تسريحة عرسي

[شدو رمادي]

السلام عليكم يأحلى كويتيات​

بدون مقدمات انا ابي اطلب طلب صغيروون انشاء الله ماكلف على الحلوااات

ابي تسريحه حلوووه لزواجي

امممممم محتاره !!! فيه وحده تقول حلات اللي شعرهم طويل يسون تساريح على طول الشعر علشان يبينون جمااال شعرهم (هااه شنوو رايكم )

عااااد يالغاليات نتم كريمات وانا.....

حطولي صورر تصلح حق عرايس :stars:

تساريح على طويل و شنيون

يزاكم الله كل خيرر

 

[هيبة ملك]

شوفي اللي يناسب وجهك وقصة الثوب

قعدي مع صالونتج وتشاوري معاها

الله يوفقج

 

[حرم_طيار]

رد : تسريحة عرسي

سوي سيرج بقوقل وراح اتلاقين اللي يناسبج

الله يوفقج حبوبه

 

[مدام زيزو]

رد : تسريحة عرسي

شوفي حبيبتي اذا ملامح ويهج كبيره حاولي ماتسوين التسريحه مرتفعه وايد
وبعدين اهم شي تتعبين على الشكل من جدام ترى ورا مغطا كله بالطرحه
واهني النقطه الرئيسية طرحتج شلووون طويله والا قصيرة فيها حركات والا ساده

 

[طواري لـ((العنقا))ـيل]

اول شي الف مبروك


وانا انصحج اذا شعرج طويل سوي تسريحه على جنب على طول شعرج


خاصه اذا الطرحه قصيره


انا سويت جذيه والكل مدح شكلي واولهم سي السيد

 

[كرز حالي.]

رد : تسريحة عرسي

بس تعببببببت اكمل بعدين :wqedqw:

 

[eng.meema]

الللللللللللله خوش تسريحات
بس ما انصحج اتفلين شعرج
بالفتره الاخيره رحت عرسين العروس نظام طرحة قصيره وفاله شعرها وامسويه فيه حركه اوكي كان شكلها حلو بس حلاتها العروس بالتسريحه ما أأيد العروس ابغير التسريحه
اي شي يطلع من نطاق العروس ابشكلها المعتاد يطلع مو حلو حلاتها العروس نفنونف ابيض ورافعه شعرها غيرها لاتفكرين

 

[!الجادل الصعب!]

سوي تسريحة رآقيه وملموومه لا تحووسين وتسوين نفس بعض البنات الله يهداهم شجرة كريسماس بشعورهم من كثر ما يلزقون فيه من الاكسسوار و الورود ..!

وثاني يوم او بالاستقبال سوي تسريحة تبين شعرج وجمآله

وموفقه ..

 

[فوشيه عجيبه]

ما انصحج بالروماني و ما ادري شنو اللي نفسه(التسريحات اللي تبين طوول شعرج )
لانه بصراحه انا مره رحت عرس و العروس كانت تسريحتها على طوول شعرها و الكل قام يقول ما جنها عرووس لانه الكل يسوي فير و على الجنب و هالخرابيط و الحين اللي يميز العروسه التسريحه& النفنوف لونه ابيض
و خاثتا انه الحين اهل العروس&المرس يسوون تسريحه و يكشخون شلون انتي ما تكشخين فا سوي تسريحه مرفوعه احسن لج والله
و موفقه

 

[shmoo5 2ntha]

رد : تسريحة عرسي

تسريحه مرفوعه وقصي قذله ألحين هبت القذله وايد حلوه خصوصا إذا ويهج مدور

وثاني يوم بطلي شعرج

موفقه حبوبه ياااااااااااااااااارب

 

[احلى سماء]

شوفي
انا كان مكياجي وتسريحتي بعرسي
بصالون ماي فير ليدي (ساس سابقا) مكانه بفندق النخيل يم فندق ساس

