تطعيم و حلاقة القطوه؟ فيدوني الله بعافيكم

[Mystique]

السلام عليكم بنات

انا عندي قطوه ما طعمتها الا اول سنه و اللحين عمرها ثلاث سنين بغيت اعرف بجم التطعيم صج ب49 دينار؟ انا اتصلت ب المستشفى الدولي اللي كلمتني تقول يشوفها الدكتور و بعدين يطعمها
ما اتذكر اني دفعت هالمبلغ من اول :eh_s(4):

اهيا مو مريضة الحمدالله بس ابي اعرف شنو التطعيمات اللي تحتاجها كل سنه
بعض المرات اوسوس اقول القطوة ما فيها شي اخاف اطعمها و تتعب

وسألتهم عن حلاقة القطوه قالوا ب 18 و يخدرونها المسكينه
ما اظن الحلاقه لي هالدرجه صعبه ما ادري قاعد افكر احلقها بالبيت :eh_s(10):

 

[lojeeen]

التطعيمات كلها نفس المكونات عند كل بيطري لأن كلها تنصرف من وزارة الصحه بس المشكلة ساعات البيطري ما يعرف يقدر الجرعه المناسبة لكل عمر و لكل فصيلة فالأفضل تروحين عند بيطري ثقه و تروح له الناس بكثرة

انا ماحب المخدر حق الحلاقه وايد قطاوه تموت لأنها تتحسس من نوع المخدر
اذا قطوتج شعرها وايد كثيف و متخلبص لدرجه انج ما تقدرين توصلين للجلد الأفضل انج تحلقينها بالبيت حتى لو كل يوم تحلقين من شعرها شوي
مكينات الحلاقه العادية اذا ما تشيل شعرها جربي مكينه اويستر خاصه بالحيوانات تنباع في ايس هاردوير

 

[Ańwăr Almlěssờń]

ليش رايحه مستشفى الدولي الله يهداج حييل غالي و اسعارهم مبالغ فيها لانه مستشفى الماني اعتقد

روحي مستشفى الري اسعارهم زينه الحلاقه ب12 دينار

بس ما انصحج تحلقين لها الحين

لان داشين عالشتا حرام و شعر القطط اهما الي يدفونه


اذا شعرها وايد حيل يعني يأذيج تقدرين تقولين يخففون منه بس

موفقه

اما الحلاقه بالبيت ما انصحج اذا ماعندج خبره لان شعر الراس و الشوارب و غيرها ماينقصون لان لو قصيتيهم بالغلط يصير عندها خلل بالتوازن

و غير ان القطوه ماتحب صوت المكينه و تخاف فا راح تتعبج بالري ب12 وريحي نفسج

 

[دلع وذوووق]

ان شالله البنات يفيدونك

 

[Mystique]

حبيباتي مشكورين عالأفادة كل اللي ردوا

 

[شربـــات لـــوز]

حبيبتي مستشفى الدولي اذا عندها ملف ماياخذون 49 راح يكون بس سعر التطعيمه
والحلاقه عندهم ب 20 واذا معا تخدير ب 23 بس حلاقتهم سعرهاا فيها الصراحه تهبل الشعر يطول مره وحده ومرتب يصير
انا الصراحه ماارتاح الا لما اروح الدولي صج غالي بس ادفع فلوسي وانا مرتاحه لان الدكاتره شاطرين والمستشفى نظيف