تسمين المولود .. معلومه خطيره بتأكد ؟؟

[عروس@@اكتوبر]

مرحبا ..

بنات عندنا الجيران بناتها كلهم ماشاء الله يوم صغار يهبلون وجه عريض ومتروسين .
عاد على يوم رحنا عندها جان تقول لنا السر وقالت انها تعطي المولود بعمر ثلاث شهور مع الرضعه قفشه صغيره حييل سيرلاك بالقمح
عاد حبيت اسئل منو سمع بهالمعلومه

 

[شكريه81]

انحط سيريلاك أوفارليز بس من الشهر السادس

 

[عروس@@اكتوبر]

مادري قالت مع الحليب بس شوي يدوب قفشه صغيره يعني ماراح يأثر بيذوب مع الحليب تقول كل بناتها جذي وماشاء الله صحه
تقول كل فتره تزودين اكثر لين توصلين الحجم اللي تبينه وتقطعين عنه

 

[GaLbI t7aWaL]

والله كنت اعطيها رضعه قبل النوم مع سيريلاك

من الشهر الرابع

 

[أم حورية]

من وجهة نظري ان اهو يمتن عالفاضي وما منه فايدة ولا مرة عطيته عيالي واحب دايما عيالي يمتنون واهم بصحة مو متن عالفاضي ودايما احب اعطيهم اكل طبيعي

وعلى فكرة انا كذا مرة قلتعا وبعيدها بسكوت فيرلز حيييييل خطر عاليهال وهالكلام كلام دكتورة تغذية وانا قلتهل لان الفيرلز بعد يمتن ويمكن احد ينصح فيه بالموضوع*

 

[عروس@@اكتوبر]

تسلمون على الردود
وماقصرتي على النصيحه ..
طبعا اكيد لاكبر اكيد ماراح نهملهم بالاكل الصحي ..
بس بهالفتره حلو يكوم متبتب

 

[ام الحلوااات]

مـــــن الــــشــــهـــــــر الــــراااابـــــــع وطـــــاااالــــــــع
امــــا قــــبــــــل لا والـــــــف لا ثـــقـــيـــــل عـــلــــى مـــعـــــدتـــــه

 

[أنوثهـ حتى الثمالهـ]

لا طبعا ماتسوينه لان يمكن بنتك فيها حساسيه من القمح ومايصير ادخلين القمح على اكل الطفل قبل السنه لو ماني غلطانه عشان لو لاسمح الله فيها هالحساسيه يتحمل جسمها لكن بهالعمر ممكن الطفل يروح فيها الحساسيه مو شي بسيط

 

[السولعيه]

ايه مع الحليب ربع حبه فارليز < من الشهر الرابع

ومن عقب السادس بديت احط سيريلاك لانه اثقل من الفارليز

 

[أم ميميتو]

حتى امي قالتلي حطيله سريلاك بالحليب بس اعتقد من الاربع شهور افضل لان و حسب في يهال ما يتقبلون انا ولدي لما كنت احطله شي مع الحليب ما يرضى يشرب بالمعنى كان صغير يعني عمره اربه او خمس شهور حتى بعد الست شهور ما رضى ياكل سريلاك ولا فيرلز ولا شي حتى اكل الاطفال الفواكه و الخضار الجاهز ما ياكل الا احيانا كان ياكل موز مهروس عايش على الحليب بعد ما كمل سنه قام ياكل و قمت احطله سريلاك مع الحليب

 

[نعوومة *كيووت]

أنا أحط من الرابع بس لاحظت يسمنو بالعكس احسهم عصاقيل

 

[AVE.NJ]

والله بنات الياهل اللي متعافي من الله مو من الاكل
اهم شي بخير الحمدالله