تطهير الملابس100%

[اموره وحلوه]

السلام عليكم ورحمة الله وبركاته








بنات انا غسالتي اوتوماتيك الي تتبطل من جدام

وقريت من وحده من بنات المنتدى انها اتغسل ملابسها بديتول الاخضر

السؤال وين احط الديتول؟ في المكان المخصص للصابون او في المكان المخصص للكومفورت؟

وبليز اذا عندكم طرق ثانيه للتطهير فيدونا جزاكم الله خير

 

[اموره وحلوه]

8 دشو محد رد ياليت اتفيدوني بنات جزاكم الله خير

 

[أساور]

ماعندي فكرة يمكن بنفس مكان الكومفورت

 

[د.شريفة]

انزين ليش الديتول ماله داعي كافي الصابون

 

[اموره وحلوه]

انا قريت موضوع عن حشرات بالملابس عشان جذي خايفه مشكورين للي ردو وناطره تجاربكم

 

[اموره وحلوه]

31 وحدة دشت بس 2 ردو خلاص زعلت

 

[sara3]

امورة وحلوة

مكان الصابون لان هدفك اتعقمين الهدوم من الجراثيم.وبعدين التعقيم يصير بالماى الحار اذا ملابس قطنية حطى الحرارة على 60 درجة

 

[اروى77]

انا ماستخدم ديتول للملابس افتكر الماي والصابون كافين لتطهيرهم..انشالله البنات يفيدونك

 

[sara3]

يمكن الاخت عندها مشكلة

ساعات يصير واحد من افراد الاسرة فية حبوب ولا مرض جلدى فتبين تتاكدين ان الملابس معقمة

انا عندى ولدى عندة جفاف مو طبيعى فوصانا الطبيب على صابون خفيف حق البشرة الحساسة بشرة الاطفال وقال لاتحطين منعم فى الغسيل لان فية عطور

هذى تجربتى حبيت انقلها

 

[اموره وحلوه]

مشكورين بنات وسارا انا الحمد لله مافيني شي بس شفت صور اتخرع لديدان بالجسم اتخرع بكل معنى الكلمه والسبب حشرات بالملابس الله لايبلانا يارب اعوذ بالله

 

[م فطومه]

الديتول الاخضر ضروري بكل بيت حتى لما اسبح اخر شي احط شوي منة بدلو( شاريتة من الجمعية) مع ماي واكته على جسمي اهوا للعناية الشخصية وايد زين


اما بالغسالة انا ماحطة مع الصابون احطة عقب الكومفورت يعني بالشطفة الاخيرة.. ومرات احطة في بخاخ وارش الملابس واهيا بالمنشر يعني تكون توها رطبه

 

[شمـــــريه]

والله ما ادري
ان شاء الله البنات يفيدونج

 

[اموره وحلوه]

ام فطوم مشكورة ع ردج بس انتي تحطينه بالشطفه الاخيرة بالغساله ؟ وشنو نوع غسالتج الي تفتح من فوق العاديه والا الاوتماتيك؟؟