تطلقت وانا بتجهيزاتي للزفاف وعمري ما بسامح نفسي

[دنيا الصدمات]

السلام عليكم بنات
شخباركم​

موضوعي ما يعتبر مشكله كثر ما يعتبرفضفضه وطلب دعواتكم لي بظهر الغيب لانه دعوة المؤمن للمؤمن والغريب للغريب مستجابه..​

تطلقت وانا في تجهيزات العرس كنت مخطوبه وانا احبه وهو يحبني بس الله كاتب علينا الفراق
ادري انه هو يحبني ليحين وهو يدري اني احبه ومحد متقبل الطلاق بس انا غلطت بحقه ومعذور​

الحمدالله على كل حال ​

بناااااات ابيكم تدعون لي انه الله يصلح ما بينا لانه صج صج مااتخيل روحي مع غيره​

ادري بعضكم بيقولون الطلاق مو نهاية العمر وانا توني صغيره 22 سنه وتراني ما وقفت حياتي مثل غيري صج مريت بفتره صعبه ايام المشكله بس الحمدالله تعديتها​

الي صاير الحبن اني ابيه​

ادري اني ما بموت من دونه وادري الحياه بتمشي بس هو انسان غالي في حياتي كثر مااقول غالي مااوفيه حقه
يعني عن جد اتمناه يكون هو ابو عيالي بالاخر اتمنى اعيش العمر حلوه ومره معاه​

اتمنى من قلبي تدعون لي وحتى الي ما بترد كفايه دعوه بظهر الغيب​

وبالاول والاخير اللي فيه الصلاح الله يكتبه لي ان شاء الله

 

[Killer^Girl]

الله يعوضج خير انشالله

 

[وردة-الكويت]

الله يجمعكم مع بعض يارب ويسخره لج ان شاءالله ويسخرج له يارب

وحاسبي على كلامج معاه وثمني الكلمه الي تطلع منج

 

[غداً القاك]

رد : تطلقت وانا بتجهيزاتي للزفاف وعمري ما بسامح نفسي

ياقلبي انتي الله يكتب لك الخيره ولاتعلم نفس مااخفي لها من قرة اعين

 

[الأماكن]

رد : تطلقت وانا بتجهيزاتي للزفاف وعمري ما بسامح نفسي

أن شاء الله يصير خير

والله يصبرج و يعوضج باللي أحسن منه

حياتي كسرتي خاطري

 

[قاهره عذالي]

رد : تطلقت وانا بتجهيزاتي للزفاف وعمري ما بسامح نفسي

وعسى ان تكرهوا شيئا وهو خيرٌ لكم

 

[الأماكن]

رد : تطلقت وانا بتجهيزاتي للزفاف وعمري ما بسامح نفسي

دام انج غلطتي بحقه

ليش ما تتأسفين له ... حاولي تدخلين كبار العايلة يصلحون بينكم

 

[مندوبة ام بندر]

الله يعوضج خير انشالله

 

[أم سلوم الحلو]

الله يصبر قلبج

 

[عادت ذكرياتي]

الله يعوضج خير سواء معاه او بغيره
وعسى أن تكرهوا شيئا وهو خير لكم

 

[خذاني الشوق]

الله يعوضج خير وانتى اللي بديتي حاولى تتعذرين له وتتاسفين وادعى ربج بالثلث الاخير من الليل

 

[angel_soul_1989]

رد : تطلقت وانا بتجهيزاتي للزفاف وعمري ما بسامح نفسي

الله يجمع بينكم ان شاءالله ،،،
واذا يحبج بيرجع لج لو شنو صار واذا الله موكاتب خيره لج وله ....

 

[قاهره عذالي]

رد : تطلقت وانا بتجهيزاتي للزفاف وعمري ما بسامح نفسي

شوفي بقولج شي
لو تجمع الدنيا كلها
وتقول طلق مرتك
ماراح يطلق
الا اذا هو جايز له الطلاق ويبيه
صدقيني محد ينغصب ع الطلاق غصب
هذي اعذار
اللي يطلقج هو مو اهله ولا غيره
فلا قلبج يحن حيل
اللي باعج بيعيه
واللي يحب مايتخلى عن اللي يحبه
ولا يطلقه

 

[سارة ة]

الله يعوضج خير انشالله

 

[دنيا الصدمات]

رد : تطلقت وانا بتجهيزاتي للزفاف وعمري ما بسامح نفسي

مشكورين على ردودكم ودعواتكم

اختي الاماكن للأسف ما تم احد مادخلته بس هو معند
وللأسف احنا بالاصل مسوين لنا سحر حسبي الله على اللي كان السبب
وانا رحت لشيخ وهو يدري بس مو مصدق وقلت له تعال معاي يوم صارت المشاكل بينا قبل الطلاق ورفض
حاولت معاه بكل الطرق
والله اشكثر عانيت

يمكن بعضكم يقولي ليش تذلين روحج
كل اللي حولي يقولون لي الف من يتمناج وهو ما يناسب لي لا شكليا ولا ماديا ولا في التعليم ولا في التفكير بس هو طيب وقلبه ابيض من جذي متعلقه فيه

بس الحب وما يفعل ..

وللأسف قلبي ابيض مااشيل على احد من جذي عاذرته
انا غلطت وبني ادم خطاء بس اعتذرت له الف مره ورافض يسامحني

والله مشكلتي عويصه لو اقولها هني محد بيصدقها من جذي ماقلتها مابي احد يشكك فيها
بس ابي دعواتكم والله واللي فيه الصلاح الله يكتبه لي

 

[الشهد كله]

عسى الله يجمعكم على الخير يارب​

 

[فاقده ابوهاااا]

رد : تطلقت وانا بتجهيزاتي للزفاف وعمري ما بسامح نفسي

عسى ربي يرجعه لج

 

[chakletaA]

الفرااااااق اللي خلقه خلق عشره بداله
وظيفه زوج الله يبدل حال من حال افضل
اوومني بربي فقط لاتقولين ابيه احبه انكسرت
لفي بدنيتج تلقين اللي يشاابهج بصفااتج
حب وعاشر فلا بد من الفراااق

 

[ريماس77]

رد : تطلقت وانا بتجهيزاتي للزفاف وعمري ما بسامح نفسي

دامج غلطتي بحقه فتحملي نتيجة غلطتج وتركيه شويه خليه مع الايام يمكن يسامحج انتي الي عليج ادعي واقيمي الليل اذا الله كاتبه لج بيرده لج وترا الريال صعب ينسى احد غلط بحقه الله يعينج ويسخرلج دربج

 

[LuLiTa]

الله يعوض عليج اختي ,,, و يصلح ما بينكم ,,,