تسبحن بعد ولادتج ولا لأ؟

[Roty]

السلام عليكم امهات:eh_s(8):​

ولهت عالقسم​

عندي استفسار​

سمعت ان الوالده ما تتسبح على طول بعد ولادتي
خصوصا الممرضات بالمستشفى بعد الولاده يقولون قومي نساعدج عشان تسبحين​

انزين ليش؟؟؟؟​

انا ما سبحت بعد ولادتي على طول لان سمعت منكم هالشي بس نسيت شنو السبب​

امس كنت اسولف مع رفيجتي وقلتلها لاتسبحين بعد ولادتج على طول سألتني ليش قلتلها مادري​

المهم مابي اطول​

بس جاوبوني كل وحده تجاوب ياليت تسوون اقتباس على اسالتي ابي اجوبه كامله​

انتي سبحتي بعد ولادتج بالمستشفى؟​

اذا لا​

ليش ما نتسبح بعد ولادتنا؟​

هذول سؤالين ابي اجابات​

مشكورين والله يسهل عليكم ويوفقكم​

 

[غززلان]

مآآدري بمآآ آني بنووته



بس ححبيت آرفع لكك آلموضوع ...!!

 

[عيالي ذيابه]

انا سبحت
وفي الطبيب بعد

 

[الأميرة جوري]

علي حسب اذا زينه او دايخه ...بس سمعت تالي انهامو زينه تتسبحين

 

[دلال و غلا]

الوالده مو زين تتسبح
ع شان ما يدخلها هوا

 

[كتالونيه]

موزين تتسبح الوالده
انا اشوف بنات ثاني يوم يتسبحووون
موزين
الرحم مفتوح
بالنسبه لي امي ماتخليني اتسبح
الا بعد عشر ايام

 

[om 7sony]

الصراحه انا ما سبحت
معني كنت ناويه اغسل بس صج خفت من الهوا
مسحت بفوطه بس
صج كان بررررررد وقت ولادتي وخفت من الهوا
لان اخطر شي هوا النفاس

 

[قمري]

انا ولدت قيصريه وسبحت امي والدكتوره زفوني قالوا لازم تسبحين وكان شتا والحمدالله ماصار فيني شي

 

[tbola]

مادري

upp

 

[umm-7asson]

انا سبحت بس ما طولت

 

[FJ style]

اصلا طبيعي تتسبحين ثاني يوم بعد ماترتاحين اول يوم

ويع عرق وارف ووصخ

ماراح يدشجهوا
تسبحي بماي دافي ولا تطولين وتغطي عدل

 

[ضحاوي الديره]

لا طبعا مايصير تتسبحين عقب الولاده
انا توني الحين بالثامن بس اكيييييد ماراح اتسبح عقب ما اولد
ذاك اليوم اضبط جنطة المستشفى ومعاي امي تساعدني شافتني حاطه فوطتي وروبي جان تشيلهم من الجنطه وقالتلي ماكو سبوح الا عقب مايطيح الخياط
ولمن سألتها ليش قالتلي عشان لايدخلني هوا ويخرب ارحامي*

وبنات بالعقل يعني الهدف من الخياط انه يشدج من تحت ويضيقج واذا تبلل اكيد راح تتوسعين وتخرب خياطتج*

 

[*peace*]

انا بالغصب غسلت ومعاي سستر ثنتين بغيت اموت من الدوخه وين اتسبح!

بعدين شدعوه عرق وريحه والله العظيم لاريحه ولاشي الحمدلله حافين ومتنظفين مستحيل تطلع ريحه

بس نظفي الدم من تحت بفوطه

دافيه مسح بسرعه بسرعه

واصلا الوالده ماتتسبح الا بعد اسبوع وهالشي كل رفيجاتي من كل الاصول يعرفونه البدويه والعيميه

والحضريه الكل يدري ان موزين ممكن يدشج هوا الرحم مفتوح احححح او تصكج حمى نفاس الخ

لاحقه عالسبوح ان شاء الله

 

[miss_Ba6oOo6a]

ببجري ماخلتني امي اسبح ليه 10
بس هالحمله مسحت جسمي وغسلت راسي ثاني يوم من الدوخه ماقدرت سبوح كامل بالطبيب واي راحه من عقب الطلق ووالولاده ووصخ الدم
والسبوح الكامل عقب ردتي البيت 4 او 5 يوم

 

[مشتطـه]

آنـا بتسبح وراي استقبال

ويع مرا دشيت على وحده ريحتها خايسه استغفر الله


اول ماكو استقبال عندهم وعادي ما يسبحون

الحين مالج امل اطلع بخياسي للناس

كلش كلش اغسل جزء جزء

والمستشفيات فيهم تدفئه

واذا عالخياط ما راح اخلي الماي يحووشه

 

[زين ودلال]

انا ماتسبحت امي ماترضى تقول موزين

 

[سراج الليل]

انا بعيالي سبحت طبعا مو من اول يوم لا ثاني يوم سبحت بالمستشفى الماي دااافي والحمام دافي من البخار ولبست كل ملابسي ومشطت شعري ولبست ملفعي كل هذا بالحمام عشان الهوا والحمدالله ماصار فيني شي

 

[حرم_الغلا]

أنــا قيصريه..تسبحت بعــد 10 أياااام...
مــاصار الا العافيه الحمدالله​

 

[قــمر]

مستحيل ما اسبح ويييييييييع قرف
وبعدين يابنات السبوح يخلي الوحده ترتاح نفسيا وتحس انها فرش
اللي مب ضروري ان الوحده تغسل شعرها لانه صج راح يخليها تبرد وايد
ع الأقل تتسبح بماي دااااااااااااااااافي وفي الحمام الله يكرمكم تتنشف عدل وتلبس هدومها ودلاغاتها والملفع
وتحط نفس الشال عليها وتطلع
هذا رايي

 

[فلافل وبطاط]

انا سبحت قبل لا اروح المستشفى واستشورت شعري
ومنظفه ... لاعرقت ولا ريحه ولا شي اصلا بررد بغرفة
الولاده ..

وطلعت غسلت جسمي السستر ونظفتني وامسحت ..

ومافيني الا العافيه ..

وماتسبحت سبوح كامل الا ١٠ يوم ...

بنات يعني بالعقل خياط ودم ينزف شلون توقفون تحت الماي
وتتسبحون ...!!!

الرحم بعده ومفتوح وهوا النفاس مو زين ..