تصويت شنو اهم مشاكل الانتخابات بدولة الكويت؟؟

[خليج***]

بسم الله الرحمن الرحيم,,

حبيت اخذ ارائكم حول,,

شنو (اهم) مشاكل الانتخابات بدولة الكويت؟؟
-شراء الاصوات
-القبلية
-الطائفية

ارجوا التصويت,,
التصويت موجود بالاعلى,,

ولاباس من ذكر السبب في الرد,,والحل من وجهة نظركم,,

 

[ام حمني المطيري]

موضوعج حلو وصج هذا الشي اللي نعانيه للاسف
يعني لازم ارشح ولد جماعتي زين والاشين لازم ارشحه عشان لايزعلون ويتشرهون والدنيا دنيا
المفروض اني اشوف ندوات المرشح واشوف السيرة الذاتية والخطط المستقبلية شنو دراسته واهم شي تكون سمعته زينة
والمشكلة الثانية الجديدة ان المرشح يعطي البنات فلوس عشان يوقفون معاه ويجيبون له بنات عندهم اصوات

معاي وحده في الدوام عنزية وكانت محتاجة فلوس وقالت لها اخت مرشح تعالي بيوم الترشيح تقعدين في اللجان الداخلية واخوي راح يعطيج المبلغ الفلاني سواء خسران والا فايز المهم راحت من الساعة 7 الصبح لغاية الساعة 2 بالليل تقول هذا اليوم مانسي بحياتي مااكلت ولاشي وعيالي عند الخدامه ماادري عنهم تقول رجعت الساعة 2 وصارت بيني وبين زوجي مشكله كبيرة وبعدها خسر المرشح وادق علي خواته الجهاز مغلق ومايردون لغاية مارحت البيت تقول لقيت بنات شكثر نفس حالتي قص عليهم واوهمهم ان بيعطي فلوس وخدمات والخ...
المرشح تعبان ويبي يسافر نفسيته تعبانه مانقدر نكلمه نطرو علينا شوي بعدها كسب القضية وفاز وندق عليهم ومايردون ولايستقبلون وضاع تعبها المسكينه ........
انا بصراحه مارشحت ولا واحد لان زوجي عطاني لسته اعضاء يقول رشحيهم رفضت قالي اقعدي بالبيت لاترشحين وقعدت بالبيت مايسوون التعب

الصوت امانه

 

[ScarletteO'Hara]

انا صوتت حق شراء الاصواء الاصوات
هذي الشغلة تسبب فساد في عملية التصويت حيث ان الي ما يستحق دخول المجلس يشتري ذمم الناس عشان يدخلونه المجلس, و اذا هذا يبيع و هذا يبيع و غيره و غيره, الي صج كفء ماراح تييلهم الفرصة انهم يدخلون المجلس, فالي راح يدخل المجلس غير كفء, يفكر بالكرسي من غير ما يفكر بمصلحة الكويت

 

[katko0ota]

بصراحه و من غير زعل و تطاول ليش ان هذا نقاش حر

الي اشووفه ان القبليه و شراء الأصوات هم العنصرين الأساسيييين الي يوصلوون الي يسوى و الي ما يسوى حق المجلس

يعني من ناحيه القبليه , فا الله يهاداهم لازم ينتخبووون من نفس القبيله سواء كان الشخص زيييين او شيييين , يعني ما حطواا كصلحه الكويت جدام عينهم لآ فكروا بالقبيله !!!

و من ناحيه شراء الصوات , هذي الظاهره وايد انتشره و صارة واضحه وضووووح الشمس و السبب يرجع ان البعض ما عنده مبدا بحياته و الذمه و الضمير انسوووو امورهم الناس قامة تحط مصلحتها الشخصيه بالمقدمه .

للأسف نسووووا ان مصلحه الكويت فوق اي اعتبارات

تقبلواا مروري

 

[Snow-White]

والله كلهم

 

[دراهــم]

انا اشوفهم كلهم

بس الأقوى

القبلية


هذا رايي وتقبلوه

 

[ii DareeN ii]

اتمنى النقاش ماياخذ منحى قبلي او طائفي وان شاء الله تتقبلون وجة النظر الاخرى وكل انسان حر منو يصوت لة

 

[~ miss NERD ~]

القبلية

 

[mo0n light]

انا صوت ضد شراء الاصوات

وتبين الصراحه كلهم سبب مشاكل المجلس الله يعين

 

[نونيا]

والله انا اشوف عدم الوعي لدى المواطنين يعني التصويت يتم على اعتبارات اسم النائب والكريزما مالته مو على كفائته ووعيه وافكاره و قدرته على التغيير

 

[زينة الشرق]

تبون وجهة نظري كمواطنة أموت بتراب الوطن وديرتي الكويت تبون اقولكم شنو يخرب الانتخابات تبون الصج ؟؟!! في مشكلتين رئيسيتين في الموضوع اول مشكلة بالانتخابات هي (تعديل وضع مادي بحت ) ؟؟؟؟ والدليل شوفوا مجلس الأمة اليوم !!!! ما مداه يبدي الا هددوا بالحل !!! واقصد اللي في بالي خل نقول بعض النواب ؟؟؟ خلاص خذوا جم بيزة شيبون بعد ؟؟؟ ينهد المجلس ؟؟ ولا بالذمة متى بلش المجلس عشان تصير الاستجوابات ترا هذي مو شطارة يا نواب (البعض) لأن العمل المخلص من اجل الوطن يبي الصمت لا الصراخ (يعني شوفونا احنا نصارخ عشانكم )!!! والله ثم والله اللي يبي مصلحة الكويت يفكر بالشغل والجد والاجتهاد وحل المشاكل وتيسيير الصعاب وتذليللها ومحد بيوقف عقبة أمامه اللي يعطي الوطن بضمير الوطن راح يعطيه بسكم نجرة وصراخ وعيب نقول (البعض) اللي فاهمين العمل البرلماني صراخ وفلوس لا ومليون لا خافوا الله بديرتكم وشيوخكم وحكامنا الأوفياء اللي الله وحده العالم بدورهم الجبار من اجل خدمتك يا مواطن ولا تصير من شطح نطح ان ما خاني التعبير ...... اكتفي بلهقدر من التعليق .... لا شراء الأصوات ولا الطائفية ولا حتى القبلية السبب بالأعضاء (البعض) أنفسهم والله من وراء القصد .......... يارب تحفظ ديرتنا يارب توحد كلمتنا وصفوفنا وتصفي قلوبنا من اجل تراب هذا الوطن الأبي المعطاء برحمتك ولطف عنايتك يالله يا ارحم الرحمن .............................................................. وسامحوني على التقصير

 

[kekat kakaw]

القبلية

 

[غربــــة اِحساس]

جميع ماسبق

وحطي فوقها حب الذات والانانية

 

[ورده ولا كل الورود]

الصراحه كلهم بدون استثناء