تطبخين حق حموله

[الجمال عنواني]

سلام خواتي ومبارك عليكم الشهر مقدما .. منو فيكم تطبخ حق حموانها بنسبه لي انا كل اسبوع اطبخ حق جمعت حمواني يعني كميه كبيره وتعرفون طبخ ارمضان شلون تنوعين في الطبخ يعني ينهد حيلج والمواعين تترس المطبخ الله يعين الخدم علي :dfgl:.. عاد شلون بنسبه لكم؟؟ كل وحده عندها طريقه او اقتراح يخفف الغثاء والتعب:eh_s(11)::eh_s(11):لا تبخل علينا ترا نكسر الخاطر وشنسؤي بعد:denya::0bee2e8d89:

 

[سموالاميره]

على شانج للرفع

 

[كويتية ونعم]

عادي والله كم حموانك انا حمواني 4 وبعدين تكسبين اجر من افطر صائم لكي مثل اجره ومن غير خالتى وحمواتي 2 ومرات حماي الكبير وعيالهم انا الي اطبخ يوم كامل زام والسحور والحين سبحان الله طلعت ببيت لحالي انا وعيالي وزوجي واليوم الثانى مر ت حماي وكذا وحمواتي مايسوون شي عادى خليها على ربك اذا جيتى تنامين استغفري 33مرة وسبحي 33مرة وكبري 34مرة تسهل امورك ان شالله

 

[الجمال عنواني]

سمو الاميره الله يرفع شانج .. كويتيه والنعم ادري والله الله لا يحرمني الأجر الله يسلمج حمواني ما شاءالله 35 من غير الهنود 5 .. الله لا يحرمني الأجر .. بس كل قصدي انا شي متعب ونبي افكار نخفف فيها التعب ...

 

[q8_bebe]

35 :eh_s(1):
اللللله يعينج انا 2 والثالث زوجي بس نبي من البنات طبخات سهله يا ريت تساعدون اختكم الله يهون عليج انشالله

 

[ام الدرر]

ماشاءالله تبارك الرحمن
ياعمري العين حق ماكان لازم تذكرين العدد الله يكافيكم شر النفس والعين
عالعموم اذا كنتي تطبخين يومي فاعتقد اصناف رئيسيه مثل
1-شوربه (تقدرين تجهزينها قبل بيوم مثل العدس تسلقينه مع الخضار اللي تحبين وبالثلاجه ومن باجر تحمسين له زبدة وبصله مفرومه ناعم وشوية زنجبيل وتطبخينه)
2-العيش مجبوس لحم او دجاج طبعا بنفس اليوم
3- هريس او جريش او تشريب كافي تنقعين الحب من الليل وتركبينه اول شي الصبح
4-والخفايف لا تكثرين نوعين مالح يعني مثلا سمبوسه وكبه تكونين محشية ومفرزنته او شاريته
5-والحلو اما لقيمات وطبعا بنفس اليوم تعجن قبل الحوسه وتنصب آخر شي اوقطايف محشية ومفرزنه وجاهزة للقلي
6-والحلو البارد حق عقب الفطور محلبية او انواع جلي او كريم كراميل واذا تحبين عندي طريقة طبقات الفراولة والمنجا والجوافة عجيب كل من ذاقة سال عن الطريقه سوي كمية كبيرة قبل بيوم واختاري الاكواب البلاستك الشفافة الصغيرة تنباع بالشويخ عند محلات التمور محلات تبيع الربطة فيها 100 او 50 مع الغطا بدينارين يمكن اخذي كميه تكفي الشهر كله وتقدرين تسوين كمية 50 او 100 وبالثلاجه يقعد معاج يومين او 3 مغطى مايتغير
انا اسوي كل اللي قلته لما يكون دوري بجمعة اهلي لاننا نكون وايد واحتاج تجهيز قبل بيوم
وتقدرين تنوعين اذا كان طباخج يومي واي سؤال انا حاضرة ​

 

[الجمال عنواني]

جزاج الله خير يا ام درر لا دوري اسبوعي بس وحمواني واجد لي أن ابوهم متزوج ثنتين وحمواني كبار يعني اجداد مشاءالله عليهم عشان جذيه عددهم واجد . حنا نتداور انا وحماتي كل جمعه علي وحده

 

[دانوووه-qtr]

