تسكير لموضوع-التمسو العذر لها

[امل المنصوري]

اتمنى ماعاد ولا وحده تعلق علية واتمنى من المشرفات يحذفونه بسكر على ذا الموضوع اتوقع الكل مايبغى يفهم قصدي واللي فهمت قصدي ذا لأنها تفكر بشيء الصح واللي مات لها احد في ذا الحادث تقول حسبي الله ونعم الوكيل واالي سمعت بالقصه فقط تقول اللهم عافني مما ابتليت به كثير من خلقك______________نحن لسنا الرب ولسنا الحكم ----------لها قانون بالدنيا سوف يقتص منها ولها اله في الأخرة سوف يقتص منها--------------لسنا بعيدين عن الله لسنا بعيدين عن مزالق الشيطان ليس بالضروري ان تقتلي جماعات لاكن هنالك الف طريق لمزلق الشيطان لاتصلطي لسانك لدعاء والتشهير وتلقي الشتائم بالمنتديات انتي الآن مثلها ولاكن في صورة اخرى غير صورت الحقد اللتي اعمت بصيرتها انتي بصورة الباطش بلسانه وكلماته ودعواته اتركي الخلق للخالق ولمن له حق الأقتصاص بالدنيا واتعظـــــــــــــــــــــــــــــــــــــــــــــــــــي فقط من هذه الحادثة ودعي اللغو؟-------------------------------------------------------- انا ماكتبت ذا الموضوع برمته الا من قصه صارت امام عيوني والله على ماأقول شهيد القصة-----------------------------ايام الثانوي كنت انا وصاحباتي ثنتين فقط وحده منهم كانت تكلم شاب ولها علاقة بسيطة معاه وياما نصحناها مارضيت تنصح ومره من المرات كفشوها اهلها طبعا اهلها من النوع المتحفظ جدااااااااااااااا وللأسف فصلوها من المدرسة نهائيا المهم صاحبتي الثانيه جلست تشمت فيها وتقول ياما وياما نصحناها تفتكرين قد ايه نصحناها وقولت مالنا فيها يالله اخذت جزاها المهم ذي صاحبتي لا ماسكتت قامت تشهر في المدرسه تعرفون فلانه الفلاني انفصلت اهلها كفشوها وتشمت وتسب فيها تقول هي اصآ منحرفه لدرجة قالت الكلام لوحدة من قريبات صاحبتنا اللي فصلوها اهلها وفضحتها بين قرايبها وكل مانصحتها قولت خلاص يكفي البنت غلطتها وعقاب اهلها لها اسكتي انسي الموضوع وهي زي الحية بس تدور بين الطالبات وتفتن-- المهم مع الأيام دخلنا الجامعه انا وذي اللي بس تشهر بالبنت ومرت السنين طبعا علاقتي فيها صارت مو تمام وقاطعتها كرهتها من تصرفاتها هي مي ربي وبيدها حساب البنت المهم والله والله على ماأقول شهيد صعقت بالخبر وانا في المستوى الثالث جامعه ان البنت ذي اللي كانت تشهر بصاحبتنا اللي بثانوي مسكتها الهيئه مع شاب في موضع مخل بالشرف طبعا رحلوها السجون العامه بالمملكه لابعد المصيبه طلعت حامل وشوفوها والله واالله اهلها مارضيو ياخذونها من السجن تبرو منها بعد ماجابت لهم الفضيحه وشوفوها بدور الرعاايه -------وستغربت من حكمة ربي بالأرض يوم من الأيام كانت تسب وتبطش القول عن انسانه مكتفت بالسكوت وقالت اللهم عافني بما ابتليته بها والحين هي في وضع اصعب بكثير جابت الفضيحه لها ولهلها وضيعت اخرتها بالزنا

 

[الريحانة]

اللهم عافني مما ابتليت به كثير من خلقك

 

[ام الحلوه والمزيون]

والله ذكرتيني يا امل بمواقف واجد سبحانه ماشوف احد يتطنز على احد او يفضحه الا مانفضح

 

[looz2009]

اللهم عافينا مما ابتلاهم

بس حبيبتي احنا ماتشمتنا عليها

ولا شي

احنا احترينا على اللي ماتو واللي احترقوا

والله انا لمن سمعت ان في حوامل وام حاضنة بناتها والله تقطع قلبي

والله والله ان انا حاسة بحرة الزوجة الاولى

بس هذا ما يمنع انها تفكر بالنتايج

ام 23 سنه يعني عاقل

لا حول ولا قوة الا بالله

هذي مو شماته والله

في فرق بين التشمت والاشهار

وبين المشاركة بالاحزان والمواساة

بس قلبي يعورني ومحترة

والله على ما أقول شهيد

 

[بيتي بوب بس كويتيه]

الي سوته خلاص انفضح وماكو تشهير لانه خلاص انشهرت وخلاص
واحنا ما نتشمت بس لازم تاخذ عقابها ترى مو شي سهل الي صار

