا علشان ما تطيحين علينا لأنه كله مدرجات صخرية وماي علشان مانزلق


فقعدنا وممدنا رجولنا وأنتم بكرامة والماي بارد حده ولا تجينا عجوز تركية يحليلها تسولف علينا بالتركي وأحنا نبتسم بوجها لين جانا سايقنا حسين وقال اليوم عندهم نقوط أثاري كلمة نقوط تركية قال يعني زواج بنتها اطقوس إلي يسووونها مثل الحنة وغيرها شنو قصدها بتعزمنا يعني ولا بس جذي هههههههههههههه

وقعدنا عند الشلال ساعتين ولين طقنا جوع وأحب أنبه أنه مافي ولا كشك يبيع ماء ولا مطعم خفايف

فودانا داخل قرية قريبة وتغدينا مشويات
​

​

 

[هدوء العالم]

وعقبها الساعة 5،30 رحنا مزرعة النعام وهي في طريقنا للفندق

وأنا قاعدة أصور ولا أخواني خايفين ويمة ويمة يلفون راسهم لين النعامة وراهم وهالصياح هههههههه أخلي نفسي شجاااعة والخوف فيني وألتفت لينها وراي ههههههه
وكان فيها بس أحنا و3 شباب سعوديين يضحكون على أخواني يروحون صوب تجيهم النعام وكان ودهم يركبون فوق الطاولات ههههههه
والمزرعة لعائلة تركية الدخول مجانا بس نطلب شاي ولا قهوة بسعر رمزي ليرة ونص

ورجعنا للفندق الساعة 7،30 ودفعنا الحساب وكان 150 دولار
وأرتحنا وطلعنا الساعة 9 ملاهي لونا بارك مع تاكسي​

​

 

[هدوء العالم]

وبعد الراحة طلعنا ليوربا بارك Luna park وتبعد عن الفندق 10 دقائق
ودخولها مجانا
وكنا نروحلها يوميا ونرجع منها الساعة 12 بعد منتصف الليل
لأنه كانت هناك ديوانية لمعارف الوالد الله يطول بعمره
وأنا أختي نقعد مع أهلهم
وكانوا ماشاءالله 20 سنة ( أذكرو الله ) في البورصة بس
ولا إسطنبول محطة الوصول ومحطة المغادرة بس
وحتى قاموا يحاتون العجوز التركية صاحبة المطعم إلي بحط صوره إنها مو موجودة عبالهم ربنا خذا الأمانة
فسألوا عيالها طلعت ظهرها يعورها وأرتاحوا
وهم إلي ذكرولنا السايق حسين
وهذي الصور الألعاب إلي ما لعبت إلا السفينة والقطار والقطار بالياله ولا الباقي عليها أكبر أكس من الوالد


فأترككم مع الصور

وهذي صورة الشجرة بسم الله برقوا شنو فيها

وهذا بالزوووم

وهذي اللعبة كل ما مريناها قال الوالد منو الصاحي إلي يركبها عاد أقوله لا يبه لعبة سهلة وعادي نركب
قال حتى من وراي ما تلعبون

​

 

[هدوء العالم]

وهذي الحركات أول ماشفناها قلنا هذي عجين إلي يقول يسوي بيتزا ،، فطائر
ولا طلع أيس كريم والشئ إلي يضحك يحطون أغاني طقاقات خليجيات ويرقصون بدوي وخليجي
وأتصلنا على أهلنا بالكويت ونسمعهم ونقول أحنا بعرس خليجي هههههههه

​

​

وبعد اللعب والوناسه رحنا نتعشى في مطعم OCAKBASI​

وهو قريب من البوابة وبعيد شوي من الألعاب

وكان الحساب 80 ليرة​

وبكذا تنتهي ليلتنا الثانية
ونرجع للفندق الساعة 12 بعد منتصف الليل وناخذ شاور ونام
للأستعداد لليلة الثالثة

ويتبع​

​

 

[هدوء العالم]

الليلة الثالثة


الخميس 7\7


وقعدنا من النوم بكامل نشاطنا


وكانت جدولنا
( السوق المسقف ،، أولو كامي (الجامع الكبير) ،، زافر مول )