الله يعينا والله - شوفي انا مشاء الله شكثرهم وعيالهم مشاء الله الله شكثر - اللي اسويه هالايام كله اجهز السمبوسه والكبه والكفته والورق العنب واثلجه - وفي رمضان متى ماقرروا يفطرون عندي - اطلع من الثلاجه واجهزه وبس - ما اتعب وايد - والصحون اخذ من الجمعيه صحون بلاستيك - عشان ما اتعب الخدامه - والسويت اسهل شي اسويه في الملال الصغيره او الكاسات - اي طريقه تحبينها - احسن بدال العفسه وتعالي قطعي وقدمي اوزع عليهم وكل واحد ياخذه صحن له - وبسسسسسس

 

[بناتي زينة حياتي]

الله يكون بعونج وكلن بأجره صدقيني ... وكلام اختي ام الدرر فعلا درر مابعدها كلام

وعساج من عواده ..

 

[طيرشلوا]

اى واللة اطبخ وجنة العيد
اخوانى واهلى شلون ما اسوى شئ لهم
شوفى لماكنت معاهم لازم اشتغل ما اعرف اكل وانا مومسوية شئ وخصوصا برمضان باقى السنة بسلامة الخدامة شاطرة ماشاء اللة عليها
ولما طلعت لبيتى بالذات برمضان ماروح وايدى فاضية
ويوم اسوى فطور واجمع الكل ويوم غبقة
وعسا اللة لايغير الحال يارب العالمين
بس بما انج حطيتى الموضوع >>> بقول شغلة للبنات الى شايلين ايدينهم من الحمولة او الى ماتبى تجسر الحمولة على شئ حبيبتى الى تحبينة وترضينة لاهلج حبية لاهل زوجج
والى وليدى ورجلى منهم مالى غناتن عنهم تصير مواقف وتصير شغلات بس كلها مع السنين تصير كلام وسوالف اهم شئ النية الصافية

 

[همسات ليالي]

اى واللة اطبخ وجنة العيد
اخوانى واهلى شلون ما اسوى شئ لهم
شوفى لماكنت معاهم لازم اشتغل ما اعرف اكل وانا مومسوية شئ وخصوصا برمضان باقى السنة بسلامة الخدامة شاطرة ماشاء اللة عليها
ولما طلعت لبيتى بالذات برمضان ماروح وايدى فاضية
ويوم اسوى فطور واجمع الكل ويوم غبقة
وعسا اللة لايغير الحال يارب العالمين
بس بما انج حطيتى الموضوع >>> بقول شغلة للبنات الى شايلين ايدينهم من الحمولة او الى ماتبى تجسر الحمولة على شئ حبيبتى الى تحبينة وترضينة لاهلج حبية لاهل زوجج
والى وليدى ورجلى منهم مالى غناتن عنهم تصير مواقف وتصير شغلات بس كلها مع السنين تصير كلام وسوالف اهم شئ النية الصافية

هذا الصح

 

[الجمال عنواني]

اى واللة اطبخ وجنة العيد
اخوانى واهلى شلون ما اسوى شئ لهم
شوفى لماكنت معاهم لازم اشتغل ما اعرف اكل وانا مومسوية شئ وخصوصا برمضان باقى السنة بسلامة الخدامة شاطرة ماشاء اللة عليها
ولما طلعت لبيتى بالذات برمضان ماروح وايدى فاضية
ويوم اسوى فطور واجمع الكل ويوم غبقة
وعسا اللة لايغير الحال يارب العالمين
بس بما انج حطيتى الموضوع >>> بقول شغلة للبنات الى شايلين ايدينهم من الحمولة او الى ماتبى تجسر الحمولة على شئ حبيبتى الى تحبينة وترضينة لاهلج حبية لاهل زوجج
والى وليدى ورجلى منهم مالى غناتن عنهم تصير مواقف وتصير شغلات بس كلها مع السنين تصير كلام وسوالف اهم شئ النية الصافية

اشكر خواتي اللي ردو واختي طير شلوا صج انا عادي لو ماابي اقدر اشيل ايدي بس اول وتالي اهل اعيالي وعشان بعلي وكله بأجر انشاء اللله.. بس انا قصدي ان كل وحده تطبخ حق حموله مثلي نساعد بعض .... خاااااااااااااااااااااصه اللي مثلي .....

