تسكنين في بيت حمولتج ولا بروحج؟

[انا مو هني]

السلام عليكم بنات دام انكم ربات بيوت وبهالقسم اعتقد مافي ياهالوو يعني كلنا كباار وتقريباا اغلبنا متزوجين
بطرح عليكم هاذا الموضوع يهني ويهم بنات وايد
اهوا هل تفظلين تعيشين بروحج
ولا تعيشين مع حمولتج طبعا تدروون في هالامور اشياء سلبيااا وايظا ايجابيه
يعني في بيت الحمولا الاشياء الايجابيا
ان تحتكين بئهل ريلج
مافي مصاريف اجار شقا
ولا في ماجلاا ولا هالخرابيط
كل شي جاهز مجهز
غدا وعشا وريوق
انا السلبيااات
ماتاخذين راحتج بشي يعني لا تقدرين تلبسين علا كيفج وحتاا اذا علا حس احد دروو
واي مشكلا يعرفونها
ويتدخلون بكل كبيرا وصغيرا
انا الحمدالله حمولتي زينين ويتدخلون بحسن نيااا بس شي يظايقني يعني
واذا بروح الصالا او شي لازم ابدل والبس حجابي
اما اذا شقا بروحي
طبعا شاريا راحتي مرتاحاااا حتا لو اقعد بالصالااا وشعري فلافل وفبجامتي وعيالي جدامي لا زاعجين احد ولا شي
اما السلبيات
اجار شقا
ماجلا
جمعيااا
وغير هاذا كلا مصرفنا
انا يعني مو موظفا ولا شي ريلي اهوا الي يصرف
ومعاشا مو قوي عادي
انا كنت احن عليه واقعد اتبجبج ابي اطلع بروحي
الحين لمن وافق اخترعت قاعدا افكر بالطبخ والمصاريف
وبروحي بالبيت
بس والله يا بنات ودي اطلع بس شورو علي

 

[زود الغلا]

انا كنت مع حمولتي 5 سنين والحين شرينا بيت وحمولتي البيت اللي يمي حلوة تعيشين مع حمولتك خصوصا اذا عندك عيال صغار تطلعين وانت مامنه ومرناحة حتى لو اهما مالهم شغل بعيالك بس اسمة اي احد يمر عليهم وعيالك يلعبون مع عيال حماتك او حماك لو كنتي بشقة بروحج ما راح تطلعين وانت مرتاحة والاثنين فيهم مميزات وفيهم عيوب والله اذا حمولتك خوش ناس قعدي احسنلك وتر اذا طلعتي اجار مصاريفكم راح تزيد بشكل مو بيعي ساليني حسبي الاجار ومعاش الخدامات والماجلة مو اقل من 200 او 300 لا وتطلعلك شغلات ثانية على فكرة انا بس عندي عيالي 2 وخدامتين ومو ملحقيييييييييييييييييييييين كلش .

 

[ام نجـــلاء]

حلاتها بيت بروووحج تاخذين راحتج

انا الحين ابي اجيب خدامه ودريول وماعندي مكاااان لهم

غير جذيه انا مااقدر اطبخ كلش لان المطبخ مشترك وانا توني اتعلم اطبخ

صج اللمه حلوه بس الوحده تبي حريتها

 

[Hello_kitty]

والله اذا حمولتي زينه ومعطيني مكان زين ومريحني ويكفيني انه واعيالي ليــــــــِش اطلع؟؟

اول شي رى الأجارات نار وشرار وتهد الميزانيه قولي 400 دينار كل شهر تطير منكم ؟ليش؟؟

غير جذي الأجار ما فيه استقرار تحسين مو بيتج مو مكانج واذا ما ارتحتي بالمكان

ولا راعي البيت يبي الشقه حق ولده اللي تزوج تضطرين تطلعين ونقل الأغراض تعب ودوووووووخه

فلوس الأجار انتو اولى فيها تيمعون وتشترون بيت فيها وتسافرون تستانسون واعيالج تقدرين تدخلينه مدارس خاصه

وغير جذي وانتي في بيت حمولتج تأمنين على اعيالج وبنفس الوقت لمه ويمعه وناااااااااااااااسه

 

[ارستقراطيه]

لا

الحمدلله
خلصنا الخدمه الالزاميه
:klhfl:

 

[opera]

انا ساكنه مع حمولتي بدور كامل كبير 4 غرف وصاله عوووده حمامين ومطبخ

يعني لو بلف الكويت كلها واحصل نفس هالشقه بيطلع علينا اجار فوق 500 دينار !!


