تشيز كيك بالتوت شي ديفاا من ديفاا ( بالصور )

[:: Diva ::]

المقادير
600 غرام جبن فلاديلفيا
300 غرام توت ( تلاقينه بمركز سلطان و غالي حبتين و ممكن تحطين كرز او تشترين معلبات الفيلنع بدينار و شي من اي جمعيه )


175 غرام كاسترد
علبة كريمة حامضه من كي ديدي تلاقينها بقسم الروب باي جمعيه
50 غرام زبده غير مملحه
بسكوت دايجستيف ( انا استعملت 9 بسكوتات )
بيضتين
صفار بيضه
ملعقتين طحين ( المطاحن )
ملعقه كبيره سكر بودر
4 نقط من روح الفانيليا



الطريقه :


- اشعلي الفرن على درجه 180 س او 350 ف على حسب فرنج


- طحني البسكوت اما بالجهاز او حطيهم بجيس بلاستيك صغير و طقيهم طق ههههههه


- فصلي البياض عن صفار البيض


- ذوبي الزبده و خلطي البسكوت معاه بالشوكه


- حطي البسكوت في قالب الكيك المتحرك و ضغطي عليه بايدج لين يتساوى

نقره على هذا الشريط لتكبير الصورة


- حطي القالب المتحرك الي فيه البسكوت بالفرن لمدة 7 دقايق بس و خليه على جنب يبرد


- صبي على البسكوت خليط ( الجبن + البيض + الصفار + الكريمه الحامضه + بودر الكاسترد + الفانيليا الي خلطتيهم من قبل بشوكه و حركتيهم لمدة 5 دقايق )


- اضيفي نص كمية التوت بالخليط

نقره على هذا الشريط لتكبير الصورة


- خبزي الكيكه 40 د.ق ( ديري بالج لا تبطلين الفرن اذا سربتي الحراره راح تفش كيكتج و تفشل )


- بعد ما تستوي الكيكه طلعيها خليها تبرد ( يممممممممممم ريحتها خبااال و طعمها خياااال )


- في جدر صبي النص المتبقي من التوت + السكر البودر و خلطي على نار هاديه لين يذوب التوت و يصير مثل الشربت و بعدين شخليه عدل علشان لا يصير في شوائب
بردي الكيكه بالثلاجه + عصير التوت الي سويتيه

نقره على هذا الشريط لتكبير الصورة


- بعد نص ساعه صبي نص الشربت على الكيكه و زينيها بفراوله او توت او كرز الي تبينه و عليه المتبقي من الشربت


موقع لتحويل الغرام للي ما عندها الميزان
http://www.lakii.com/****portal/scales.php
​

 

[حفيدة نوخذة]

يعطييييييييييييييج العافية وتسلم الايادي
بس حبوبة الصور مو طالعه لي:0bee2e8d89:

 

[كلمةالمرور]

تسلم ايدج بس حسافه الصور مو طالعة تقبلي تحياتي

 

[:: Diva ::]

امبيه من صجكم ؟؟
خلاص احملهم على موقع ثاني

 

[جارة القمر]

مشكوووووووووره

بس الصور


موطالعه

 

[ام سلومd]

مشكورة بس ماكو صورة

 

[:: Diva ::]

باجر الصبح ان شالله انزلهم لكم بالصور

 

[اطباق ماي ورد]

ما قصرتى مشكوره وننطر الصور ان شاءالله

 

[شندوخه]

الطريقه تشوق بس ماكو صور

 

[ام اسد الله]

ما في صورة:krkrkr:

 

[ضحـاوي]

تسلم ايدج ومشكوووووره

 

[ريمه الكويت]

من قريت تووووووووووت ييت ركضضضضضضضضضض بس ماابي لازم اشوف الصور لان طريقتج تشوق بس اتشجع اسويها لما اشوف صورج مبين تينن يممممممممممممممم تسلمين

 

[كولوراديه]

يعطيج العافيه

 

[MassComm]

مشكورة