حبيتي انا توني راده من تركيا
لا غاليه ولا شي نفس اسعار الكويت بالضبط
من قال ان الماي بدينار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الماي عندهم بنص ليره يعني بالضبط ب 100 فلس واسعار السوق عندهم نفس الكويت واحيان ارخص بدرجه واحيان ازود بدرجه
اسطنبول جوها حار بس فيها مجمعات عجيييييييييييييييييييبه عندج مجمع جواهر وجاليريا واك مركز ومتروسيتي ومجمع كانيون كله ماركات وايد حلو ومجمع ستينا بارك وايد حلو وكله ماركات جنج داشه الصالحيه يعني اسطنبول مافيها اماكن وايد ما عدا عندج متحف اياصوفيا والسلطان احمد وايد حلوين يم بعض تخلصينهم بنفس اليوم وتمشين بمضيق البسفور حزت العصاري وتقعدين بالقهاوي اللي عالبحر ,,
وبورصه مافيها شي هم جوها حار فيها مجمع كنت ميداني ومجمع زفر بلازا ومجمع از مركز وبالنسبه للأماكن السياحيه عندج التليفريك الصراحه حده عادي ما يتقارن مع باجي التليفريكات اللي باوروبا والشلال الصغير والشلال الكبير هناك الجو وايد برد حتى بالنهار لان الارض مرتفعه
احنا قعدنا بترمال بيلوا تبعد عن بورصه ساعه ونص منطقه عجيبه كلها خليجيين والجو حده برد ابرد من بورصه الحاره وابرد طبعا من اسطنبول بليل ما ننام من البرد والله وتحتنا شارع طويل جنه قاعدين بالخيران قطار يمكشي بالنص نتجول فيه وتلاقين الخدامات مع اليها لقاعدين بالقطار والمنطقه حدها امان وكلها شرطه وبالشارع نفسه فيه بقالات ومحلات فطاير وفلافل صمونه الفلافل بالضبط ب 450 فلس وفي انترنت كافيه 3 محلات غير المشاوي والبرد ( يسمونها الدندورما)
وتلاقين الناس كلهم الخليجيين قز بهالشارع ويحطون كراسيهم ويقعدون لي الساعه 2 بليل
هذا المكان الوحيد اللي عجبني بتركيا قعدنا فيه شهر كامل وكل ما نبي نروح اسطنبول او بورصه او اي مكان نطلع الصبح ومانرد الا تالي الليل واسم المكان (يوك شدره) بترمال بحافظه يلوا
واي استفسار انا حاضره