ليش عاد انا اول بهاللفلوووس



وغير جذي نوفر هال500 وريلي ايمعهم كل شهر عشان بيت العمر




من ناحيه ثانيه

عيالي انا مطمنه عليهم لمن اطلع اخليهم بالشقه وفي حس بالبيت خالتي موجوده وعمي .. يعني احسن من اني اشنقلهم واشنقل خلاجينهم واللعاب والاكل وكل هاللويه عشان بس بطلع ساعه وارد ..


بمكانهم موجودين ومطمنعه عليييهم





ثالث شي :

الغداااااء بما اني اداوم لي ال3 وريلي يرجع قبلي البيت .. يلا الاكل جاهز .. ياكل عند الماما

يعني ما احاتيه ولا احاتي اعيالي .. خلاص ياكلون عند خالتي تحت



على فكره

ترا انا كنت ضد فكره اني اسكن عند حمولتي .. بس بعد ماشفت كل هالاشايء واااااااايد ارتحت وغيرت رايي


واذا على اللبس واللي تقول ما اخذ راحتي .. بالعكس والله البس اللي ابيه بشقتي ومو كل يوم انزل عندهم تحت ..ولا مجبوره انزلهم اذا مالي خلق


ايييي .. ونسيت اقول حتى خدامتي مع خدمهم يعني ماتنام معاي بالشقه ... يعني حدي ماخذه راحتي

 

[شيــوخه]

تم التصويت

 

[ام فجور 2008]

ان تحتكين بئهل ريلج

روحي بعيد وتعال سالم

مافي مصاريف اجار شقا

قط فلوسك بالشمس واقعد بالظلال اشتري راحتي مو حاكرة عمري

ولا في ماجلاا ولا هالخرابيط

بالعكس اكل على ذوقي والي ابيه واتفنن مرات اسوي حلويات احسن من اني اتغيد معاهم
ومرات الزوج يبي ياكل من ايدج

ماتاخذين راحتج بشي يعني لا تقدرين تلبسين علا كيفج وحتاا اذا علا حس احد دروو
واي مشكلا يعرفونها
ويتدخلون بكل كبيرا وصغيرا

شي طبيعي ماتاخذين راحتج ودج طول الوقت زوجج يشوفج من غير حجاب مااتسوى اسوي شعر استشوار او اي شي واخر شي البسه وانزل ويتعفس ومرات لو تكونين تعبانة ومالج خلق تنزلين بيشرهون عليج

وبعدين الخاله في منهم الي حتى لو على حسن نية يوصلون الاخبار حق اهلها يعني خالتج تصول حق اختها ومن هالكلام واخبارج انتي وريلج منتشرة ههههههههههه في بعضهم وغير هذا عين الناس لو يشوفنه يضحك معاج سووه ان يموت فيج وخروفج ومايدرون ؟؟

 

[أغلى حبيبه]

قعدت عندهم 5 سنين والمكان صغر علي

وطلعت وهممم الحريه حلووووه

 

[@فديت عينه@]

الحرية حلوه حتى لو كانوا الحموله عسسسسسسسل

انا ساكنه بروحي بعد خدمة 11 سنه هههههههههه عند الحمولة

والصراااحه راااااااااااحه السكن بروحج مع ريلج

وونااااااااااسه ندخل ونطلع بدون لا حسيب ولارقيب

والمصاريف الله يعين اهنيه صارفين وهناك صارفين

يعني هم مستحيل نقعد عند اهله ولا نحط وياهم

كنا كل شهر ندفع حق الماجله ويه فشلة ماندفع

وجذيه احسن اربي عيالي على راحتي وبطريقتي

وشكرااا

 

[حياتي جاسم]

انا عندي مع اهلة احسن عشان اذا طلع راح الدوام انا ما راح اكون بروحي اقعد مع اهلة

يعطيج العافية

 

[([عطر رومانسي])]

انا ساكنه مع حمولتي

والحمدلله مرتاحه والله لايغير علينا

 

[الشامريه]

انا من تزوجت وانا ساكنه بروحي................. ماجربت الحموله

 

[انا مو هني]

بنات الي يقولون ان اسكن فبيت حمولتي ترا عندي غرفتين وحمام بس يعني غرفا حق الجناط والكبتات ودثرتنااا كلها
وغرفت نومي يعني وايد ظيج

 

[بمبة المفترسة]

ياترى لو بتسكنون ببيت اهلج بتقولون هالكلام
ما ادري ليش دايما شايلين على الحمووولة ؟؟؟!!!!!!!!!
لو مرت اخووج بتطلع ببيت بروحها بترضين ؟؟؟!!

