تشكن صوص طبق هندي لذيـــــــــــــــذ

[الشيف نانا]

السلام عليكم ​

اليوم اقدم لكم (تشكن صوص) وهو طبق هندي
طبعا اشكثر بنات اطلبو هالطبق وانا قلت لهم اني مشاركه فيه بمنتدى ثاني ..​

بس والله لعيونكم نزلته ,,لانه الخاص ما قعد عندي,,​

اخليكم مع المقادير والطريقه :​

دجاجه مقطعه 8 قطع ومنزوعة الجلد ومغسوله جيدا,,
ومنقوعه بــــــ​

(4 م كبيره صويا صوص/ 1 ليمونه / 2 فص ثوم مدقوق / بصله مبشوره/ فلفل اسود وملح وخل
على حسب الرغبه ) لمدة ساعه ​

​

نقلي الدجاج ونضعه على جنب,,
ملاحظه.. (الخليط اللي نقعه فيه الدجاج سوف نحتاجه)​

​

نحمر البصل جوانج مع الثوم المفروم( في نفس الزيت اللي قلينه فيه الدجاج)​

​

بعدين نضع عليه3 م كبيره من الكاتشب ومعجون الطماط ونحركه شوي​

​

نضيف 4 حبات من الطماط مقطعه قطع صغيره​

​

اول ما تذبل الطماط نضع عليه البهارات​

(م كبيره من ( هيل / قرنفل / دارسين / فلفل اسود ) تطحن مع بعض وتوضع في علبه
1ماجي / وملح ​

​

بعدين انضيف الدجاج ونخليه يتجانس مع الخليط​

​

ونضيف عليه ماي نقع الدجاج واول ما يغلي انخليه على نار هاديه حتى يستوي,,​

​

ونقدمه
​

وممكن تاكلون مع العيش او الخبز ​

وبالعافيه على الجميــــــــــــــــــــــع​

ولاتنسوني خواتي من دعواتكم في هذي الليالي الفضيله
نسأل الله ان تقبل منا صلاتنا وصيامنا وسار اعمالنا:yaaaaaarb:​

 

[فاقده حنان ابوه]

وااو مشكوره وماقصرتي

 

[مواصله]

يعطيج الف عااافيه

وجاااري التطبيق

 

[لولوة الكويتية]

تسلم الايادي
مشكووورة

 

[نجاة80]

مشكوره حبي

 

[ma7rooma]

تسلم ايدج نانا ويعطيج العافيه حبيبتي تسلمين​

 

[Sh0sho]

الله شكله يشووق ويشهي
تسسسلم ايدج
بس مالي خلق اسويه
بشاور امي وبشوف هههههه

 

[جارة القمر]

تبارك الرحمن



تسلم ايدج



وبالعافيييييييييييييييييييييية

 

[ABEER FLOWER]

ماشاء الله

تسلم إيــدج ننا و يعطيج ألف عافيه

و ربي يتقبل منج و منااااااا​

 

[الإسراء]

يعطيج العافية حبوبة ..

 

[غرني احساسك]

تسلم ايدينك

 

[للابداع اصول]

يعطيج العافييه

 

[78MariMar78]

تسلم ايدك نانا

وربي يتقبل منا ومنكم صيامنا وصلاتنا وقيامنا....

 

[أحلى همبه كويتية]

ربي يحميك ويخليك لعيالج وبيتك

مشكورة على هالطبق اللذيذ

ويمه خبز ايراني
يا سلااااااااااااام


يسلمو غاليتنا وربي يجعلنا من عتقاء النار

 

[حلوة ومملوحة الكويت]

روووعه
ومثل ما قالت همبوووشه
يبيله خبز ايراااني حاااااااار:rerrerek::rerrerek:​

 

[زوجي توأم روحي]

تسلم ايدج يا قمر:eh_s(7):

 

[حطمۈكہ يآقلبي]

يمـــــــــــــي يمــي

يهبــل وجاري التطبيق ان شاء الله

 

[~ورد~]

تسلم ايدك
مشكوره نانا

 

[متوترة]

روعه الاكله بسويها ل اهلي سحور باذن الله

بس شنو 4 م كبيره طويا صوص/ مافهمت؟؟؟


جزاج الله خير عسى الله يهنيج يارب

 

[ورده الكرستال]

تسلم ايدينج

ويعطيج العافيه