وسالفت رفيجتج بعيده كل البعد عن هالسالفه

 

[sozeeta]

الاخت امل المنصوري : رغم اني فاهمة قصدك من هذاك الموضوع لكن ما هو وقته الان والناس مكلومة ومفجوعة وشاب فيها الحزن واللوعة ،
ما احد فاضي يشوف الجانب اللي انتي تكلمتي عنه ، يمكن لو كتبتي موضوعك بعد مدة من الحادث وبعد ما الناس رجعت لهدوئها النفسي ، يمكن كان يقدروا يحللوا الموضوع من وجهة نظرك لكن الحيييين ما هو وقته ، وهذا رأيي

 

[happy&single]

جزاج الله خير خير على نيتج ،،
من تتبع عورات الناس تتبع الله عوراته

بس فعلا فعلا مو وقته ،، النار بقلوب الاهل عسى الله يبردها
انا لله وانا البه راجعون

 

[[[ عيون جابر ]]]

عساها بهالحال واردى حسبي الله عليها من مره حيه حيه
الله يرحم هالمساكين الي ماتو محرقين بسبة غيرتها

 

[3aboora]

حبيبتي قصتج مالها شغل بالسالفه خير شر ! و احنا مو قاعدين نشهر فيها اهيا اللي فضحت روحها باللي سوته .. و صراحه موضوعج كلش مو وقته .. في ناس قلوبها محترقه و ميته قهر و انتي يايه تقولين التمسوا العذر لها !!!!!! الناس مو قاعده تفكر بهالشي الحين الناس قاعده تفكر باللي راحوا من ايدهم ! ...

انا لله و انا اليه راجعون

 

[غلا فاضل]

بس بس والله يا بنات اني احاول انسى هالسالفه بس موقادره حتى لاحطيت راسي عالمخده قعدت افكر احنا وين عايشين ياربي استرنا فوق الارض وتحت الارض ويوم العرض اللهم لاتبتلينا بما ابتليت به غيرنا وارحمنا وعافنا واعفو عنا جميعاً بنات المسلمين والمسلمات وارحم الاموات بهالحادثه الاليمه

ياربي مايتحملها عقل هالفاجعه شي يقطع عرووووووق القلب
بس يا خواتي هالمره سيطرعليها الشيطان بلحظة ضعف واعماها عن النتايج وعن ربها ودينها استغفروا لاالله يبتليكم بما ابتلاها ,,

لاحول ولا قوة الا بالله العلي العظيم

بس ودي اعرف شنو صار بالمعرس اللي كل هالناس ماتو عشان هو تزوج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ادري مو ذنبه بس سؤال

 

[الديار]

بالعكس كلامها حيل جاي بوقته
وجزاها الله خير
دعوا الخلق للخالق .....فعلا احنا مالنا شغل الا ان نقول الحمدلله الذي عافانا مما ابتلاهم به
والله يرحم من مات ويشفي المصابين ويصبر الاهالي
والمذنبين يتولاهم رب العالمين الذي لاتخفى عليه خافية
ثم القضاء العادل

 

[جـــواهر]

جزاج الله خير وانا فاهمه انتي شنو تبين توصليله ...

محد بعيد عن مزالق الشيطان .... وهذي بلوة ولحد يلعنها ... تراها ف مصيبه كبيره ...

ولا حول ولا قوة الا بالله

 

[اروى77]

توها قلوبنا مابردت ويايه تقولنا التمسولها العذر....... والحين يايبتلنا سالفه عن التشهير وشنو كان جزاء اللي يشهرون... اختي سؤال؟
خير انشالله في شي؟ عسى ماشر؟ قوليلنا اللي براسك ودنا نعرف ... ولا انتي بس تحطين مواضيعك لرفع الضغط وبس...

 

[بنت الاكابر]

يا أخت أمل ماقلتي شي غلط بالعكس كلامك فيه الكثير من الحكمة.....نعم عيب علينا نتشمت...لانا مانعلم لو نبتلا بأخت او ابنه اوقريبة تفعل مافعلته هذه الزوجه....وعلينا ان نحمد ربنا على العافية والسلامة....والستر......هي ستأخذ جزائها....ومن مات هو عند الرحمن الرحيم..رحمة الله عليهم ولى اموات المسلمين.....لاتزعلين من ردود بعض البنات الله يهديهم....بارك الله فيك وكثر من امثالك...

 

[Miss.6Mo7]

زين تسوين .. ويآليت يحذفونه بأسرع وقت

 

[7neaN]

الحمدالله يا ربي و استغفر الله احنا مالنا شغل بالناس
خلاص اهي بتاخذ عقوبتها إذا ما كانت كافيه بالدنيا بتاخذها بالاخره و ما في شي يشفع لها
بس احنا ما لنا شغل لا نقعد نتشمت اخر شي الله يبلينا ..

الحمد الله الذي عافانا مما ابتلى كثيرا من الناس و فضلنا على كثير ممن خلقه تفضيلا ..

يعطيج العافيه .. ​