تركيا وما ادراك ما تركيا

[fat]

السلام عليكم

شلونكم يا بنات ودي اودي امي الغالية تركيا بخاطرها تشوفها بس سفرتنا بتكون 10 ايام ابي اماكن يديدة لا تقولون بورصة واسطنبول ابي طبيعة وشي خيال

 

[fat]

وينكم يا بنات

 

[kakawa nona]

طبيعه وخيال بورصه حلوه وايد انا رايحتلها

ويمدحون بعد اوزنجول يقولون وايد طبيعه

هذي صور حقها

 

[kakawa nona]

http://www.q8yat.net/showthread.php?t=427107

 

[غاية مرامي]

اوزنجول رووووعه شفتلها صور سبحان الله جنه ويمدحون انطاليا واااايد

بالنسبه لي انا 4 مرات اروح تركيا بين اسطنبول وبورصة...بورصه ممله وماااافيها شي غير الجبل والتلفريك وضيقه خلق كل شي يسكر س8 تموت الحياه عندهم

الصراحة اسطبنول فعلا جوها غير وهيصه ولويه لي الصبح انا استمتعت فيها
.
وانصحج دخلي علي منتدي سفاري رووووووووووووووووعه كل شي يقولج عن الديرة وبالتفصيل الملل ومن كل النواحي

انا وايد فادني حق سفرتي الاخيرة حق تركيا

 

[kakawa nona]

لا بالعكس بورصه قعدنا فيها اسبوعين وما ملينا كلش اللي مليت منها اسطنبول زحمه بشكل مو طبيعي

والشلالات روعه
والتلفريك وناسه حداا في مطعم ايبونلج اللحم والأغراض وشوايه وانتي تشووين والمكان عجييب
والبازار حلو

 

[kakawa nona]

بورصه احنا كنا مأجرين شقه وايد كبيره فعشان جذي كنا مرتاحين فيها وايد واستانسنا
بعد في حديقة أسمها lona park ألعاب و قهاوي حلوة وايد كل يوم تقريبا نروح


انا كنت وايد قاريه مني عن تركيا وبس رحنا ورحنا على كلامهم يلوفا او يلوا
يقولون طبيعه نصيحه نصحيييه لا تروحينلها مكان الأتراك الفقاره وبيوتهم تبين شنو بالضبط اذا تعرفين مسلسل
لميس ويحيي وين بيت يحي جذي يلوفاا مافيها مجمع ولا مطعم ولا شي مكان الفقاااره قعدنا فيها يوم ونص يوم قمة الكآبه رحنا بورصه


بس وايد يمدحون اوزنجول كنا بنروح بس ما صارت

يقولون تأجرين مثل فيلا
وهذا كلام منقول

السكن متوفر والاسعار متفاوتة حسب نظافة وقرب السكن من البحيرة
نعم يوجد مساكن جديدة ومحلات تجارية متنوعة ومخبزين ومساكن خشبية تحت الانشاء ويوجد دراجات هوائية للايجار بقيمة خمس ليرات بالساعة

...............

غرفة شخصين 120 دولار
غرفة ثلاثية 140 دولار
البنغالو 235 دولار

ويوجد على بعد خطوات منه موتيل inan بنفس الدرجة والنظافة تقريبا واسعاره

الغرفة شخصين 150 ليرة تركية
الجناح 200 ليرة تركية
البنغالو غرفتين 200 ليرة تركية
البنغالوغرفة واحدة 150 ليرة تركية
ت : +904626566297
www.inankadesler.com.tr

بالنسبة للنوفتيل الغرفة السوبر اي الواسعة والمطلة على البحر بدون فطور وغير مستردة قيمة الحجز ب : 70 يورو وتعادل 135 ليرة تركية
............................

من مدة اقامته في ازونجزل اقل من ثلاثة ليالي يفضل حجزها جميعا قبل الحضور لازنجول لاختصار الوقت
يوجد موتيل ب 100 ليرة تركية امام المسجد واسمه onal مع الفطور