البداية رحنا للفطور بالفندق


وعقبها الساعة 12 الظهر رحنا للسوق المسقف


وهذي صور سوق المسقف

وعجبتني شلون عارضين الملابس

​

​

 

[هدوء العالم]

فحسينا بالجوع ولا نروح مطعم saray piknik
وحلو موقعه ومرتفع على دكه

وكانت طلباتنا

ماعونين شاورما

وحدها عجيبة خبز وفوقه لحم شاورما مقطع كبار وضعاف وفوقهم صلصة طماط حاره وروب

ونفس الشئ
ماعونين كباب وكبابهم غير وأغلب المطاعم التركية على شكل همبرجر
ومثل مقادير الشاورما ( يممممم تذكرت أكلاتهم مع إني قبل ما أسافر أحاتي كله مشويات ومثل أصبع البيبي إذا كليت نفسي تنسد من مشوياتنا بالخليج وطلعت أنا من محبات المشويات بتركيا )
وأحسن من مطاعهم العالمية على قولة جدتي الله يطول بعمرها المطاعم لا طعم ولا زعم ههههههه

و3 لبن عيران
وبيبيسي واحد

وهذي كراميل هدية منهم

وكان الحساب

70 ليرة تركية​

 

[هدوء العالم]

وعقب ما تغدينا رحنا الجامع الكبير نصلي وهو مسموح للتصوير فيه مثل باقي المساجد بتركيا


وهذي الصور

مكان الوضوء داخل المسجد

عقب خروجنا من المسجد طلعنا نتمشى
لين حسينا بالتعب ونقعد في أحد القهاوي وناخذ شاي

والساعة 6،30 رحنا زافر مول Zafer mall


وهذي الصورة الوحيدة في طريقنا للسوق المسقف

والمول من برا صغير بس من الداخل 3 سراديب وهو مثل ما هو موضح على شكل الإهرامات


وبعد التسوق رجعنا للفندق


ولازم نمر بعد الراحة بالفندق ملاهي لونا بارك لأنها ما تسكر إلا الساعة 12 بعد منتصف الليل
وفي الإجازة الساعة 1 صباحا



وبكذا تنتهي ليلتنا الثالثة
ورجعنا للفندق بالتاكسي
للأستعداد لليلة الرابعة

يتبع​

​

 

[هدوء العالم]

​

الليلة الرابعة​

الجمعة 8\7​

وكان جدولنا
( جبل الأولداغ Uludag ،، الشجرة المعمرة Big Tree )​

البداية رحنا لأس مركز الساعة 11صباحا ونتريق
وقلنا بنغير من فطور الفندق
بهالمطعم​

​

ميرندا​

​

​

والحساب ماني متذكرة لأنه كل شوي نروح وناخذ بيتزا حدها عجيبة​

وأخوي راح يلعب السكيتن​

وعقبها جانا سائقنا حسين ورحنا لجبل أولداغ وهناك في تلفريك من جهة الفنادق حق راكبين وتلفريك للمرتفعات إلي ما جربناه لأنه 30 راكب في مركب واحد والزحمة خصوصا رحناله الجمعة
رحناله بسيارتنا
وأحنا جربنا الأول ولأنه يودينا مطعم معلق
ويقول السائق إن بهالمنطقة بتصير أولمبياد الشتوية​

وأترككم مع الصور​

​

​

​

​

وهذا فندق مأدري جديد تحت الإنشاء ولا قاعدين يجددونه و4 نجوم وإن شاءالله الوالد الله يطول بعمره عند الوعد وأن عطانا ربي طولت العمر رحناله لأنه عجبته المنطقة ويقول جربناها بالأخضر إن شاءالله
نجربه بالأبيض الثلج​

​

وهذي أسم الفندق والمناطق المتوفره فيه و عدد النجوم​

​

​

​

​

​

​

​

​

 

[هدوء العالم]

وهذا المطعم من الداخل ومو شرط نطلب بس طلبنا شاي


وقبل النزول واحد من المطعم يصورنا وعقبها يسأل نبي الصورة ولا لا قبل الطباعة

وهذي إطلالته وموقعه العجيب

​

 

[هدوء العالم]

