تصير معاكم هالشغله بالمطاعم ولابس احنااا

[Om -TOota]

السلام عليكم


شلونكم خواتي


بقولكم عن شغله تتنبهون عليها بالمطاعم والا بس احنا كذا مره سارت معاي بكذا مطعم


المهم امس عزمني ريلي على مطعم المهم لمن طلبنا الحساب كان حسابنا 25 ونص تقريبا وماخذين بعد حساب السيرفس المهم اخذ القرسون الفاتوره وقعدنا ننطر الباقي الباقي 4 ونص ننطر انا وزوجي طول قلنا اكيد في شي والا يروح زوجي عند القرسون قال وين الباقي وزوجي لف علي والا اشوفه مطلع الباقي من جيبه يعني تخيلوا يبي ياخذ الباقي كله ولافكر انه يرده امبيييه اول مره سارت معانا :eh_s(1):


المهم جان يقوله زوجي لو انت طالب فلوس جان عطيناكم بس بوق عيني عينك قوويه

سكتنا


وانا بالسياره قلت لزوجي عن موقفي انا وامي واختي كنا رايحين مطعم وطلبنا الفاتوره

وياب الفاتوره وحاسبت الوالده كانت عازمتنا وبقا فكه تقريبا دينار وشوي وقبل الفاتوره طالبين قهوه فرنسيه وامي تحاسب انا قاعده اشرب القهوه وتخيلو القرسون واقف على لااسي يعني طرده اشكره قلت نعم
قال نو بروبلم مدام درينك درينك


انا على نياتي طنشته ولمن امي خذت الباقي تخيلوا راح وخلانا ووقف عند اللي صوبنا يعني بنااات انا بعرف اهما ماخذين السيرفس 3 وشوي ليش ما ييبون قرسون شايف خيير احس تعودوا ان احنا اهل الكويت ماناخذ باقي الفاتوره اوكي لو المطعم مو ماخذ خدمة السيرفس احنا مرات نحط شي بالفاتوره للقرسون لكن ماخذين ويبون بعد بخشيش امبيييه والله قاصين علينا

طبعا مو كل المطاعم بعضهم


بنااات ابي اشوف بس انا تمر علي هالمواقف والا انتوا بعد​

 

[امـ جوجو]

ياكثر ماصارت لا وبعد المشكله حتى بمطاعم الدليفري ينطرون البخشيش

استغفرالله خلاص تعودوا علينا احنا

لازم نسوي مقااطعه عشان يتوبون

 

[كويتيه مذهله 87]

ماصارت فيني الحمدالله

 

[ام كوشه منكووشه]

رد : تصير معاكم هالشغله بالمطاعم ولابس احنااا

بصراحه انا ما لاحظت هالشي يمكن لان مو دايم اروح مطاعم بالكويت

لكن اذكر قبل فتره كنا رايحين نشتري وجبه لبنوتي من واحد من هالمطاعم مال الوجبات السريعه اللى صار ان لمن ردت الفاتوره لريلي كاتبه الحساب شي والمبلغ اللى ريلي دافعه شي وردت الباجي نااقص واايد حتى ريلي يقوال هاذي متعمده لانها موغلطانه بدينار او دينارين اهي كاتبه ان ريلى دافع 2 دينارين واهوا معطيها 10 ووجبه اليهال ماتي دينار

 

[كويتيه مذهله 87]

ماصارت فيني الحمدالله

 

[كول سلو]

رد : تصير معاكم هالشغله بالمطاعم ولابس احنااا

اختي المفروض تغيرين الموضوع وتكتبين منو ماصارت معاااه لانه وايد بالهبل هالحركات طبعا انا اقصد البخشيش استغفرالله

ولمن نطلبهم خدمه كل واحد يقول لثاني انت روح بس نقوم من الطاوله هجووووووووووووووم كلهم عالباقي وينهم اولي مادري@

 

[يـاسمينا]

حبيبتي ترا في قانون بالكويت يمنع المطاعم ياخذون فلوس عن الخدمه او السيرفس
يعني لو يكتبون بالفاتوره فلوس السيرفس تقدرين تقولين لهم ماراح ادفع الا حق اللي كليته
راح يسكتون ولا جنهم مسوين شي , ونادر ما تحصلين مطعم عندا هالشغله لان امنعوا من سنين ..

