تركيا .................المساعده

[الكناري]

حبيباتي اعضاء منتدى الكويتيات:eh_s(17): :eh_s(17):

ابي منكم المساعده
اخيرا قررت اني اسافر تركيا في شهر 8 اغسطس
اللي ابي اعرفه انا بروح مع عيالي ايهو الاحسن اروح مع جروب او اروح بروحي
2- يقولون صايره غاليه هل صحيح هالكلام

3- واخيرا ابي اعرف الاماكن السياحيه والاسواق فيها ممكن المساعده:eh_s(17): :eh_s(17):

 

[<<الجوري>>]

هلا وغلا حبيبتي

تروحين وتردين بالسلامه ابصراحه حلاتها جمعه تركيا والله رحتلها ..

من ناحية غاليه غاليه..

عندج بورصه واسطنبول وجزيرة الاميرات هي احلى شيء رحتلها ومجمعات وكفيهات والغابات بعد حلوو..ومنتجعات بس انا لما رحت سكنت في فلا في منطقة اسمها بورصه..


اتمنى فدتج

 

[سجى]

هلا والله بالغاليه
انا صار لى 3 سنين اروح تركيا والسنه هذى الرابعه ان شاء الله
انا اول مره رحت جمعه مع عوايل معرفتنا بس مرتين رحت انا وزوجى وعيالى وهالمره بعد بصراحه روووووعه خصوصا بورصه تصلح للعوايل وبالنسبه للغلا توها غلت والا قبل كانت رخيصه وانا رحت اخر مره بسنه 2005 شفنا الفرق بالاسعار بس مو وااايد والحين بنزل لج جدول مخزنته عندى للضروره عن بورصه واتمنى انى افدتج واى سؤال انا حاضره



الجولات السياحية فى مدينة بورصة وضواحيها
---------------------------------------------
1- جولة جبل اولوداغ السياحية .
2- مدينة بورصة وزيارة جوامعها ومتاحفها والشجرة التاريخية
3- جولة سد بورصة ومنطقة كللس السياحية .
4- جولة شلالات كمال باشا المشهورة .
5- جولة الشلالات والعيون التسعة .
6- جولة يالوا . ترمال.كوكجه دره(يوك شجره) والحمامات المعدنية (الترمال).شينارجا. بلدة كوشيدرا وبلدة اوسبنربجوار حمامات الترمال –فاوسبنر تطل على بحيرة جميلة والغابة وايضا تقع فى الجبال التى اعلى منها شلالات جميلة جدا –وست بنر قريبة من يوك شجرة.
7- منطقة ايناكول وحماكات اويلات السياحية .
8- مناطق مودانيا وبوركاز وكورشونلو السياحية .
9- مناطق جمليك وكوملى الصغيرة وكوملى الكبيرة الساحلية الجميلة .
10- قرية ميسى وسد دوغانجه.
11- بحيرة ازنك السياحية .
12- منطقة منياس وبحيرة جنة العصافير .
13- مضيق كاراجابه السياحية .
14- جولة مدينة بولو وبحيرة ابانت الكبيرة.
15- حديقة الحيوانات وبجانبها الحديقة العامة.
16- حديقة لونا بارك.
17- مدينة اردك على شاطئ البحر



المجمعات التجارية والاسواق
---------------------------------
مجمع اوزدلك –اس مركز(وبه صالة تزلج)—مجمع رييل----السوق المسقف( بجانب اولى جامع) _ مجمع زفر __ مجمع كارفور

السكن
-------------
Vip Apart Hotel. T-- 90—2242343475 -1

2- وكالة الفضاء للسياحة والسفر --- سليمان يلماز(ابو عمر)
ت -- 00902242251146
00902242205431
جوال :00905327884698

3- ام على---- جوال-05326227962

وانصحج تتعاملين مع ابوعمر شركه الفضاء لانه بيسوى لج كل شى من المطار للشقه والرحلات بعد
والله يسهل طريقج يارب وطريقنا

 

[الكناري]

شكرا على ردودكم ما قصرتوا:eh_s(17):