العروس لازم لازم تسوي تسريحه وترفع شعرها

والله يطلع شكلج مو حلو اذا سوي تسريحه وانتي فاكه شعرج
تصيرين صعيديه نظام اول
سوي تسريحه وقوليها تسويلج حشوه
انا كان مكياجي وتسريحتي كلهم ب225 بس جيبي معاج 20 احتياط احسن لان سبحان الله تحتاجين تركيبات او شي

تسريحتي كانت عند روعه
ومكياجي عند ميرفت (اذا تحبين المكياج اللبناني الناعم)
وبعرسج حطي عدسات امل العوضي تحديد اسود برمادي بعسلي حلووو يطلع طبيعي

احسن لج تسريحه رفع وتركب لج حشوه عشان شعرج ما يتقطع قوليلها ابي تركيب شعر وحشوه احسن والتسريحه الرفع حلاها للعروس عشان تلبسين عقد على رقبتج ويبين حلووو والطرحه تبين

قوليها ابي تسريحه اسبانيه اذا ثوبج ناعم حيل ومو منفوش حيل

 

[احيرهم]

رد : رد: تسريحة عرسي

الللللللللللله خوش تسريحات
بس ما انصحج اتفلين شعرج
بالفتره الاخيره رحت عرسين العروس نظام طرحة قصيره وفاله شعرها وامسويه فيه حركه اوكي كان شكلها حلو بس حلاتها العروس بالتسريحه ما أأيد العروس ابغير التسريحه
اي شي يطلع من نطاق العروس ابشكلها المعتاد يطلع مو حلو حلاتها العروس نفنونف ابيض ورافعه شعرها غيرها لاتفكرين

رايي من رايج :tek:

 

[كويتية _ بكل فخر]

رد : تسريحة عرسي

بديت اقتنع بكلامكم حدي محتاره

موضوعج جاي بوقته .....


صج العروس حلاته بتسريحة مرفوعه تطلع رررررررزه حدها وتحسين انها عروس صج صج

بس مو كل وحده تناسبها التساريح خاصة بعض تساريح العرايس استغفر الله تشووه البنت

للحين ماحضرت عرس وعجبتني تسريحة عرووس اغلبهم الكل يقدر يسويها من المعازيم

بناااااااااااااااات طرحتي قصييييره نفس مالت هيفا وهبي بس انا افخم الطبقات الثلاثة كل طبقة كرستال من تحت

محتارة مادري شلون اسوي تسريحة لان اذا مرفوعه ماراح تبين كلش !!!

واذا نازله لازم الشعر مفلول !!

والله احترت بحثت وايد ما عجبني شي بالنت ومابي اروح للصالون تقعد تخربط على راسي وفهمت وعرفت شو يناسبج

ابي اسوي شي مقتنعه فيه وراضيه مو انصدم بعدييييييييين عرفتوااااااا

شوفوا طرحتها

 

[Toulin RTN]

رد : رد: تسريحة عرسي

الللللللللللله خوش تسريحات
بس ما انصحج اتفلين شعرج
بالفتره الاخيره رحت عرسين العروس نظام طرحة قصيره وفاله شعرها وامسويه فيه حركه اوكي كان شكلها حلو بس حلاتها العروس بالتسريحه ما أأيد العروس ابغير التسريحه
اي شي يطلع من نطاق العروس ابشكلها المعتاد يطلع مو حلو حلاتها العروس نفنونف ابيض ورافعه شعرها غيرها لاتفكرين

عدل

 

[Ranoon]

ووووووووع عروس وتفل شعرهاااااااااااا وع غلط بغلط ...!!!

لازم تسريحة تكون مرفوعه والقذلة خليها على الجنب .. يكون أفضل ..
انا بصراحة عاجبتني تسريحة تايلور ... جنااااااااااااان شوفي

http://www.accesshollywood.com/****...63906-music-video-taylor-swift-love-story.jpg

ودي اسوي نفس التسريحة .. تهقون يعرفون لو وريتهم الصور حق صالونة .. !!