 

[حدى عنيده]

انا صارلى 10 سنين عند حمولتى شقتى 3 غرف وصالة وحمامين عزكم الله ومطبخ وغرفة خدامة واللحمدالله واللحين بنيت قسيمتى وخلصتها ومابى اطلع مرتاحة اكيد تصير بعض المشاكسات بس طاف اهم شى عندى خالتى وعمى والباجى مالى شغل طاف انا احب اللمه واحب اعيالى يتربون عند عمامهم احسن اذا سافر زوجى او عنده شفت مااحاتي احدى يتعب اويمرض لان عندى احد فى البيت والحمدالله 0

 

[الفرحه السجينه]

الحمدلله انا مرتاحه مع حمولتي واحب اللمه والله لما يسافرون والبيت يفضي استخف

والسكن مع الحموله له مميزات وانا صج ازعل لو اخوي يطلع ابيت بروحه ويخلي امي يعني الوحده تحط نفسها مكان خالتها ... بس في حالات ان البيت متروس شباب وحريم عيال والشقه ضيجه والجهال واجد يعني لويطلع واحد ما يضر دام في احد غيره موجود

 

[انا مو هني]

ياترى لو بتسكنون ببيت اهلج بتقولون هالكلام
ما ادري ليش دايما شايلين على الحمووولة ؟؟؟!!!!!!!!!
لو مرت اخووج بتطلع ببيت بروحها بترضين ؟؟؟!!

اكيد برظا تطلع
ليش مانخليها تطلع؟؟
بالعكس يعني احس فكا
واريحلها اصلا واريح حق اخوي
وانا مو حاطا علا حمولتي
قلت انهم خوش ناس
بس ظيج يعني في فرق

 

[بطة رشيقة]

والله يا اختى ... انا بقولج كل اللى بخاطرى ( قلبه متروووسه ) خخخخ

شوفى اذا الحموله حليوين وطيبين ويشيلون الجنه ويحبوونها ويقدرونها والله اقعد واقعد واشيلهم بعيونى مثل ماهم شايلينمى .. بس اذا الوضع العكس وانتى متضايقه ومن قعدتى عندهم وانتى بس تبجين ومتضااايقه ومحد مقدرج وانتى بالنسبه لهم شى مو حلو ويكرهووونج ومتأذيه منهم .. شنو تسوى هال300 اللى بقطهم بالاجار مقابل راحتى .. لا والله فى هالحال اطلع وابرد قلبى وبالطقااق اللى يطق الفلووس.. بس قاعده اقولج صج ان الاجار مو هين بس شنسوى هم بيت الحموله بييله يوم ويضيج عليج يعنى انا فى حالتى عندى غرفه وحده وحمام تكرمون وماعندى مطبخ ولا شى .. وعندى ولد واحد واحس ان الدار بتنفجر واحس انى متضاااايقه وايد ابى اطلع اتوسع .. واغير من حياتى ويصير عندى مطبخ .. اكيد اذا قاعده عندهم بفتك من الطباخ وريلى ياكل مع اهله على ما ارد من الدوام بس هم ابى اتوسع ويصير عند ولدى غرفه وايب له اخو واخت ان شالله واشترى راحتى وافتك من اللووبه والمشاكل احسن الف مره من القعده وانتى متضايقه ..وعلى الشقله ولويه الياهال انا تعودت انى ما اخلى ولدى عندهم واى مكان ارووح اخذه معاى واذا خليته يكون ابوه معاه عرفتى يعنى جذى جذى انا ما اخليه عرفتى فاقول الحمدلله على كل حال وربى يسهل علينا ..
عموما الله يهدى الجميع وربى يفرجها عن الكل .. ​

 

[* أم دودي *]

انا شهر 3 اكمل 4 سنين من طلعت من بيت حمولتي
صراحه اريح بوايد

تطلعين وتدشين ماتحسين احد يراقبج
غير جذي توسعت شوي بدال الحكره اللي كنت فيها

وبعدين احسن كل ماكنتي بعيده كل ماحبوج اكثر
اقصد ماكو مشاكل وسووالف جذي

هذا رايي