تطلقت وانا بالملجه ساعددددددددددوني

[غزل 2010]

:denya: مبارك عليكم باقي الشهر بنات مادري شلون ابدي معاكم بنات انا ملجةوبعد جم شهر تطلقت وماني عارفه للحين شنو السبب كنا بفترة الملجه وايد زينه وهو بعد هو زين كل شي ابيه يسوي لي وفجاء يبنات تغير مايتصل ولا يسال وان رد قال انا مشغول ورحت قلت لاختي زوجها صديقه وراح يسال الرد مشغول وعنده ظروف وبعد جم شهر قطع فجاء يوم اهلي يسالون والرد كان ورقة الطلاق بنات شنو بنات الناس لعبه عندهم وناس يقولون يبي وحده وناس يقولون اهله مايبوني وناس يقولون انه تسرع بالزوج والله يناس ماعرف شنو الصج شنو بنات الناس لعبه عندهم بس ماقول الا حسبي الله ونعم الوكيل بنات منو مرت مثل حالتي وشنو سوت ابي الرد ولا تبخلون علي

 

[*سحآبة*]

رد : تطلقت وانا بالملجه ساعددددددددددوني

سبحان الله ..

لا تزعلين وتكدرين روحج وتتضايقين ..

كل شي فيه الخيــره

هذا انتو يالبنات ..وقت الملجة سوالف وتلفونات وشوفني واقعد معاي واقعد بغرفته .. وتصير سوالف

حلات كل شي بوقته


اكيد سامع شي .. او شاف عليج شي .. او سبحان الله ..

ماتدرين




انا اقول افرشي سجادتج .. واحمدي ربج ..واطلبي من ربج يعوضج باللي أحسن منه ألف مره



انا اعرف وحده بوقت الملجة اللي ماصارت شهر ..وتطلــــــــــــــقت!

وسبحان الله .. ويجي ولد خالة اللي طلقها ..وتزوجوا ..الله يهنيهم


ماتدرين وين الخيره يا اختي ..


موفقة

 

[L A T T E]

ادعي لنفسج ان الله يوفقج و يرزقج بالزوج الصالح

من صالحج انج تطلقتي قبل الزواج نفسه.. مو احسن من انج تحملين و تتوهقين بالبيبي ؟!

مبين من تصرفاته انه شخص غير مسؤول وأهله بعيدين عن السنع.. عيل ورقة طلاق !!

تعوذي من إبليس و خلج واثقة من نفسج وكملي حياتج..

 

[البـنـدري]

رد : تطلقت وانا بالملجه ساعددددددددددوني

كلام اختى حبوبه عين العقل

 

[ريمي اميري]

رد : تطلقت وانا بالملجه ساعددددددددددوني

هلا غزال ..
الله يكون بعونكـ .... صادقه ولله بنات الناس مو لعبه لهذي الدرجه وصل فيهم الاستهتار بمشاعر وحياة الغير .. لا حول ولا قوة الا بالله

حبوبه اقولك ولا تسالين ولا عليك بشي الحمد لله انتي ما غلطي معه في شي هو الي قليل اصل الله يقلل من امثاله الله بعوضك عنه باحسن منه مليون الف مره وبتشوفين انتي بس توكلي على الله ودعيه ليل ونهار يزيل عنك كل هم وحزن .. ويفرحك ويسعدك قريب ..

 

[.،:"$الـعـوبــــة$":،.]

رد : تطلقت وانا بالملجه ساعددددددددددوني

يسلم راااااااااااااسك ،،
بكرة الله يرزقك باللي احسن منه ،، وخليه هو ربه فوقه ،،
لا تفكرين وتنغثين ، الطلاق قسمة ونصيب ، والحمدلله يوم تملك عليك مازادك شي ! ويوم طلقك ماظنيت نقص منك شي !
ردي ثقتك بنفسك ، ولا يهمك أحد ! لا تنكسرين كأنه آخر إنسان بالعالم ! وتشمتين العواذل فيك ،،​

 

[المغفره يالله]

رد : تطلقت وانا بالملجه ساعددددددددددوني

الله يرزقج باللي احسن منه ويرزقنا اجمعين

 

[Tulips]

رد: رد : تطلقت وانا بالملجه ساعددددددددددوني


اول شي الله يعينج اصعب شي تتطلقين وانتي مو عارفة السبب .. ما عليج باجر عبالج بتعدي عليه جذي ؟؟

