تشجعون الضعآف ع النآدي ؟

[نبض الجود]

السسلآآم ،

بنآت تشجعون الضعآف ع النآدي ولآ لآ ،

انآ ضعيفه بسس احس كسوله وابي اصير نشيطة ومآاهمل نفسي ،

ششرآيكم ..؟​

 

[reem-reem]

اكيد لان اللياقة مهمة
والرياضة تعطيج لياقة وصحة ونشاط
وغير جذي النادي في تسلية سباحة رقص سكواتش وجذي

 

[بسبوسة بالعسل]

اللياقة والرياضة حلوه صحه للجسم ومنها تغيرين جووو

 

[بوسيcat]

انا اشجععع 100% انا جسمي حلو بس احب احافظ وبعدين الرياضه لياقه وصحه للجسم والعقل وتخليج على طووول مصحصحه وفرش ومنها تغير روتين
وانا ضد اللي تقول وييييييييه انتي تبين ادشين نادي ليش بالله ههههههههه
هذا الكلام البايخ سمعته وايد بس طبعا في ناس جهله مع احترامي للكل الحركه والرياضه ضروريه للانسان ولصحته مو بس للي يبي يضعف

 

[.:!:. ونس .:!:.]

اي بالعكس حلوه الرياضه

وانا مسجله بنادي اشوف شكثر بنات ضعاف مسجلين

 

[حرم محمد باشا]

انا ضعيفه وضعيفه حيل بعد
وتوني مسجله بالنادي صارلي اسبوع والكل يطالعني يقولون ليش مشتركه هههه

بس انا ابي اقوي جسمي وابي احس بنشاط لاني كله خملانه
والحمدلله حسيت اني احسسن الله يتمم علي

 

[][ sarah ][]

اي انا اشجع من قلب عشان اللياقه , والرياضه صحه
وانتي بطريقتج ونظامج الغذائي تقدرين تحافظين على وزنج
يعني ترا مو شرط ان النادي والرياضه تضعف

خلف الله علي اشترك بنادي وبدال لااضعف متنت هههههههههههههه
احرق مرات فوق ال600 كالوري وارجع البيت اكل دبلات من التعب
وماكان فيه تنظيم

بس كانت عندي لياقه وشعور حلو

 

[أم عزيزان الحلو]

الرياضه تنشيط للجسم

 

[brat]

الرياضة مو بس للي يبون ينزلون وزنهم!!

الرياضة مفيدة حق صحتج، تنشط الدورة الدموية فبشرتج تصير أحلى، تزيد من كثافة العظام وهالشي وايد مهم حقنا احنا بالذات لأن المره مع الحمل ولما تدش سن اليأس كثافة عظامها تقل فتكون أكثر عرضة لهشاشة العظام، والرياضة تعدل المزاج، وزينة حق ضغط الدم وتقوي الظهر خاصة إذا حملتي ما يحوشج عوار ظهر
وإذا بتدشين نادي أكيد فيه كلاسات يوغا واليوغا بعد فوايدها وايده ومن ضمنها إن تخلي شكلج أصغر من عمرج حتى لو كبرتي
وغير فوايدها، الرياضة ممتعة، تقضين وقتج بشي مفيد، عندج كلاسات رقص وسباحة

 

[jekara_maziona]

اي اكيد انا اشجع الضعيفه لان النادي مو بس حق اللي تبي تضعف بالعكس النادي رياضه ،، لياقه ،، صحه ،، نشاط ،، تغيير روتين ...
انا ضعيفه وداشه النادي عشان امتن وزدت كيلوين لووووووووول

 

[حرم محمد باشا]

جيكره مزيونه

شجعتيني انا داشه النادي ابي امتن توني ماصارلي الا اسبوعين بس خايفه اضعف
وكل اللي بالنادي يخزوني علامات تعجب على فيساتهم يعني ليش داشه << حطمووووني

بس مادام انتي زدتي حمستيني اكمل وان شاء الله ازيد
الله يتمم عليج حبيبتي

 

[jekara_maziona]

حرم محمد
اي حبيبتي كلمي المدربه وقوليلها انج تبين تزيدين وزنج واهيا راح تعطيج الرياضه اللي تناسب جسمج
انا لما شافت جسمي عطتني رياضه حق الصدر والخلفيه والارداف وغالبا ترفعين حديد لان اهوا اللي يناسب جسمنا قالتلي عشان العضله تشد ويبرزلج المكان اللي تبينه والحمدلله استمريت ونفع معاي واللي فادني اكثر كنت ارد من النادي حديييي يوعانه فتشوفيني اكل عدل
وكااانت وايد متابعه معاي ،، نصحتني شنو اكل وشنو ينفع معاي وكل اسبوع تاخذ وزني
لوو مكمله جان زايده اكثر بس وقفت وناويه الحين اشترك مره ثانيه *

 

[نبض الجود]

يعطيكم العآفيــه بنآت وان شآءالله بشترررك ،

مآقصصررتوا ،​