 

[¤§ زيتونة §¤]

الله على تركيا وايام تركيا اخيييييييييييييييييه تهبل والله


الصراحة ما تملينها لو كل سنة تروحين تهبل شحلوها


انا رحت 8 مرات وبرجع لها وحشتني حبيبتي هههههههههههههههه

ماشاءالله ما قصرت اختي كويتية ولي الفخر
معلومات وافية وتشمل كل انحاء بورصة وحواليها
وكل سنة تلاقين عندهم شي يديد

بس الصراحة السفر لها بالسيارة وايد حلو لولا تعب الطريج الطويل لكن وناسة لما تطلعين بسيارتكم الخاصة وتلفين على كيفج وتفرفرين مني ومناك وتطلعون مناطق يديدة وترجعين بورصة بعدين



موفقة حبيبتي وان شاءالله تستانسين

 

[ام فيصل الكويتيه]

بصراحه رحتلها العام متتعجبتني بالمره ماتسوي العنوه غاليه علي الفاضي

 

[سمو]

احنا واايد نروح تركيا وخصوصا دايركت على بورصه ... وااايد حلوه خاصه جوها احلى من اسطنبول .. بارد وجبل uldug عجييييب يونس :eh_s(15):

فيها مجمع حلو اسمه( زفير) ووايد مجمعات كبيره ثانيه بعديه شوي

بس صراااحه الوناسه بالجبل .. وخاصه لما تروحون ما سايق يتكلم عربي

احنا ليش اخوي يدلها اخذنا سياره واحد نعرفه وافترينا بالجبل وناااسه

ومره اخذنا لحم ورحنا يم جدول ماي وقعدنا نشوي .. طبعا في محلات بالطريج تاحرين منهم الدوه وتشترين فحم .

اخر مره اخواني راحوا تركيا بالسياره ووصلوا بورصه بيومين :eh_s(15):


روحي وماراح تندمين ... صج الحين غاليه حالها حال كل الدول صارت غاليه

بس طبيعه تينن وااااحد حلوه .


وان شاء الله تسافرين وتستانسين :eh_s(6):

 

[ضي البدر]

أنا زرت تركيا مرتين مرة باسيارة ومرة بالطيارة فعلا روعة تستحق الزيارة

 

[طوق البنفسج]

البنات ماقصروا بس ترى اسبوعين كافيه .. و اذا عندج يهال راح يستانسون يراكضون و يلعبون كله جبال و العاب و بتلوع جبدكم من الشوي كل مكان انتي تشوين بروحج .. و على الغلا احنا رحنا العام كانت عاديه يعني مو غاليه وايد الا السوق اشلون احنا عندنا الي ب 5 دنانير اهم عندهم من 15 دينار و طالع بس هم يعتبر معقول .. بس الجواتي تكرمين و الجناط رووعه .. و اذا انتي اضعيفه فابدلات الضعاف اتينن ..

احنا سكنا باسطنبول فندقين اول واحد كان كراون بلازا .. تطلعين من بابه تمشين 5 دقايق الا انتي عالكورنيش و جبال الباب الرئيسي باب مجمع جنه اسمه غاليريا و فيه جمعيه و مطاعم و صاله تزلج .. بس هالفندق ممنوع اتدخلين اكلج من اول ماتين يعطونج ورقه التعليمات انه ممنوع الاكل .. وكل ويك اند فيه حفله احنا اول يوم وصلنا كان فيه عرس و حديقته اتهبل اطل عالبحر بعد

و بورصه سكنا بشقه باليله 45 الانه الفنادق فيها مو مكيفه بس الشقه الي خذيناها 3 دور و صاله كلهم فيهم وحدات

و لما رجعنا اسطنبول مره ثانيه سكنا ب كونراد هوتيل ايهبل .. بالسنتر كل شي يمج و يمه حديقه و سوق و مطاعم وجبات سريعه وااايد كان حلو

الفنادق هذيل كلهم 5 نجوم

و الاماكن السياحيه كويتيه و لي الفخر ماقصرت