لا باجر الله بيجازيه جانه ظالمج .. بعدين فكري فيها انها خيييره .. والله مايقدرلنا الا الخير

و انسي خلاص وعيشي حياتج وباجر راح يتندم قد شعر راسه على اللي سواه فيج

والله يرزقج باللي احسن وارجل منه

 

[sweet dashttya]

رد : تطلقت وانا بالملجه ساعددددددددددوني

عباله بنات الناس لعبه الله يهديه بس

ويرزقج باللي احسن منه

 

[المـــــها]

:denya: مبارك عليكم باقي الشهر بنات مادري شلون ابدي معاكم بنات انا ملجةوبعد جم شهر تطلقت وماني عارفه للحين شنو السبب كنا بفترة الملجه وايد زينه وهو بعد هو زين كل شي ابيه يسوي لي وفجاء يبنات تغير مايتصل ولا يسال وان رد قال انا مشغول ورحت قلت لاختي زوجها صديقه وراح يسال الرد مشغول وعنده ظروف وبعد جم شهر قطع فجاء يوم اهلي يسالون والرد كان ورقة الطلاق بنات شنو بنات الناس لعبه عندهم وناس يقولون يبي وحده وناس يقولون اهله مايبوني وناس يقولون انه تسرع بالزوج والله يناس ماعرف شنو الصج شنو بنات الناس لعبه عندهم بس ماقول الا حسبي الله ونعم الوكيل بنات منو مرت مثل حالتي وشنو سوت ابي الرد ولا تبخلون علي

الله يرزقج بغيره و يوفقج معاه بإذنه سبحانه و تعالى
و خيره لج إن شاء الله
و انتي مو أول ولا آخر وحده تمر بهالشي
شكثر نفسج و تزوجوا عقبها عادي ما طولوا


و الشي اللي صج يخليج تفكرين : ليش طلقج ؟؟؟
بس أقولج لا تتعبين نفسج دامه انفصل عنج خلاص شيليه من راسج
و توج بسم الله عليج و الله يرزقج يا عمري بالزوج الصالح اللي يستاهلج

 

[Model Look]

حبيبتي انا صديقتي جذيه تطلقت بوقت الملجه وسبب الطلاق غير معروف !!!

صج شي يحز بالخاطر وتعبت نفيسيها بعد قلبي والبنت ذهب شويه عليها اخلاق وسنع

بس شتفول الله يعينها ويعينج ويرزقكم باللي احسن منه

 

[*دوسرية عسل*]

رد : تطلقت وانا بالملجه ساعددددددددددوني

حبيبتي انتي ما تدرين وين الخيره اللي الله كاتبه لج ادعي ربج و الله يعوضج باللي احسن منه ..

 

[باربي للابد]

حياتي الله ياجرج انشالله

صج موقف صعب بس قدر الله وما شاء فعل صدقيني خيره

يطلقج الحين وانتوا عالبر ولا يطلقج عقب جم سنه وعندج عيال

واللي مثله ماتحسفين عليه مبين ما عنده احساس ولا ضمير خيره اللي الله فكج منه

اهم شي لا تضيقين خلقج وربي يعوضج خير انشالله ​

 

[حصه11]

رد: رد : تطلقت وانا بالملجه ساعددددددددددوني

الله يرزقج بالزوج الصالح ان شاء الله

ولاتكدرين عمرج صلي واستغفري حبيبتي

ربي يوفقج ان شاء الله

 

[غزل 2010]

مشكورين بنات على الردود صج انكم خوات والله يساعدني وتعدي مشكلتي وانسى اللي صار

 

[غزل 2010]

هلا والله بنات انا بالملجه اشوفه بحضور اخوي او امي بس ماطلع معاه وكلمه بالتلفون بس اروح بيت اهله ومطاعم لا

 

[cherry kisses]

المفروض تستانسين و مايضيق خلقج كلش و لا تعورين قلبج
لانه الله فكج من واحد مثله مو كفووووووو الله يحبج

 

[نــعــوومــه]

خيره حبيبتي لاتتضايقين ..... اللي هذا اوله ينعاف تاليه .. ​

 

["اسطورة العشق"]

هذا طايش و مستهتر ماخذ السالفه لعب مو حاس بالمسئوليه
الحمد الله انج افتكيتي منه الحين مو بعد العرس .. انشالله ربي يرزقج الي احسن منه يا رب

 

["اسطورة العشق"]

انشالله خيره حبيبتي ...