 

[الجمال عنواني]

فوق فوق مبارك عليكم الشهر

 

[شووكولاته]

ليش تسوون كل مره على احد كل وحده طبقين احسن ولا هالتعب

 

[MoonDiamond]

مبارك عليج الشهر وجزاج الله خير وبارك الله فيج ولج في بيتج وزوجج وعيالج وصحتج..

عشان تخففين على نفسج.. اغلبه علمي الخدامه تسويه بالليل حق باجر.. يعني سوي مرق التشريب قبلها بيوم اذا ما معاها لحوم.. انا اسوي مرق بدون لا لحم ولا دجاج ولا خضره واحطها بالثلاجه.. وقبل الفطور احطها عالنار واقطع بطاطا وجزره واللي ابي من الخضار واخليه واكون وفرت وقت تقطيع البصل والحمس ووووو اما اذا مرق دجاج والا لحم لا والله اسويه بنفس اليوم لانه احلى واكون مو حايسه نفسي يومها .. الدجاج تبليه بالليل بروب وليمون وكركم وملح بقدونس مفروم او صلصة اش بي الجاهزه والا الهمبه وانتي حسب ما تحبين من نكهات وبعد اذان العصر احطه بالفرن واخليه.. الورق عنب والملفوف لفيهم بالليل والساعه ثنتين حطيهم عالنار وخليهم يستوون عالراحه.. المعكرونه سوي صوصها بالليل وثاني يوم بس اسلقي واخلطي وديري بالج تحطين بقدونس بصوص من امس .. لا خليها فرش قبل ما تنجبين..الجيلي والكريم كاراميل من الصبح الخدامه تسويهم ومثل ما قالوا البنات الله يعافي صحون البلاستك وحطي فوقهم قطع اناناس والا كرز والا بلاك بيري وشوية كريمه الفوم الجاهزه..

والله هذا نظامنا قبل عند بيت اهلي بس من تزوجت وسكنت بروحي اروح لحمولتي بطبق وخالتي ماشاء الله سفرتها عامره..

والله يعينج ويتقبل اجرج وما وصيج الباجي طرشيه للمسجد القريب عندكم ومالج الا الاجر..

 

[عيش و مرق]

طرشى من عند الهندى الى بالجمعيه يبى سمبوسه وكبب وحطيهم بالفرن السخان عشان لايبردون بالبايركس.........ويعد الهريس والجريش حطى فى بايركس عود من الى بالجمعيه ونخى وباجله يبقى عليج بس الطبق الرئيسى الى فيه الايدام ولاتعلمين احد عن السر بروحك بسكات

 

[حصووونه]

مبارك عليكم الشهر
ماشالله عليكم الله لايضركم يارب
شجعتوني والله بكلامكم لاني مبتدأه بالطباخ وقاعده اتعلم شوي شوي الله يفتح على قلبي يارب

 

[الجمال عنواني]

حصووونه علينا وعليج انشاءالله وتقبل الله منا ومنكم صالح الاعمال

 

[غلاي غير]

الله يعينج حاسه فيج
الحلو احلا شي لانه تسوينه قبلها بيوم اللقيمات صعبه مع الناس الواجد سوي قطايف حشيها بالليل وثلجيها وطلعيها قبل القلي بساعه وقليها قبل الاذان بساعه ونص وسمبوسه الصغار حشيها كيري وقليها وحطي على شيره
انا احمس الحمسه قبل لاانام البصل والثوم والبهارات وماتخرب طاحمس حمسه المعكرونه ووالبيتزا والشوربه ماتخرب وحتى الحشو بس الحمسات زيدي الزيت عليها من فوق
العدس اسلقه واهرسه بالخلاط لين ينطحن بس اضيف عليه الحمسه وشوربه ماجي
الخضره اكون غاسلتها (سواء المرقه او السلطه)
السمبوسه والكبه وهالسوالف مثلجه وحتى الفطاير يثلجونهم
الدجاج انظفه وابهره قبل لاانام
بس اللحم مشكله لازم بيومه
انا عادي اطبخ بس ما احب انجب لان وقت معين واخاف يبرد
انا كل يوم انزل اطبخ معاهم لو لي يوم معين اهون

 

[ندى629]

انا اشوف ان الحموله افضل شي انهم يتجمعون عند الكبير وكل واحد يجيب معه طبق اهم شي اللمه لانها حلوه لكن تتحملين الجمعه انتي بروحج صعبه وايد