وهالشغله اللي قلتي عنها صارت معاي وايد بس شوي بأدب
مو نفس اللي تسلطوا عليج ..

 

[أم@الحلوين]

واااااااااااااايد تصير قطيعه ما يشبعون فلوس

 

[Omniya]

رد : تصير معاكم هالشغله بالمطاعم ولابس احنااا

ياسمينا والله زين انا عبالي غصبن علي ادفع السيرفس :/

 

[كويتيه وافتخر]

مشكله الطمع

اناانقهر من زوجي ليي راح مطعم غالي حسابنا يطلع 26 اوشيء قريبا

ويحطلهم بخشيش دينا ر واهما ماخذين عمولتهم وخالصين


الخلل منا احنا لازم الكويتي يبخشش يحب هالشيء

 

[amoOoNA Al_mazyoNa]

ولا مرة صارلي جذي بمطعم .. بس بدوامي الفراش اذا طرشته الكفتيريا يلــــط الباجي ..

والشي اللي وايد يصير لي بالمطاعم لي بقووا يردوون الباجي يردوون خرداااااات بس ماأخليها لهم لأن حركتهم بايخه

 

[برونزيه شقرا]

البوق أشكره والجرسونات ما يستحوووووون
بصراحه حاطين أوصخ الناس وانتو بكرامه
مره تعشيننا انا وريلي بالافنيوز جان اقوله ودي اكل مولتين كيك من تشوكليت بار
قاللي شبعان قلت اوكي على الاقل كوفي
المهم رحنا وقعدنا وطلبت انا المولتين وكافيه لاتيه وبطل ماي الشلال (أغلى وانقى المياه )
وزوجي طلب شاي
الجرسون موعاجبه ويقول حق زوجي بسسسس بس هذا طلبكم جان يقولله ريلي عندكم قوزي نبي جان يقولله وت وت يو سي سير
المهم طول ما اهوا ينطر الطلب واهوا يسولف مع كل جرسون شوفهم مااطلبو اللا كذا كذا كذا وانا اطالعه اشكره واول ماحط الطلب رجع قال حق زوجي يو نيد سم كيك سير واول ما اكلت الكيكه ياب الفاتوره تخيلووووو وواقف فوق راسي
يعني شي غرييييييييب
المشكله الحساب بحدود العشره وانت كافيه شنو تبي أكثر

 

[درة أهل الطولات]

اي عادي تعودناااا

 

[~ M!sS D!oR ~]

رد : تصير معاكم هالشغله بالمطاعم ولابس احنااا

ويه عادي خاصه مطاعم الدليفررري لما يقووولج ما معاي خررده او فكه اشكرررره يبي بخشيش
قططططططططططططططططع

 

[♥√طمـوحي غيـر√♥]

اي والله ياكثر ماصارت انا الحين مقاطعه المطاعم<<< لزوووم الريجيم

 

[قطوة@@]

ولا مرة صارت فيني

 

[tmtmt]

على كثر روحاتي للمطاعم ما صارت فيني
لو 100 فلس ايبوونهها

بس المطاعم الدلفري
اهما الي يسوونها
ايي وكله ماعندهم خرده
اخذ الطلب واقوله روح ييب خرده وتعال
ياي توصل ما معاك خرده شلون
:\

شكثر اسويها هالحركه
لنهم يبطون جبدي

 

[cuta.19]

وايد تصيييييييير لا واللي يدعسون الخردة داخل الشسمه اللي ينحط فيه الفاتورة صج فقر مالت عليهم مايستحوووووون هم ياخذون سيرفز ويبون فوقهم .. و مرة همن بمطعم كنت مستعيله ناطرة الباجي ردلي فلوسي ناقصين 100 فلس يمكن .. جان امشي كنت مستعيل انا مو عال100 فلس بس عيب شنو هذا ياخذون فوق خدمتهم فلوس مني 100 ومن كل طاوله 100 يحصل شكثر بالشهر !!

 

[كيكه توفي]

ولا مره صارت معاي

 

[kuwiteyah]

امبله صارت معاي كنت انا ويا رفيجاتي
كان الباقي 5 وطنش الاخ
لما سألته عن الباجر بعد ربع ساعه قالي نسيت
تخيلوا يقول نسيت
بس طلعتهم من بلعومه