وقبل ما نروح لجبل أولداغ القسم الثاني وقفنا نشرب الماي العذب وكان بارد ويسوون الشاي التركي الحلو منه والأتراك كل واحد جاي بعشر علب ماي كبار ليدرسها

​

​

 

[هدوء العالم]

وعقبها رحنا بسيارتنا لمرتفعات أولداغ أحسن من التلفريك مثل ما عرفت الناس واقفة ومتحاشرة وبحط صورة تبين الزحمة عند إنتظار ركوب التلفريك للنزول
وصادف روحتنا فندقنا فيه جروب سياحي باليومي وكانت وجدولهم مثلنا جبل أولداغ
والجروب مو سياح محددين إلا كل نزلاء الفندق إلي يبي يدفع
وقعدنا بهالمطعم ويحليل راعيه شايب وشنباته الطويلة جاء وصور مع أبوي وأخوي


وكان أختيارنا أحنا إلي نشوي فإلي يشتكي من صدره ولا كلنا بعد عيونا تدمع من الدخان لا يشوي ويروح قسم بعيد عن الطاولات إلي يشوون وأهل المطعم يشوون أحسن
وخذينا
لحم ،، كباب لحم ،، كبد ،، جوانح دجاج ،، بطاط مقلي ،، بيبيسي
ويقدمون مجانا روب على العدد ،، خبز فرنسي ،، مخللات ،، سلطة
وأترككم مع الصور

هذي البهارات

وهذي طلباتنا

وهذي مجانا

وعقب الشوي

وهذي الشواية والدخان المزعج

وكانت طاولاتنا بجانب البحيرة الصغيرة يا حلو الخجل ههههههه

وبالزووووم ههههههههههههه

وفيه محلات وكشكات بس ما قدرت أصور إلا هالصورتين

وقبل ما نرجع رحنا نشوف التلفريك وكانت زحمة

وهذا المحل شفنا من عنده التلفريك

وكان فاضي ليش لأنه الناس قامت تنزل وإلي يجون شوي

​

​

 

[هدوء العالم]

وبعدها رحنا للشجرة المعمرة التاريخية


وهي شجرة ضخمة يتراوح عرض جذعها بين مترين الى ثلاثة امتار ولها فروع كبيرة عرض كل منها بحجم شجرة وعمر هذة الشجرة مكتوب عليها 600 سنة
ويوجد اسفل الشجرة مقهى جميل ويجري وسطه ماء الشلال وإطلالتة رائعة على مدينة بورصة وكنا نشوف ولا بالعربي الفصيح قالنا سائقنا شوفوا هذاك فندقكم ورانا خزانات ماء البورصة الكبيرة وفيها مطاعم بعد للشواء



وأترككم مع الصور

والساعة 9,30 المساء رجعنا الفندق نرتاح ولا طلعنا منه إلا لماكدونالدز نتعشى فيه بعد ما طقت عصافير بطونا
وكان الله يزيد النعمة لا طعم ولا زعم مثل أكل المستشفيات ويعطونا الملح وأحنا نرشه على البرجر والبطاط


وختمنا ليلتنا الرابعة والحمدالله
لنستعد لليلتنا الخامسة والأخيرة بالبورصة


وكان حساب السايق 120 دولار

يتبع​

​

 

[هدوء العالم]

ليلتنا الخامسة والأخيرة


السبت 9\7


وكان جدولنا


(( القرية العثمانية ،، الشلال الصغير ))


قعدنا من النوم الساعة 9،30 ونتجهز على الفطور بالفندق


ونروح عند أس مركز أخوي للسكيتن وأحنا نتسوق
لين جانا الساعة 12 السائق


ورحنا للقرية العثمانية وكان الطريق على ما أظن 15 دقيقة


والقرية جميلة وهادئة وفيها أهلها القرويين البسطاء والطيبين


وأترككم مع الصور

​

 

[هدوء العالم]

و عقبها رحنا الشلال الصغير
وهو برأي أفضل من الشلال الكبير وأقرب للبورصة وفيه مطاعم و جلسات روووووعة​

​

​

​

والحين نروح للشلال ولا زحمة وأزحم من الشلال الكبير​

والصورة توضح المسكين حط إيده على راسه من الزحمة ههههههههههه​

​

بس إلتقط هالصورتين
​

​

​